優點:
-S835一般使用好順, 打機都冇問題, 而且唔會好似S810咁發熱
-MON色彩鮮明, 對比度高, 用18:9尺寸做到6.2 吋MON+接近90%高螢幕佔比
-128GB ROM+6GB RAM, 可插外置卡
-有LED提示燈
-3防機
-電持續力有驚喜, 唔打機可以用到1-2日, 打機既1日都夠用
-相機+內置影相APPS夠實用, 影相靚, 對焦都夠快
-3星送既1年內$300換MON保障
缺點:
-曲面mon唔太實用, 華而不實, 如果橫MON覆EMAIL時, 鍵盤最下面D制要小心禁
-MON貼好難買
-我係買黑色的, 個底好易有手指模, 而且都易花
-單喇叭, 而且個位好易遮到, 影響出聲
-SAMSUNG ROM對比其他廠商, 優化部份仍有待進步空間
-戴眼既人用虹膜解鎖, 成功率低過50%
-bixby 功能仲未成熟, 仲要有個快鍵係音量鍵下面, 好易誤觸, 迫我用APPS轉左個制做其他APPS快鍵
評價:
我已經好多年冇用3星了, 我由S3-->G PRO2-->V10-->S8+.
岩岩部V10燒左底板(灰), 而G6只係用緊上代S820, U11個MON又唔係高螢幕佔比, 所以做左功課後入手S8+ 6GB RAM, 買之前都驚伏伏地, 但用左1星期, 已經覺得係驚喜之作.
雖然曲面MON真係有D華而不實, 但用落影響唔算大, 而好多人認為指紋解鎖係機背後係面有問題, 如果用右手真係會誤觸, 成日禁中個鏡頭,但如果用左手食指, 個位就岩岩好, 而且我用慣左V10, 所以對我影響唔大, 而7.0 有智能解鎖, 我LOCK左屋企同公司既地標, 咁就唔駛下下解鎖咁煩, 一禁即用.
其實上面所提到既缺點都係計設上的問題, 實際使用唔算有好大影響, 反最差既真係 bixby 功能同個快鍵, 真係覺得冇咩用, 最煩係好易誤觸=.=, 而另外好多網友話一跌就爆MON, 但我問心, 用得玻璃MON面既, 就算IP都有同樣問題, 只可以話小心用唔好跌.
整體S8+ 令我對3星有番信心, 內置既APPS都夠用,又有好多鍋心計既設定, 如遊戲優化, 補光燈可較光暗, 連續CAP圖, LED提示燈+ALWAYS ON, 側屏板面等等, 令使用上更加方便, 而睇片支援18:9, 唔似G6咁用唔盡個MON, 電力更加係有驚喜, 而且3星話(信唔信得過要靠時間證明)電池係用新技術, 所以用1年持續力仍有90%, 而3星應該為左促銷, 保養內有$300 換mon一次 同保養外13-18月內$225換一次新電池, 加強用家既信心, 所以用左2個月後見冇咩網友分享, 決定寫用後感, 希望對大家有幫助!!