1. 快, 唔輕機(但依加D機正常都好快架啦, 所以都唔係咩特別既優點)
2. 大MON, 輕
3. 電池都襟用

1. 相機好差。前鏡後鏡都係, 前鏡特別差, 如果係女仔, 更加唔適合用, 大頭自拍, 如果三人合照,係影唔到既。後鏡就冇咩特別, 啲色唔夠自然, 偏白)
2. 內置記憶體(ROM)得8GB, 你down幾個apps已經冇位, 成日都要刪相刪音樂, 佢有D app唔俾你move to sd card)
3. 內置app好多都冇用, 浪費D位
4. 個power制音量制係左手邊, 超唔方便, 次次都要用第二手開機
5. 外觀唔討好, 我用白色, 但佢開左機有上下兩邊都係黑色兩條野咁, 個screen唔係occupy晒mon, 冇啦啦整兩邊黑色, 好肉酸, 同埋感覺上個mon唔係咁大

用完之後,我唔會再考慮HTC

1. 大屏(現時5吋只能算是標準，5吋以上才能稱為大屏)
2. 畫面清晰
3. 雙Sim卡(有人會介意是Nano卡，但我電訊商換卡及中港卡裁細尺碼，一樣咁用，睇唔出有乜分別，每日帶幾部機Sim卡互換者另計)
4. 電力持久(我無打機習慣，只通訊及睇電視劇，足夠一日)
5. 外型靚，夠輕、夠薄(呢樣就見人見志，不過我一向喜歡)
6. 系統優化反應快(雖然只有1.5G Ram，但從無死機、Reboot或Lag)
7. 機套易買(不論內地及香港都無困難)
8. 通話聲音足夠及清澈(買機時試過有一部對方聽時有Delay，好奇怪，不過換一部便無問題，應屬個別情況)
9. 肯定將來可以升級(原裝是4.3，現在是4.4，年底應該可以Android L，仲要唔會好似其他牌子，部機會越升越慢，咁就真係唔升好過升)
10. 字體夠大(都戾唔一定係老人家先需要既)

1. 後鏡頭1300W，無想像中咁好，不過都算唔錯，唯一係太暖色，希望色溫上有所改善。
2. 內置容量細，呢個級數應該16G 會比較好，不過當然價錢又會貴番
3. 電源及聲音鍵設在手機左邊，現時流行機套，按鍵會變『頂手』，設計失敗
4. 有部份香港字，不能顯示，睇怕要升級先搞掂
5. Blinkfeed 對我無用，所以我都Disable咗佢。

我一出就買，樣樣中上，對得起價錢，用落好滿意，一定唔會用到你又煩又燥。我想HTC一向眼高但又出手低，同規格既永遠比別人價高一截，現在競爭咁劇烈，唔蝕本至奇，但呢一部真係HTC歷來最益街坊之作，睇番各地銷售額都見在頭位便知道有幾好。不過一部成功就馬上沾沾自喜，之後既機，好明顯又係打回原型，貴得黎仲要俾少一、兩樣野，無哂性價比可言。

電噤，放工仲有50%電
平
靚MON
大聲

相機唔sharp
原生睇相程式唔方便

十分好用，十分順，比我之前用的八核大陸機好，價錢仲差唔多！

第一次用HTC. 感覺介面好吸引. 機既設計好靚.
我一直對二千零蚊手機無咩要求.
只因需要經常到內地工作, 唔想拎2部電話.所以要買雙卡機.
之前用緊Note 2.
裝翻哂日常所需既APP. HTC 816 部機反應幾快. 用落好易適應.比我預期中更慳電.
個Speaker 嘅音質係我最surprise . 唔覺自己用緊係一部二千幾蚊嘅機.

大芒，高清，睇片唔起格 
流暢度高，上網暫時都冇lag過 
買左黑色，邊框彎少少包住機背同面 
好有一體成型既感覺，質感唔完全成部膠 
前置雙喇叭，靚聲唔拆 
二千零蚊咁既水準，冇得彈啦 
薄，輕，拎上手揸住睇片唔覺重 
最重要係簡易模式老媽子好滿意 
話mon同字夠大好好篤 
老花眼都睇到 

依家老媽子依家機不離手，煮飯都用佢播歌

老媽子部機神神下 
又唔想要貴機，但又要大mon 
幾經艱辛，終於搵到部出佢鐘意既機 

性價比高

啟用雙卡時卡一上網時常斷線或出現重新連線, 只用一張卡或關閉卡二連線時能夠正常上網

除了上網問題多, 其他還好

面同側邊做左霧面, 令到好似有金屬質感咁
而且手感好特別
RUN 起上黎夠快、夠順
芒大再加上輕巧又夠簿
又再搭埋前置雙啦叭+HTC 既自家Boomsound
再加上依個價錢, 自己用緊橙色
好SHAPE, 夠哂特別
而且HTC自家SENSE又幾好用wo
夠user friendly, 好貼心

用NANO SIMS要去電話舖到轉卡有點兒麻煩

二千零蚊買部中楷機
用左之後就覺得好抵用
真係想問句: 雖然佢同6000蚊既機一定有分別,但有邊部抵用過佢先?

快，順，大芒但超輕巧，輕及薄!設計無得彈，跟機手寫認字快準!!機慳電，HTC跟機獨家軟件非易用及實用，我第一次用部不需看說明書就懂，十分user friendly,screen靈敏度高及清晰，機價平外形靚

無得換電，相機質素不是頂級，但呢個價格不能要求過高，聽歌人聲薄，bass不夠

很很很很滿意，大陸機價錢，超高質素表現，我與同事的note2外形對比過，大家都是5.5吋芒，但HTC816輕巧九條街，輕巧的大芒機真係只此一部，簡直令我愛不惜手!

大致上都OK

冇得換電

本人覺得用雙卡時卡一上網會常日網絡重新連線,但只用一張卡時又冇事.唔知有冇人都有呢個情況?

- MON夠大
- 價錢平
- 四核, 行起上黎出奇地流暢,非常唔錯
- 好適合用黎煲劇睇片, load得好平穩, 唔會塞, 冇lag
- HTC喇叭連依部816,一樣前置雙喇叭, 音質一樣配得上個「好」字
- 夠薄又夠輕
- 性價比高

- 如果煲劇耐, 要充多一次, 一般情況一日一充左右

mon大, 同note 3 差唔多咁薄
如果本身係鐘意煲劇睇片,都係上下fb, 玩下一般遊戲
買816已經好足夠, 依個價錢真好抵買
我用白色,好靚, 夠簡潔