LG G3

評測報告

實拍照片

就andriod系統黎講，呢部機的確已經做到盡善盡美，因為本人係一個玩手機既發燒友，會將眾多電話用完再作一個比較，
而g3就會係排在note3＜htc m8＜z2幾部品牌旗艦機之前！本人並非打手，完全係因為用完之後得出既決定！因此，g3
成為我andriod 界別中版選中的手機！以下我用幾個方面去講一講，亦跟據我對手機既功能重要性排序：

1：系統流暢度（我認為最重要一部分）

呢部係唯一一部我認為andriod流暢度最接近iphone ios 系統！無論係界面互轉，即是主畫面一版滑過另一版，還是開關應用程式等
都可以無間段，無遲頓感覺咁完成整個動作！用左大約10日，唔洗用art mode 已經覺得流暢度好滿意，然後更驚喜地發現10日內都
無左以前彈app既問題（不論係咩牌子，其實都存在呢個問題），由此都見到lg係兼容性都下左一番苦工！另外，多工處理方面已經
輕而易舉地應付我瘋狂轉換既測試（連開數十個不同既應用，包括遊戲同程式，直到出現lag機），直至我換到無癮先停下，並非機
能應付唔到！

2：樣子（功能再強，樣接受唔到相信都唔係考慮之列）

相信大家都會同意呢句話－－功能再強，樣接受唔到相信都唔係考慮之列，正如大家點解唔揀zte，華為等品牌性價比極高既機！
g3設計：精銳出眾，點到即止，8個字係對佢最好既形容，我覺得
除左iphone5s之外，佢經已係最靚且不似抄襲既機皇，z2既設計都幾討好，但始終都會有種感覺，抄iphone既四四方方，無出息！（我相信呢個都算係偏見一種，但確有呢種感覺，和s2當年一樣！
g3用盡左機面面積，大約用左78％（根據報道），但大小控制有致，唔會過大，一手掌握，配合motion move，單手操作都無問題！
底部其實仲可以修窄，但為保留LG品牌字樣，亦需要作出犧生，但我反而覺得其實係錯有錯著，成就獨特風格！

3：user friendly（使用方便度）

呢方面，亦係我覺得g3 完勝其他幾部旗艦機既地方！首先，點兩下個mon就可以開關屏幕實在非常方便，係未有呢個功能之前我都
一直係度唸到底幾時先會有（當時仲係s2年代），結果由g2開創呢個天下，亦係我從三叔轉會既主要原因（一直用note系列）！
可能有人會話htc，都有同樣功能，但如果有用過曬兩部機既玩家，就會明白當中不同之處，htc實在有d唔湯唔水（可以開又唔可以關），
到喉唔到肺既感覺，雖則有個dot view，但無由加配套去做比較。第二，直接把電話放到耳邊就可以接聽電話，唔需要做任何多餘動作，
感覺比三叔的懸浮觸碰要實用得多，一個細微處就體現對用家想好了到底最方便既聽電話方法。三，按鍵操作，底下的三個主要按鍵
可以互換位置，亦可以根據需要轉換為其他功能（最多設置四個，應是為了保持美觀）），方便左手或右手的用家，感覺全包圍了！

4：屏幕同音質表現（mon and sound）

mon方面，相信唔需要多講，因為佢係幾部旗艦入面唯一使用左2k 解像度既機皇，清楚亮麗，顏色鮮而不艷，如果用開三星，可能會
有唔同既睇法，但心水清既玩機之人就會知道三星係用左重口味既色系令到眼球敏銳永不夠既中老年人士覺得色彩鮮艷，但當比較情況
下就會知道白其實是黃色的，而拍出來的橙色基本上同紅色都難以分別，呢個係一個好重大既分別，而本人覺得佢最大既進步就係學到
sony 既自然感覺，從來我都認為sony既顏色係最好既，清而舒服，唔需要做任何調度！htc就一直都係不過不失，不求突破，亦
唔會被彈，但同樣表達唔到佢既誠意！聲音方面雖不見htc m8之雄渾有力，細膩動人，但作可見lg 下足苦工，除不夠大聲外基本上都可以外置喇叭效果，有力，表現到高低起伏，細緻，體現人聲之美，精彩處在於加上配置耳機後（發燒耳機更佳，本人用ue900），感覺舒服而細膩，表現到位。

5：電池／充電／用電表現

呢個係其中一個問題直接令到g3在我打的分數拉低，用電速度與htc m8竟然快差不多一倍，比s5和z2快1．3倍左右，比note3都要快少少，先至係我更加接受唔到既原因（直接令我放棄note3），不過充電方面，就有好大既進步（比起g2），不到兩分鐘就可以充面一個％既速永可與samsung的usb3.0爭一日長短，技術到家！
3000mah電池同可換雹設計相信係吸取左上一代既g2既教訓！
可換電插卡係我選擇電話最後底線（唔計iphone）

6：配件同支援
完敗一硍，除左原裝皮套，充電盒呢d個個大牌子都有既配套外，其他不值一曬，連搵左玻璃貼都可能要行兩間，想搵d正常普通既套都可能難過登天，希望過多一代會更多人知道lg既好，不過情況都好似改善緊，所以唔建議女人用（無得玩配件，日日換套換卡通貼之類）！

