LG V10

評測報告

實拍照片

1. 可換電
2. 可插咭
3. 半金屬機身
4. 用4G ram
5. 內置已經有64G rom
6. 內置DAC及opamp
7. 相機質素維持G4的高水準
8. 前置雙鏡頭好好玩，又實用
9. Touch screen反應比G4更快
10. Cat6上網係幾快
11. 外置差電坐竟然output都有成1.6A
12. 支援QC2.0
13. 原裝耳機質素都好高，而家重有AKG加持來幫手調音
14. 機身發熱程度算小
15. 上面細螢幕不是裝飾品，係真係幾好用，平時唔洗下下開着個Mon都可以睇到通知轉歌等，幾低死，又可以用小啲電
16. 以原裝內置輸入法來説，算幾好用，雖然最後都係用番googlo果個
17. 終於有指紋解鎖
18. Made in korea 而唔係 China

1. Screen sensor太敏感，螢幕好容易變得太光或者太暗，之後又要手動校返
2. 因為用金屬邊框關係，所以今次LG拿手好戲窄邊框就變成無左
3. 機身係幾重，成190g，不過上手使用後可以接受，平衡感都做得好好，當然輕d就更加好啦
4. 玩SimCity時螢幕反應仲差過紅米note2(個别事件，好可能係土地問題作怪)
5. 想買多個特別d款式既機套都冇
6. 唔係個個色到有皮版，得黑色先有，明明G4都有幾隻色
7. 無USB Type-C，話得旗艦就應該用最新規格啊！
8. 重係行android 5，重未公布6的時間表，因為6後外置SD同機身記憶體可以一體化，本人覺得好重要，因為官方都未有消息，所以列為缺點
9. 機身內粒DAC除咗自身插放器可以用之外，其他如PowerAmp等其他播放app都不能使用
10.外放喇叭同上幾代一樣，無乜進步，係改咗位置禁大把
11. 個ui同icon我真心覺得無乜誠意，都無乜進步過，而家連國産電話都要做好用戶體驗的時代，呢方面LG真係幾差，所以一返嚟就放棄，用咗NOVA！
12. 個Mon同部機都大咗，重咗，但電量和 續航能力又無多到，LG你玩我啊
13. 睇得到LG好急想將部機推出市面，手頭有二粒不同産地的電池，LG(南京)廠及同和藤化堂(煙臺)廠，南京就10/17出廠，煙臺就10/03出廠，對比二粒電上面字體印刷，包裝貼紙等，南京原廠係靚仔過煙臺廠，再次對比後， 自己重懷疑其中一粒電係假添，如果各位師兄對電方面有所執著的話記得要睇清楚

終於打字打到最後， 其實我所講差一點的旗艦，係因為所有硬件規格對比G4都冇乜點進步，除咗music player果粒DAC同雙螢幕外，其他都差不多一樣，所以覺得係差一點才能成為真正的旗艦。

逐點提下啦…

上一次係紅米note2用後感都講過， 而家呢個年代有得換電同可以插咭二樣都有的旗艦機，難度同搵隻恐龍出嚟係無分別。

金屬機身對LG嚟講，都算係一個突破點，宏觀咁多代G系列都係塑膠機身，係呢代部機終於運用金屬，對我個人來講質感係差過三星，但相對係LG來說係一個極大的進步，呢點我係好欣賞，希望會一路進步

我本人就好少打機，主力係打Simcity，隻game我用邊部機玩，都會熱到識煎蛋一樣(Sony Z Ultra , Gpro2 , z3 compact , MX5 , 紅米note2)，但係用呢部機都係微熱，用808都算係正確决定，另外相信左右金屬邊框都有一定導熱作用。

有4G ram真係幾好，開幾多個app都得，過埸等畫面又順，完全無後顧之憂，正啊！

內置已經有64G Rom對香港人嚟講真係好重要，因為個個都日理萬機，分分鐘幾百億上落，要一班達官貴人裝個清理app真係幾難，好喇就算識裝，咪又係裝個大陸乜乜豹等app，最後都係裝咗等於衰過無裝，有幾多識用CCC,女僕等等，而家好喇，有內置禁大容量，三姑六婆八叔等等…download幾多套膠劇都唔會唔夠位啦，作為後生仔終於一天都光曬，唔洗比人日問夜問點解部機成日都會唔夠位，大佬你貪平買部紅米得8G rom，連正常運作都有問題，重話要download乜download物，真係會好9煩㗎。( 以上都係發泄一下情緒，因為有親身經歷，對唔住大家)

