優點:
1. 千2蚊入手,係我買過最平既手機!
2. 雙卡雙待,岩我飛黎飛去,換1張卡就ok.
3. 相機好用,可能Sony 鏡頭關係。
4. 又靚又型,5吋IPS mon,大細岩岩好。
5. 上過客服,售後ok.
6. 有手套模式,遲D飛北歐都無有怕~
7. 上下載速度比想像中好,幾乎拍得住旗艦機......
缺點:
1. 最大問題係音質、音效, 聽音樂方面...... 強差人意。
2. 電量唔夠, 2110mah,雙卡情況下,只用到大半日,而且無得換電。
評價:
第一次用ASUS既手機, 出乎意料地好。
第2次買ASUS既移動裝置,上一部係nexus 7 lte(好用係正常架啦),今次買呢部機,一係因為價錢吸引,二係因為2GB RAM, 本身好怕手機又慢又lag,猶其係打打下機,lag 一lag,激死都似,但用到而家為止都未試過。個mon 幾抵贊,1280x720IPS,色ok.
好可惜呢部機都係有2大缺陷,如果唔係真係完美。不過自己本身有MP3 機,影響唔大, 電量方面,我一向有帶開「尿袋」,所以問題都唔大,其實咩機都好....都一定要帶啦...
岩岩試用過LTE 版,速度唔係話差太遠,但行4G,舊電消得重快.....
所以試完之後都係買番普通版,用黎送俾朋友做生日禮物^^
(已經買左部俾老豆,做孝子~)
對比同價位,個人覺得無對手,第一係因為ASUS呢個名,第二係因為其他機唔夠好例如,小米擺明外洩,3C本身ok,係個樣麻麻,同埋我對國產無咩好感......
總括黎講,個市場定位做得幾好,出多D呢D機,多D選擇之餘,重可以擺脫而家貴=好既高階市場,部機既規格完全係中高階,所以買黎玩下都抵,最後一句,千2蚊,你重想點?