LG G3

評測報告

實拍照片

外型討好，大mon 但有細機身
個mon既色水真係靚到你連娘親都唔認得呀
電量方面，我由朝早九點100%電開始用間中打下電話，打下機，wts下，睇下youtube，到左夜既八點都仲有20幾%電

搵緊

好值得買既一個部機，淨係講個外型己經贏左膠布S5九十幾條街啦

用後感度一次過講晒...

都係喺用後感度一次過講晒...

我上部機係用g pro 2,...今次G3 用上手明顯地好揸手咗...同用G2時嘅感覺一樣唔似揸住部5.5吋mon嘅電話...畫面就更進一步...好靚...啲色水再實淨啲(對比g2 同 g pro 2)...唯一嘅係要習慣新嘅介面因為睇慣咗g pro 2 嘅舊UI ...要啲時間消化...用慣了Lg機除咗個mon同部cpu高咗一級之外...其實整體嘅嘢分別唔大...電量方面我玩咗一日..打機...上網...睇片...聽歌..whatsapp...講電話乜都有...用咗十個鐘仲淨30%電量...我係喺星期日放假時玩足部機成日嘅...個人感覺同上兩代機電量差不多...我唔會root機改乜改物嗰班人黎嘅...正常使用電話我覺得係夠用..唔需要拆過韓版機另外嘅一舊電黎用咁囉..影相由其影夜晚或室內係靚咗嘅...不過我唔會太深究影相呢part...都係嗰句用到post到上facebook,whatsapp就得...要影高質相用單鏡相機把啦...返而係部機上一陣網後係會暖手同我之前用g pro 2 情況一樣...但未致於辣手可以接受...聽同講電話係ok嘅我覺得比上代清晰咗..我用pccw台...而我係最緊要係喺聽歌嗰part...不過無乜分別...靚聲就一定架喇..但無驚喜同g pro 2 或 g2一樣樣囉...整體上而言...mon靚咗...通話清晰咗啲...其他同上代或g pro 2 分別不大...LG係有誠意就梗架喇...我介紹比啲朋友仔用佢地都話無轉錯會(由g pro開始)...如果而家嘅LG機都仲有人話唔好用..三叔好用啲嘅話我都無說話好講..

今日在pccw 試過
1. 畫面真係好靚，尤其在youtube 睇4k 片，真係靚過其他機例如碌衫
2. 聽筒清晰，冇以往Lg 機聽筒細聲或潛水聲或窒窒地，對方亦聽到清晰
3. 拍片移動手機唔覺鏡頭前後移動對焦，但影像已很清，應該對焦快到察覺唔到
4. 有收音機，好多4g 機都冇，lg 抵讚

1. 畫面始終比碌三細了一點，更比gpro2細了一截

只試用一陣，電量唔知襟用與否
利申：本人非打手，用緊padfone2, 打算換gpro2或碌衫或g3,如無意外應該會揀g3