指紋解鎖係而家都算一個人有我有的功能 所以我就唔再多提，因為我覺得knock on功能好用過指紋，密碼衰左都可以隨時更改，但係指紋比其他公司收集左後就一世都冇得改，而家android機既保安系統都唔係咁完善，我都係唔放心用指紋。

上得肥花一定要講下影相，G4開始LG相機算法真係有莫大的進步，再加上三軸防手震後超屈機，我覺得係某個程度比iphone已經更加好，因為小弟我係第一次用手機會影到月亮，其他手動功能，講真好多DC仔都未有禁齊，再加上兩個趣味性超強的雙前置鏡頭(第一次自拍就比咗佢)，但部機本身就係一部電話嚟，已經可以做到禁俾你，仲想點！

拍片唔係我專長，乜野3個收音咪呀，可獨立調教指向性收音呀，真係聽到唔打得都睇得下！

到我最關心個問題就係音樂播放，我當時囉部G4返嚟播歌果時真係媽媽聲到不得了，點解仲會衰架聲過部G3㗎，真係聽唔落耳，係呢個16/44.1都係最基本的年代，部機好聲真係好重要，所以聽到LG跟大陸佬風，採用獨立DAC+Opamp後，就好留意呢部機，而家返嚟聽咗幾日，可以禁講，贏iPhone就一定，但對比其他淨Player就可以講要洗洗睡了，以本身android系列電話來講，係超班的，音場都算闊(大約耳仔多二隻手指左右)UE11計，如用535就好得意，係耳邊噴口水情況有所減輕(音場闊咗)，但部機最失望係有音場，有分析力，但係零音樂感(聽感)，悶到抽筋！！

個2K螢幕就維持LG一向的高水平，因為都算係第三部用2K螢幕(自家系列計)，所以G3發生的問題大部份都解决咗，但係光度就真係比三叔差嘅，當然細緻度我覺得LG會好小小，但在觸控這個版塊希望提升得更加準確！

電量就不過不失啦，當然要求佢做到G2年代所提供的核電感受就真係難為了家嫂，所以我有時覺得用返1080p螢幕好過，不過呢個時代返轉頭有乜可能，唉，同香港人一樣，又要硬食！

31號買機後去鴨寮街買機套得一間鋪頭有得買，重有舖頭有人同我講V10係乜野機，真係吹到啤一聲響。

$198個外置差坐就一定要買，可能小弟見識淺，從未見過有差坐可以有1.6A輸出(output)差電禁堅，因為之前多數都係1.5樓下。

最後都係果句，呢篇文章水蛇春咁長文筆又唔通暢，各位師兄都睇到最後，多謝支持！

PS.
有人問我點解部部機最多都係比四星，因為小弟覺得呢個世界係無完美的一切，有完美就無進步，所以好極都係比四星，希望呢部機生生性性唔會令到我過 一兩個月就走去轉機，唔轉機就唔駛打咁多字，寫用後感啦。

－ 可以換電
－ 可以插記憶卡
－ 有紅外線搖控
－ 有FM
－ 4GB RAM
－ 幾乎有齊市面上手機所有嘅開機解鎖方法（有指紋解鎖同Knock Code）
－ 電話鈴聲夠響
－ 自拍角度夠大
－ 相機對焦快
－ 背蓋容易拆出黎，更方便換電
－ Made in Korea（不過舊電仲係Made in China有點兒敗筆）

－ 電池續航力弱
－ 系統運作上黎比同樣用S808嘅G4仲慢左D同疾D
－ 冇提示燈
－ 冇得無線充電（港行係賣雙卡版所以至冇，唔介意用韓水嘅朋友可以買單卡版就會有番個無線充電）
－ 冇左Quick Circle Flip Cover（新版Flip Cover將個面放響機背會遮住個鏡頭影唔倒相）

