Sony Xperia XZ

評測報告

實拍照片

外型：
— 環形機身同ALKALEIDO用料設計前衛，用色好靚好型
— 改用返金屬邊框

影相：
— 對焦非常快
— 終於有手動模式，快門、ISO、對焦都有得較

硬件/效能：
— 有USB Type C
— 操作非常流暢
— 喇叭音質有唔錯嘅提升
— 機身發熱少
— 電池雖然只係比XP多咗200mAh，但好襟用

外型：
— 角位變成直角，有啲頂手
— 真機感覺同宣傳圖片差好遠，雖然依然好靚
— 通知燈擺位有啲奇怪
— 冇吊飾孔

影相：
— 依然嚴重油畫化，電子加銳非常明顯，唔好期望會有靚畫質
— 個五軸防震依然係電子式，所以畫面四邊會食咗一部份
— 防震只限拍片，影相係依然冇防震嘅
— M mode冇得較色溫K數
— M mode快門同ISO只能二揀一，較快門就冇得較ISO，較ISO就冇得較快門
— M mode快門最慢只有1秒

效能/功能：
— 得3GB RAM
— ClearAudio+、DSEE HX等音效功能淨係內置嘅音樂同影片app先用到，Youtube睇片同其他app都係用唔到，有等如冇

成部機冇乜優點冇乜缺點，因為部機實在太普通，規格功能各方面同XP 95%一樣。唔明日本人做生意咩思維，夏天同冬天都要出新嘢，一年兩部新機，但CPU同OS都係一年出一次，結果兩部機整到差唔多咁。今年嚟講Sony明顯夾硬將XP個spec㩒低，例如縮細咗電池、閹咗4K拍攝等，到XZ再加返呢啲嘢落去，就當升咗級，都唔知咁樣出機為乜。

五軸防震無可否認係好強，但依然唔做OIS令人費解，最奇怪係竟然只限拍片，影相係冇防震，我諗應該絕大部份人都係影相多過拍片，但Sony偏偏整到咁，唔知做乜。

以前Sony啲機係真係創新嘅，3GB RAM、防水、高像素鏡頭、Hi-Res等等功能都係Sony率先使用，但到近年Sony幾乎冇進步過，當其他機紛紛整一啲感覺好勁嘅功能，Sony反而自閹，變成一部冇賣點仲要比人差少少嘅機。今次開賣賣價仲比XP貴咗400蚊，預訂贈品又唔吸引，真係好趕客。

講真其實呢部機係部好機，用落感覺係唔差嘅，更加係今年唯一一部旗艦有前置雙喇叭，另外獨有嘅實體快門制都係一個好好嘅地方，衰就衰在功能上真係非常一般。如果係外貌黨或者Sony fans，其實呢部機都買得過，但如果想追求功能嘅話，呢部可以bye bye。

影相&拍片功能不錯
新顏色(森藍色)吸睛
手機外形設計啱口味
通話音量夠大夠清晰
STAMINA模式省電效能強勁
手機尺寸適中,勉強能單手操作

電量續航力一般
保護套種類比較少
喇叭聲量不太足夠
機身比較滑容易甩手
3GB RAM可能唔太夠
舊有Micro USB線不能再用
弧形玻璃面的關係,保護貼難搵到合心水

因為某款遊戲只有出Android版本,本身用緊iPhone 6s plus所以決定換機,去胃信睇機見到呢部機後拎上手發覺好鍾意,最後決定買呢部機。個人買手機喜歡買黑色,不過Xperia XZ新顏色(森藍色)見過實機後發覺同黑色版比較吸引好多,所以最後選擇森藍色。

以前買過Sony第一部旗艦機Xperia S中伏,電量極倒水兼mon變黃所以印象好差,經過咁多代磨練後去到而家Xperia XZ,唔敢話好好但已經令人滿意。介面操作順暢,拍攝質素滿意不過我未試拍片的五軸防震效果,但上網見人評測個效果都幾好,不過我好少拍片所以未必用得著。手機雖然四四方方但尺寸唔算大,拎上手手感唔錯,不過唔用保護套會易甩手所以用的時候要稍微小心一點。最令我不滿意的地方係貼玻璃貼完全唔貼服因為未到mon邊已經彎落去,局住貼普通保護貼問題才得以解決,防護性降低。待機時真係好慳電,續航力只要唔打太耐遊戲的話絕對可以用上一日,打機的話一日兩充左右。

