LG V10

評測報告

實拍照片

聽歌靚正（qq音樂+百令蚊重低音耳筒）
外觀型
影相靚
可換電
充電快（關數據，飛行，停用程式，由10%到80%半個小時唔洗）
有雙卡
升6.0指紋解鎖快
打機 上fb whatsapp 等等 有人打黎既時候只係響副屏顯示
關左主屏而副屏 開著 放係褲袋副屏會自動關
一從褲袋拿出來副屏就會著 好方便 睇時間唔洗按兩下主屏

比較食電
打機一般
加個殼或套拎起時感覺會重
跌左落地 個蓋會花
套同蓋比我理想之中難搵
副屏只可開關 最近使用 簽名

用左半年寫感想
其實由g3轉note4轉v10
因為佢有副屏幕呢樣野
覺得幾新奇下
副屏唔可以整字色係同少新意係爭少少
不過有冇開到 電用量都一樣，冇話開左會用好多電
有v10既朋友試下聽用qq音樂聽無損flac音樂的確唔同啲
所以今年2月頭用4千3買左藍色
食電係幾快 買左150數既後備電連座就差唔多足夠用一日 比起Samsung.. LG 機係好用好多
至少冇3星咁多垃圾app
升左6.0 開指紋鎖超快
samsung機耳筒位插係上面充電插下面
搞到出街好唔方便
LG 反而做到我想要既要求
兩個位都係下面
睇人話LG g4 燒底版..唔係唔敢用，而係當時未有咁快想轉機而v10岩岩先出就覺得外型吸引 ，跌價快，就半年後買左返黎先知道個報導，不過其實用咩機都冇咩所謂，部機既危險程度係視乎自己點樣用部手機其實我都用開v 10，note4 g3 邊充電邊打機唔見我有事？
我咁樣講唔係擺明話之前爆炸過既手機 底版壞左 死機等等..甚至而家岩岩新出新報道既note7..要打機既又唔想成日充冇電點解唔買部mate7 a9既大電/可換電，又或者買個尿袋去充，150-350有一個，又怕貴，旗艦機一部起碼成幾千蚊你都唔介意去買
屋企人想要v10 讓左俾屋企人
而家等v20快啲出一出
考慮會即買

4GB ram 俾你用有1.5-2.0 GB
影相無得頂!!昏暗環境清晰度高 近乎無油畫化
雙自拍鏡頭 有125度大廣角
不會發熱 gaming都係35-36度
可換電!!!
支援最高2000GB SD 卡
副螢幕實用多過創意
2k芒不比note5/s6 差
指紋解鎖快(同6s差吾多)
性價比高4***
系統順(己用2個月)
錄影功能跨張!!!! 可即時較iso 快門 white balance 收音方向 大小等等

有d重... 男生比較合適
有d厚...但換來更大安全感(比ip好)
電去得快...
我重度玩家(1日2電) 但可換電 支援快充2.0(10%-90%)55min左右!!!

相機手動可較2700iso 30秒快門

多位真正用家已詳述

真正用家已提及

因為上述情況, 本來都冇乜補充, 但係睇到樓下話呢部係LG近年最差既手機先抵唔住要寫返小小意見以正視聽, 首先唔講呢部機有幾好, 就佢話用開G3上V10後發現除咗對焦快少少就辦辦輸晒, 如果真係咁差, 佢又會買既? 電量試唔到, 都試到電話喇吧同聲音質素喇, 又話易花到放喺褲袋都會花, 咁褲袋有冇其他嘢先? 有就自己問題, 冇就....
我由G2, G3, G4用到V10, 見證住每ㄧ代既改變及進步, 整體而言,手機表現不論軟件及硬件均ㄧ代勝ㄧ代, 完全沒有樓下人士所講的情況出現, 就以G3及G4的使用經驗亦甚小出現hang機情況, 所以睇唔到點解V10既Ram由G4既3G提升到4G反而會有易hang機既情況出現, 而實際使用時V10操作的確順心流暢, 故此結論可能係唔識用, 所謂人紅是非多, ㄧ部面面俱圓, 好使好用的好手機