近呢兩三年黎我一直都好留意同好鍾意LG嘅手機，自從用過Vu之後就冇辦法再留意其他牌子嘅手機，而呢部V10亦都已經係我第6部LG手機嘞。相比起我對上用嘅G4，雖然話有改變嘅野就真係唔多，但個人認為V10都幾值得G4用家買黎升級嘅（其實我係想俾4.5星，但因為冇呢個選擇，所以就4捨5入啦），因為V10話就話係用番G4隻mon，但V10個mon除左比起G4大之餘，個色準係銳利左同埋光啲，G4因為有啲偏綠色所以睇落會比較暗。而且響信號接收方面亦都比G4（雙卡版）好，G4好多時個信號都唔可以爆格，去到商場或者地庫好多時都收唔倒信號，黎到V10信號穩定左之餘，個上網速度都明顯比較G4快1倍，間中上網都可以見到個信號去到4G＋（但其實小弟係用4G限速）。

同埋睇番今年下半年各個牌子出嘅旗艦機，以往"可換電"同"可插卡"呢兩個幾乎係Android機基本配置，但依家已經愈黎愈多手機公司已經因為"提升續航"同"增加視覺美觀"等等為由而學iPhone咁，就連以往都一直堅持可換電設計嘅***都已經由今年開始將S系列同Note系列都用晒一體成形設計除左冇得換電，仲學iPhone同小米咁連Micro SD都冇得插（依家啲片源同相機影相個像素愈黎愈高，靠依家手機多數內置嘅32GB／64GB根本唔夠用，用OTG擴充容量又會食電得黎又變左冇左個叉電位充電）。不過，我相信LG應該係吸收過國際版G2嘅教訓，響G2 Pro開始將G Flex系列以外嘅各型號手機都繼續用番可以換電同插卡嘅設計，真係希望黎緊LG仲可以繼續堅持呢個設計。

至於講到電話個效能方面，繼續用S808，可以避免倒S810無限飆溫個問題。因為之前有做到full backup同restore，所以依家響V10用幾乎係同trade走之前嘅G4設定一樣，依家部機就算有好多積累嘅冇用apps同cache響度，用落都冇咩話大問題, 可能都係受惠於V10個4GB RAM。但可能始終個Mon大左而個CPU又冇變嘅關係, 系統運作上比起G4都係慢左些少。

不過始終要彈嘅就係個電池續航力嘅問題，因為用G4嗰陣時用落個電真係好唔夠用，都曾經想話等***note 5發佈會完之後轉機，但見note 5個幾乎百無嘅配備就令我打消轉會個念頭。講番LG手機個低續航問題，其實響G3開始一直都存在，事關由G2（國際版）開始差唔多部部旗艦機都只係會配備3000mAh嘅電，但大前提係G2嗰陣時係1080p嘅Mon，依家V10個Mon大左又清左都仲係配備3000mAh電？或者你可能會話：咁note 5／s6 edge+有差唔多嘅配置咪一樣係3000mAh⋯⋯但佢地有冇個會長著嘅副Mon先？仲有G4 Stylus得720p解像度又係用番同G4一樣嘅3000mAh電，V10仲維持住呢個電量似乎有啲講唔通。再者有得換電同續航力係兩個唔同嘅topic黎，有得換電唔代表就會食電啲（小弟嘅母親大人用左年幾嘅***note4 dual基本上都係臨瞓先有系統提示話冇電）。呢幾星期用都唔可以避免一日兩充，只能夠話好彩佢有得換電，個人認為以LG依家個做電技術最起碼都應該出番個同G Pro 2舊電咁上下嘅電量先夠用，起碼能夠應付倒副Mon個用電需求先，當然最好係出到G Flex咁大個電量，而又係可拆式鋰電池就最好啦。

