優點:
- 芒色好靚,夠光亮
- 有FM收音機
- 雙曲面邊框實用
- 防手震功能
- 開相機到影相成像都相當快
- 有得較螢幕解像度
- 防水防塵
- 旗艦機種之中得佢有筆用
- 虹蟆解鎖準確率好高,夜晚都用得
- 可以多工作業而冇任何限制
缺點:
- mon貼唔易搵同貼都難
- 電池用耐少少都會感覺到明顯發熱
- 開機嗰陣時好lag
- 2k解像度顯示期間電量係倒水咁跌
- 又係孤寒式插卡設計(2 sim / 1 sim + microsd)
評價:
之前一直都係用開另一個韓國大版子嘅旗艦商用手機,但係見識過佢嘅死底板之後就已經對嗰間公司出嘅手機冇信心,所以打算出部note 7一試。Note 7可以話係今年功能最齊全嘅手機,唔單止有最靚嘅芒,仲有S系列嘅防水、寫筆記等嘅功能,而相機雖然唔似得V20、iPhone 7之類有雙鏡,影相成像同防震又唔及得XZ,但表現仍然相當好,響高鐵行緊嗰陣影景色相都唔會有手震成像出現。仲要有埋虹蟆解鎖,解鎖個準確度同速度都係一流嘅快,成部機應該係冇得輸。
可惜,三叔呢似我個人相信係因為趕響iphone出之前出到,所以想將所有最好嘅野(大電、相機鏡、喇叭、解鎖晶片等)放晒入部機度,但又無視手機本身裡面嘅空間限制就推出,最終令到note 7響全球各地先後出現爆炸事故同埋要引致全球停產回收嘅下場。其實韓國早響21年前三豐百貨倒塌事件已經係一個教訓:唔好無視實際物件嘅限制(咩野係三豐百貨可以自己google下),韓國人總是犯同樣嘅錯誤。希望今次教訓可以令三叔可以重新檢討下佢地個生產道德,顧及下買機嘅人嘅真正感受。
由於三叔已經作出全球回收,相信呢部機響之後就算之前講明有保養都已經會失效,就算大家揸響手冇事冇幹,點唔捨得都好,都唔好留啦。我部機仲響度係因為早前過左啲遊戲資料入部note7要等30日先有得再轉移,希望佢可以撐多2日俾我過資料就夠啦,阿門。