－ 可以換電
－ 可以插記憶卡
－ 有紅外線搖控
－ 有FM
－ 4GB RAM
－ 幾乎有齊市面上手機所有嘅開機解鎖方法（有指紋解鎖同Knock Code）
－ 電話鈴聲夠響
－ 自拍角度夠大
－ 相機對焦快
－ 背蓋容易拆出黎，更方便換電
－ Made in Korea（不過舊電仲係Made in China有點兒敗筆）

－ 電池續航力弱
－ 系統運作上黎比同樣用S808嘅G4仲慢左D同疾D
－ 冇提示燈
－ 冇得無線充電（港行係賣雙卡版所以至冇，唔介意用韓水嘅朋友可以買單卡版就會有番個無線充電）
－ 冇左Quick Circle Flip Cover（新版Flip Cover將個面放響機背會遮住個鏡頭影唔倒相）

近呢兩三年黎我一直都好留意同好鍾意LG嘅手機，自從用過Vu之後就冇辦法再留意其他牌子嘅手機，而呢部V10亦都已經係我第6部LG手機嘞。相比起我對上用嘅G4，雖然話有改變嘅野就真係唔多，但個人認為V10都幾值得G4用家買黎升級嘅（其實我係想俾4.5星，但因為冇呢個選擇，所以就4捨5入啦），因為V10話就話係用番G4隻mon，但V10個mon除左比起G4大之餘，個色準係銳利左同埋光啲，G4因為有啲偏綠色所以睇落會比較暗。而且響信號接收方面亦都比G4（雙卡版）好，G4好多時個信號都唔可以爆格，去到商場或者地庫好多時都收唔倒信號，黎到V10信號穩定左之餘，個上網速度都明顯比較G4快1倍，間中上網都可以見到個信號去到4G＋（但其實小弟係用4G限速）。

同埋睇番今年下半年各個牌子出嘅旗艦機，以往"可換電"同"可插卡"呢兩個幾乎係Android機基本配置，但依家已經愈黎愈多手機公司已經因為"提升續航"同"增加視覺美觀"等等為由而學iPhone咁，就連以往都一直堅持可換電設計嘅***都已經由今年開始將S系列同Note系列都用晒一體成形設計除左冇得換電，仲學iPhone同小米咁連Micro SD都冇得插（依家啲片源同相機影相個像素愈黎愈高，靠依家手機多數內置嘅32GB／64GB根本唔夠用，用OTG擴充容量又會食電得黎又變左冇左個叉電位充電）。不過，我相信LG應該係吸收過國際版G2嘅教訓，響G2 Pro開始將G Flex系列以外嘅各型號手機都繼續用番可以換電同插卡嘅設計，真係希望黎緊LG仲可以繼續堅持呢個設計。

至於講到電話個效能方面，繼續用S808，可以避免倒S810無限飆溫個問題。因為之前有做到full backup同restore，所以依家響V10用幾乎係同trade走之前嘅G4設定一樣，依家部機就算有好多積累嘅冇用apps同cache響度，用落都冇咩話大問題, 可能都係受惠於V10個4GB RAM。但可能始終個Mon大左而個CPU又冇變嘅關係, 系統運作上比起G4都係慢左些少。

不過始終要彈嘅就係個電池續航力嘅問題，因為用G4嗰陣時用落個電真係好唔夠用，都曾經想話等***note 5發佈會完之後轉機，但見note 5個幾乎百無嘅配備就令我打消轉會個念頭。講番LG手機個低續航問題，其實響G3開始一直都存在，事關由G2（國際版）開始差唔多部部旗艦機都只係會配備3000mAh嘅電，但大前提係G2嗰陣時係1080p嘅Mon，依家V10個Mon大左又清左都仲係配備3000mAh電？或者你可能會話：咁note 5／s6 edge+有差唔多嘅配置咪一樣係3000mAh⋯⋯但佢地有冇個會長著嘅副Mon先？仲有G4 Stylus得720p解像度又係用番同G4一樣嘅3000mAh電，V10仲維持住呢個電量似乎有啲講唔通。再者有得換電同續航力係兩個唔同嘅topic黎，有得換電唔代表就會食電啲（小弟嘅母親大人用左年幾嘅***note4 dual基本上都係臨瞓先有系統提示話冇電）。呢幾星期用都唔可以避免一日兩充，只能夠話好彩佢有得換電，個人認為以LG依家個做電技術最起碼都應該出番個同G Pro 2舊電咁上下嘅電量先夠用，起碼能夠應付倒副Mon個用電需求先，當然最好係出到G Flex咁大個電量，而又係可拆式鋰電池就最好啦。