至於其他V10啲主打功能：相機同音質，因為個人黎講冇乜點考究呢兩樣野，所以不作評論，不過個影相對焦到成像，的確快過G4少少。

多位真正用家已詳述

真正用家已提及

因為上述情況, 本來都冇乜補充, 但係睇到樓下話呢部係LG近年最差既手機先抵唔住要寫返小小意見以正視聽, 首先唔講呢部機有幾好, 就佢話用開G3上V10後發現除咗對焦快少少就辦辦輸晒, 如果真係咁差, 佢又會買既? 電量試唔到, 都試到電話喇吧同聲音質素喇, 又話易花到放喺褲袋都會花, 咁褲袋有冇其他嘢先? 有就自己問題, 冇就....
我由G2, G3, G4用到V10, 見證住每ㄧ代既改變及進步, 整體而言,手機表現不論軟件及硬件均ㄧ代勝ㄧ代, 完全沒有樓下人士所講的情況出現, 就以G3及G4的使用經驗亦甚小出現hang機情況, 所以睇唔到點解V10既Ram由G4既3G提升到4G反而會有易hang機既情況出現, 而實際使用時V10操作的確順心流暢, 故此結論可能係唔識用, 所謂人紅是非多, ㄧ部面面俱圓, 好使好用的好手機

1) 今時今日少有還可換電插卡
2) 影相同拍片係現時最佳之一
3) 超廣角自拍鏡，十分實用
4) 機身設計好型，不銹鋼邊框手感好實淨
5) 唔計個不銹鋼邊框，螢幕邊框超窄，未見過有手機邊框窄得過V10
6) 第二螢幕好有創意及實用
7) 2K IPS 螢幕夠哂光同靚
8) 跟機耳筒落足本
9) 仲有紅外線用，可遙控家電
10) 完全唔覺機身有發熱問題
11) 雙卡雙待
12) made in Korea

用完iPhone 6S，都係唔慣入歌同入相都要搞一大餐野，最後都係要用返Android

而V10係現時比較有誠意之作，V10無刻意用硬件競賽，反而著重返用戶體驗，second screen，wide angle selfie，back power & volume button...... 等等太多

論硬件一定唔夠Note5好，不過用落其實分別唔大之餘，又可享受LG的創新誠意

4GB ram 俾你用有1.5-2.0 GB
影相無得頂!!昏暗環境清晰度高 近乎無油畫化
雙自拍鏡頭 有125度大廣角
不會發熱 gaming都係35-36度
可換電!!!
支援最高2000GB SD 卡
副螢幕實用多過創意
2k芒不比note5/s6 差
指紋解鎖快(同6s差吾多)
性價比高4***
系統順(己用2個月)
錄影功能跨張!!!! 可即時較iso 快門 white balance 收音方向 大小等等

有d重... 男生比較合適
有d厚...但換來更大安全感(比ip好)
電去得快...
我重度玩家(1日2電) 但可換電 支援快充2.0(10%-90%)55min左右!!!

相機手動可較2700iso 30秒快門

顏色檢測鐳射對焦大光圈可全手動相機、HD音樂加普通檔upscan播放、紅外線電器搖控、收音機、雙卡雙待、自由換電、支援外接記憶卡，應有盡有，全部實用！

Quick cover電話套設計弱智；
電量更大較佳；
重！
雙卡一定要放棄無線充電？出新系列點解唔度好啲個接點編排？
何必要個副芒著通宵？加個時間掣唔駛死啩？

由G2開始用LG，G3G4一直捧場！G3體驗差但人人讚好，可能真係撞手神！G4亦係好機！今次升級亦無失望！講真不如調返轉數佢有乜實用嘢係無？先拍後對焦？motion picture？3D？呢啲一來嘥位，二來影低都唔知第時喺第二度用乜開得返… 所以我全列為花巧宣傳嘢，唔會真正慣性咁去用。

V10嚟講，我出入聽歌，whatsapp email Facebook RSS 加查字典及 web searching，每日必開兩舖 ridge racer，上午九點拔火牛，到夜晚十一點見紅，screen on time 約四小時，基本上可以唔帶多舊電！但有時外出做嘢 WiFi share埋俾ipad，袋多舊電點都多啲安全感！可換電始終瀟灑過插尿袋！

特別一提，我一向上facebook只用mobile web版！反正做得返哂全部嘢，原裝fb app太大咬！對電量影響不能小覷！

最後講講揀機時我睇哂咁多種色，鍍金可能摸得耐會退色，除黑色機外我見全部其他色demo機鏡頭圈下部都磨蝕甩色，所以我最後選了黑色版！大家揀機時不妨留意吓！