Samsung Galaxy S7 Edge

評測報告

實拍照片

1. 最值一讚加回插卡
2. 電量加大，非常耐用，用一日絕對無問題，拍得住Mate 8，長用上網打下機WhatsApp,facebook下9-10絕對無問題
3. 相機非常強，夜拍真係嚇親人，影出黎太靚了，沒乜油畫化，超低光之下，仍然影得出來，絕對無問題，比上一代S6edge更強,超高速對焦，影小朋友絕對係一部好嘅手機相機，自拍方面岩哂女士們，夜間拍攝好夠光，美顏美肌真係好靚，將你所有雀班同豆豆都cover哂！
4. Mon光度亮度好強，係猛烈陽光底下睇野絕對無問題
5. 外型非常靚，銀色好sharp，黑色好cool,本人拺左黑色，因為次次買親都係好sharp嘅機上次s6edge用過金同綠，今次試下黑色。絕對好靚仔
6. 手感一流，好薄，好揸手唔冼手，放落袋唔會有頂住嘅感覺
7.通話非常清晰，有立體感
8.原生日歷有舊歷顯示，非常照顧香港同中國依邊！
9.4g ram 好夠用，非常流暢，開機過後，裝哂野有1.4g ram剩左右
10. 介面主題好多選擇，有超人同Batman主題比你下載，玩味極濃
11.相片編輯豐富，可影後立刻加工，好多唔同嘅效果及玩法，令影出黎嘅相片更突出，自拍編輯強，女士們最愛，個個都可以變女神！瘦面，大眼，美肌等等...
12.最正係三星apps加送jpg to text,可將相片格式jpg內嘅文字，可變做可編輯的文字！絕對好有用。

1.指紋功能唔太流暢
2.打機有啲唔順
3.雖然點時間買返黎要tune下部機先會順啲
4.唔係真雙卡，只可以雙卡or 一卡加一 SD card
5. 聽歌今次做得唔太好，唔夠力推，唔夠大聲
6. 屏幕有很大誤觸情況,經常按錯，對比上一代s6edge下差
7.touch wiz個launcher 自從note4之後，無哂好多功能，特別係無限版頁循環，過場動畫，令到個launcher無咁流暢，最後本人都係用左nova launcher來代替，比較不方便。

每部機都有優點同缺點，睇下適合自己啦，今年太多旗艦機未出，好難比較到，我估計今年三星比起其他旗艦會做得更出色，G5雖然都強，但電量出名係弱項，仲要舊電比上年g4細，其他機未知數，比較吸引係htc10，反而華為今年努力爬緊上黎，部mate8做得非常出色，p9有lecia鏡令人都好期待，係咁多今年未出嘅機之下，我只可以用上年用過嘅機比較，g4用左一年，相比下s7edge真係差好遠係電量同控電方面，同一用量大家比較我用g4中高用量只可以用到4-5個鐘，s7edge我可以用到8-9個鐘都無問題，g4同s7edge對比影相方面，其實相差不大，lg g4影相方面係做得幾好，只係輸夜拍少少，同對焦部份，再相比埋sony z5佢介面流暢度高過三星，影相方面日拍差唔多，z5會好少少，因為影得比較廣闊，對焦方面我覺得z5快少少，但相差唔太明顯，夜拍方面s7edge贏哂，z5影夜景真係好油畫牌化，唔太明白，佢出比第啲牌子電話嘅鏡頭，人地仲做得好過佢，堅決唔用ois光學防震，相比iphone 6s plus影相已經係大部份android都完勝，g4,s7edge,Sony z5都已經贏左，上次小朋友生日，四部都擺出黎試影吹臘燭一刻，iphone完全影唔到，因為對焦唔夠快，g4 z5 同s7edge都影到，只係剩下一個優勢，佢係軟件上仍然都贏哂，後台控制做得好好，唔會比apps無故食data,所以係控電方面比android好好多， apps穩定性又強好多，因為android 硬件上好多機都唔一樣，好似三星自家u,又有snapdragon 華為又有自家u,每個apps嘅設計好難去配合所有嘅機種，所以導致apps穩定性，終結我覺得s7edge絕對一部岩我嘅手機，因為我比較用於係影小朋友到同夜拍，電量我又非常滿意，每部機都岩唔同類型嘅人，我希望我依個咁長嘅報告可以幫到用家們。

- 外型靚仔(我用黑色)
- 有了EDGE BAR, 單手操控體驗更好
- 電量比想像中好，但還可以更好(本人屬打機一族)
- 生活防水 <==落雨用都唔怕, 沖涼時睇下片又唔怕(特別水氣)
- 體驗係流暢的(對比IPHONE)
- 差電快！

- 用快速差電時或者打機，機背會有少少熱, 但可接受.
- 無得換電(本人以前用開IPHONE, 所以未有不適應)
- 影相味精重...都係IPHONE MON 啲色自然啲.
- 機套選擇少..MON 貼更少...(所以本人無貼MON 貼)
- 打機始終無IOS 順(用手上的IP6S 及IP5比較過)