至於其他V10啲主打功能：相機同音質，因為個人黎講冇乜點考究呢兩樣野，所以不作評論，不過個影相對焦到成像，的確快過G4少少。

顏色檢測鐳射對焦大光圈可全手動相機、HD音樂加普通檔upscan播放、紅外線電器搖控、收音機、雙卡雙待、自由換電、支援外接記憶卡，應有盡有，全部實用！

Quick cover電話套設計弱智；
電量更大較佳；
重！
雙卡一定要放棄無線充電？出新系列點解唔度好啲個接點編排？
何必要個副芒著通宵？加個時間掣唔駛死啩？

由G2開始用LG，G3G4一直捧場！G3體驗差但人人讚好，可能真係撞手神！G4亦係好機！今次升級亦無失望！講真不如調返轉數佢有乜實用嘢係無？先拍後對焦？motion picture？3D？呢啲一來嘥位，二來影低都唔知第時喺第二度用乜開得返… 所以我全列為花巧宣傳嘢，唔會真正慣性咁去用。

V10嚟講，我出入聽歌，whatsapp email Facebook RSS 加查字典及 web searching，每日必開兩舖 ridge racer，上午九點拔火牛，到夜晚十一點見紅，screen on time 約四小時，基本上可以唔帶多舊電！但有時外出做嘢 WiFi share埋俾ipad，袋多舊電點都多啲安全感！可換電始終瀟灑過插尿袋！

特別一提，我一向上facebook只用mobile web版！反正做得返哂全部嘢，原裝fb app太大咬！對電量影響不能小覷！

最後講講揀機時我睇哂咁多種色，鍍金可能摸得耐會退色，除黑色機外我見全部其他色demo機鏡頭圈下部都磨蝕甩色，所以我最後選了黑色版！大家揀機時不妨留意吓！

- 影相係同級來講無敵，贏哂1/2.3" DC仔，分分鐘可媲美1" DC，拍4K片用最大bitrate連iPhone都唔係對手。

- 續航力比G4進步不少(我自己個部來計)，以前部G4已換過底板，但我唔點打機都係五個鐘內用哂舊電；依家V10正常唔多打機咁用，一粒電竟然可以頂到8個鐘以上。

- 通話比G4清晰，反應亦比G4快。

- 副mon幾特別，但我少用，太高手指唔常reach到。

- 外觀設計唔算最靚，但係近年韓機來講算好大突破，鋼邊幾好手感。

- 聽歌超好聲，用原裝耳機自己都覺得好夠。

- 升到上6.0，SD卡唔可以融入內存

- 套的選擇太少

- Mon的色有點怪，唔及iPad Pro咁真實

- 都幾重，感覺重過iPhone 6+

以前用G4又熱又慢又食電，見到衛訊係出G5前減到$4198仲送後備電，忍唔住放G4換呢部。

最初以為除左個樣，其他野應該同G4一樣，點知唔係。一試相機即嘩，以前G4的相係夾硬被軟件整到好sharp，依家V10係好自然的sharp，被攝體的線條再見唔到白邊，完全達到相機級數。

V10相機手動模式直出jpg已經好OK，睇埋DNG更加犀利，發色同我部D750有得揮，柔中帶利，冇被軟件誇大飽和度，ISO 50 - 300絕對可用，係LR執一執係街影的相，被攝者的立體感同相機真係冇咩分別，絕少毛邊，估唔到1/2.6" 手機CMOS都可以tune到咁勁。缺點係對焦未夠極速，亦有一定快門遲滯。

拍片更強，4K加埋64Mbps，靚到唔識講，OIS十分有用。

計埋電量，呢部算係近年我玩得最開心的機，缺點唔係冇，不過暫時唔算太影響日常使用。真正攞手機當相機咁玩的攝影人，不妨參考下呢部機。