總結：比得起錢既，可以一試一買，唔會令你希望，並非完美，但至少完善，該有都有，人有佢優，仲連人無佢都有。。正評！！！

打埋係優點內作比較！！！請細閱

總結：比得起錢既，可以一試一買，唔會令你希望，並非完美，但至少完善，該有都有，人有佢優，仲連人無佢都有。。正評！！！

1.個mon真係靚到爆
2.雖然尺寸加大左,但重量仍然適中
3.個喇叭雖然係後置但仍然聽得好清楚
4.最新個解鎖功能好正
5.水貨3600幾就有32gb版本
6.屏佔比好高
7.可換電而且個mon又大又要2k顯示個續航力都係可以接受
8.ROM流暢度都唔錯
9.網絡接收幾好
10.啲按鍵設計好好,單手揸機都可以禁到粒制

1.機身發熱問題都幾嚴重下
2.機頂果個紅外線位設計得好樣衰,如果可以似htc m8咁就唔錯喇
3.水貨都幾多垃圾apps(定唔知係我問題)
4.個相機雖然有光學防震,但對夜拍好似無乜幫助
5.有時打打下機(轉珠),會無啦啦接觸有問題,自動中斷轉珠同拎起個粒珠唔係你想要果粒

其實我係第一次用LG機,LG G3比到我幾好嘅體驗,我多數都拎黎睇片多,個MON又真係無令我失望,而且水貨又平,我唔多打機,但對我黎講佢係我挽嘅游戲到仍然未能比到我好好嘅體驗比我令到我有少少失望,但街市生菜價同MON嘅表現,令我都係要比5星佢!

原本iphone用家，如廣告或樓上多位CH所言，用機體驗幾好，流暢簡單，相機亦好用

可能是萬中無一的幸運，買中一部32G D855，原本應該是3G Ram，竟然衹有1.8G。建議有興趣的朋友買機時或後仔細測試。本人是因爲儲存網頁圖片都提示空間不足而發現，現已登記等換新機。

不知道這算不算是QC問題，但若新機規格吻合，仍會開心使用。
特別想提下，唔鍾意quick circle防護套設計，覺得好樣衰，而且用的耐，mon上會留有明顯痕跡。各位可以想象一下一位原本美白的少女，經常去沙灘曬太陽之後，唔係人人喜歡。

色靚
影相對焦好快,影又快
KNOCK CODE功能方便
差電好快
順(下面有解釋)
唔會內置好多無謂APPS

電唔襟用,正常中度使用的話只係勉強夠用(更新軟件左都係咁覺得)
部機一開大資源APPS就易發熱(暖暖地)
KNOCK CODE解鎖過分sensitive(下面有解釋)

本人有買***最新個隻8.1平版
感覺比G3 LAG好多
特別係我想複製一段字個時成日同我highlight埋唁想複製既字
G3就冇呢個情況
不過轉APPS轉版面個時有時都會有微LAG情況
但係覺得可以接受問題不大,畢竟想唔LAG只有去買APPLE

KNOCK CODE解鎖係方便
但係試過用無蓋既包邊套放係褲袋佢不停掂到條褲就不停同我解鎖
解鎖到部機發熱熱到我發覺先知,不過相信用有蓋既套就唔會有呢個問題吧

買機個時真係會有機既SCREEN偏黃,而且仲黃得幾誇張
好彩既係試到第二部就無呢個問題,建議大家買G3個時真係要試多幾部

我係等到佢減價先入手,TRADE埋舊機($700)再加佢優惠PLAN係大鋪買都係4千二百幾到仲有野送
感覺呢個價入手呢部機絕對物有所值,當然前提係你想舊機換新機咁就抵啦

1. 影相的相片質素很好，對焦亦快
2. 上網睇 webpage, news or ebook 都覺得個 mon 好舒服
3. 部機好穩定，反應算快
4. 電力不錯，充電亦非常快
5. 機身輕巧、簡潔
6. 手機感應很好

1. 似乎配件和 cover case 的選擇不多
2. Data files 只可以用內置的 file manager 去處理而唔能夠用 apps (因為佢 limit 左 file management 嘅權限)
3. 有些原本在 G2 出現的 settings 被 hidden 了而不可以 turn off 某 d startup function (除非用一些方法去 access hidden menu)
4. Knock code 很敏感，好容易就唔小心開左部機

第一次用 LG 手機，初時有 d 擔心質素，但用落的整體感覺很不錯和很方便，相片質素亦非常之好，個 mon 嘅畫質實在帶給人一種享受的感覺。 以往用 samsung galaxy note, 覺得它跟 G3 各有各好，我好欣賞 samsung 的 calendar, 亦好鍾意 LG 嘅簡約；其實只要適合自己用途、襟用又夠用就可以了。

1 芒勁靚, 我覺得暫時只有IPHONE 個MON有得同G3 比, G3 MON畫面比IPHONE細膩少少.
2 喇叭聲音OK,幾大聲
3 影相對焦好快，相片質素高
4 機身都算薄，5.5寸大mon細機身
5 聽筒通話質素清, 比Z2大聲好多, 吾怕嘈雜地方聽吾到對方講野, WIFI 接收信號好, 吾似Z2 WIFI成日信號好弱.
6 knock code 幾好用.
7.有收音機
8.色準做得好好,好真, 吾似三叔D味精MON,一味靠濃烈顏色顯示.
9.DESIGN 幾好......

MON 有輕微偏黃, 可能是用暖色MON.
LED 燈大一點比較好.
打機比較熱
無USB 3.0 接頭

手機的用料、重量、手感 ,效能各方面都做得很好.....MADE IN KOREA