以前曾經用過的AN機 S2, NOTE3, HTC 1, SONY Z3 等等..
始終無一部可以用過半年(雖然都係2手機換機.)但最終都係番到APPLE.
本人不是果粉, 但當年AN機的流暢度真的比不上IOS, 所以只好一代一代IPHONE 咁換.
以前對三星機有不愉快的經歷, 所以當時曾對自己講就算不用APPLE, 亦不會再用三星.直到最近比S7EDGE 吸引, 行經鋪頭試機時真心覺得與以往的三星機體驗完全不同，最終忍痛脫離IOS 轉投ANDROID, 先發覺原來手機使用可以咁放便。
我是男仔, 手不大, IP6的4.7吋SIZE 已經係單手使用的極限，但估唔到S7EDGE 可以比我真正體驗另類的單手操縱，EDGE BAR 聽閒比S6EDGE (本人未用過)更成熟，令單手操控變得更有可能，LEE 個亦係我轉用的原因, 更誇張地講, 比IP6更能單手使用！
MON 大左, 而又繼續單手使用絕對係抵讚！

P.S. 最後想講, 新IP出的時候我會否又轉回IOS我未知，但起馬S7EDGE 已經係我暫時用過最「方便」的手機了。

1.手感好，超貼手
2.Mon顏色鮮豔，又不會太誇張
3.拍照超強大，同某號稱全球最強攝錄手機比，跟本一掌打下去
4.Always On唔駛著mon方便看時間
5.改善哂lag機情況
6.SD卡返黎啦
遊戲功能方便，錄影，截圖，cut訊息一剔完成

1.買張mon貼貴到媽媽聲，去深水埗特賣城旁邊間專貼mon貼問索價38x!!!後來上深之都2樓先120全包成個螢幕仲包貼
2.上手有少少塑膠感覺，不過都戴套架啦
3.電量麻麻，
上下網甘幾下whatsapp3個鐘無左40%電
4.觸控可能彎mon關係有時唔靈敏

因為豬5太樣衰所以選左s7 edge
Mon貼要全包真係貴到...成400蚊一張貼都夠膽死，好彩都比我搵到平貼需然120都唔係話平，但見到位哥哥貼得甘辛苦，120蚊低比佢，因為全弧形真係好難貼服就位
其他大致上都好滿意，遊戲功能幾實用，個相機1200萬仲清過2300萬，夜拍唔開閃光都得
黑色機好靚啊!!!!

行貨用了一天就發現Screen有問題...
要送廠檢查係是否人為造成... 十個工作天又冇機借...
如自己造成的問題, 我沒話好說...
但三星的問題, 個客居然得到如此對待...
Sony, Nokia就算係維修, 只係等幾小時, 仲有機借...
垃圾服務和QC... 三星冇下次...

1.靚仔,尤其是黑色;
2.玻璃和合金機身,有突破;
3..5.5吋mon剛好,看得清楚機身又不會太大,單手操作無問題;
4.影相最强,室內或夜景全無對手;
5.可插記憶咭;
6.CPU快, 操作暢順;
7. Always on Display方便看時間,很實用;
8. 3600 MA電池,夠用一天

Apps 不能儲存在SD card 內, 希望三星可以改回原電裝Android 6.0, Apps可存入SＤcard內.

原本貼了玻璃貼,但因為邊位要大力按才有反應, 所以已換回膠貼! 不知是否所有玻璃貼都有此情況?
用過Note Edge, S6 Edge, 現在用S7 Edge, 覺得每一部比上一部好! 希望三星繼續努力!

前後鏡拍照質素高，對焦快準
玩任何遊戲順，2K畫面靚
電量足夠用一日
一點發熱都沒用
防水功能一流
5.5寸Mon夠大而機身輕
價錢合理，用信用卡只需4998

曲屏用不慣，很容易誤觸
聽歌質素不夠Note3推力雄渾
always on display耗電

之前用開所有機都是黑，今次換機所以買了金色，感覺特別一點。
想試清楚新機，所以用了5天才寫報告。
影相真的不用說，隨便上手一影，就可以影得靚相，對焦真的很快，影BB最重要快，連續按快門都是即拍，儲相不用等，去花展影相質素一流，下雨暗天也影得靚相，夜晚拍照比肉眼看見的更光，1.7大光圈真的厲害。
CPU用S820而GPU用Adreno 530玩遊戲簡直是無敵無敵無敵，而用其他程式也很暢順，用2K畫面睇相睇影片就是靚，而陽光下用手機畫面也夠光，落雨拍照也不拍弄壞手機，有5.5寸mon夠用不用等note6了。
曲屏就是用不慣，容易誤觸，但就是因為曲屏才覺得夠型，聽歌感覺一般，推力沒note3雄渾，但手機聽歌也可以了。
而最新的always on display就是耗電，有這功能雖然好方便，但拿得手機出來，都會玩一下，怎會只是望一望星期幾幾點鐘，而最重要會影響電量，第1至3日開了就只可以用10個鐘，但第4至5日不開always on display就可以用12個鐘，而且在寫了這篇文章後，還剩下22%電，其間跟之前3天用法一樣，所以電量真的足夠用一天了，之前還以為s820耗電，想換s7，因歐洲版s7 edge是用exynoy8890電會耐用一點，但現在電量足夠我用一天，不用換機了。
S7 edge就是本人暫時覺得最好的手機，在之前早想換v10，但就是覺得重，拍片間中有點不順，所以忍了幾個月，終於等到最合心意的S7 edge新機用了。