Xperia XZ整體滿意,至於耐用性希望可以用到兩年左右啦,之前屋企人用Xperia Z3 compact啱啱好一年就壞mon,呢部旗艦級希望唔好咁

對焦更快，影像比xp及z5銳利，個人較喜愛5.2吋屏幕，以前用過5.5及更大屏幕，始終5.2吋手感較好，外型非常討好，白平衡可能有咗RGB Sensor比以前所Sony機種明顯進步及Sony獨家嘅可直接鍵盤上手寫，不須轉換輸入法（其它手機都要轉換）

油畫及雜訊問題睇你點映，可用m mode處理 尤其夜拍
無咗獨家手繩位
機身喇叭音量唔及三叔，生果i7

其實部部手機都有優劣，只係我較喜愛Sony音質，及直接鍵盤手寫功能，所以始終又用番Sony
睇番之前兩位人兄所謂的Xz心得，做打手都醒d,部機只係出咗3日，何來用了1個月？荒謬

功能平均，外形Sony風格。

貴

由Z1到現在的XZ, 每部機都有進步，但進步不多，樣樣改少少，現在的手機廠都是這樣，科技有時未必進步咁多，外觀部部差不多，電話最重要耐用，省電，用過V10, 去到邊第一時間搵插座充電，呢部XZ免強可用一日，本人經常戶外工作，上次部Asus 因無防水，上星期黑雨，放在褲袋，又因濕身玩完，即時想喜買回防水手機，大話都二三千，肉痛，用過三叔，電量永遠比評測用得快，S7 又話省電 信以為真，實際一樣，頂唔到8小時，唔打機，只收email, whatsapp, 見剛好又出XZ, 膽粗粗再試用Sony, 之前部Z5, 電力好差，呢部用咗二天，不過不失，但都感覺良好，無買咗，工作上經常要拍照片，真係好快，夠清。

部機操作好順好快
個芒好靚
影相真係超靚
指紋解鎖超快
‘give me five' 自動拍攝好有新意又方便
話音都算清

重同厚左少少
部機好滑手

我之前係用z3+, 雖然係同一個size, 但硬係覺得佢有d大部，如果薄少少就好。個背面金屬背真係神級工藝，打磨得好滑，反光得來又唔太浮誇(我部係銀色)。

-有MicroSD
-用Sony自家藍芽(LDAC)音質一流, 我用Sony藍芽耳機
-前置機身喇叭
-相機有Wide Angle
-有指紋解鎖(不過要先按power鈕)
-金屬機身
-64GB
-機身尺寸剛剛好
-有防水
-手感好
-影相質素好, 對焦快(因為有小朋友)

-Mon質素不俗, 不過背光較到最暗都係好光(在熄哂燈下), 但紅米note4可以去到好暗.
-電唔夠耐用, 升級左軟件D電去得好快
-64GB Rom都係唔夠用....有128GB或256GB就更好
-唔係用UFS 2.0 Rom, 仍然係eMMC
-拍片FHD(60fps)同4K會無左防手震...點解呢???
-Speaker真係好細聲囉, 我用免提同用聽筒分別唔大....可想而知有幾大聲呢?
-個撥號介面點解係用Google原生....好唔user friendly.....
-無論4G, WiFi接收都係差好多!!!!!
-鏡頭微距唔夠近
-相比三星, LG, 什至小米Miui, Sony介面唔好用, 唔user Friendly

用左兩個月LG V20左右....各方面唔錯....通話清晰, 聽歌比其他機好...(雖然係藍芽), 最大驚喜係個Speaker, 又大聲又清楚! 最幣係相機....對焦好慢....即使質素幾好都無用啦~

之後頂唔順, 轉用Sony , 因為有小朋友關係, 所以拍照要快...呢部比V20快好多...

而且細部D, 好揸手...雖然個mon細左好多...不過方便塞落褲袋...

不過最離譜係個Speaker勁細聲......最後係無論4G, WiFi接收都係差好多!!!!!