手感好
Oled mon 靚，屏佔高
影相靚，leica 風格+1.6f
雙喇叭
聽歌靚聲，有hi res
電量勁，差電快
速度快，同2019 d 機冇咩分別
藍色機背好靚，個相靚過p20

冇3.5mm
錫住用邊框都係有少花
Super charge 火牛難買

華為出新機幾有誠意，各方面都幾好，只係新機有d 貴，二手價跌得快。部機真係幾耐好，一d 問題都冇出現過，冇hang 過機，如果唔係冇wide angle 我唔换機

本人 預備中階機的價位購買手機(9-1-2019）， 見到 這部機接近一般中價機水平( 細鋪價）, 經考慮後 決定購買使用。 用落去 電池續航力 絕對 理想， 顯示屏顏色 鮮豔 比一般中階機做得更好。 影相質素 畀現時所有中階機 更理想。( 因本人工作 需要時常拍照存檔） 手感做工 去到旗艦機種級數。

沒有耳機3.5 mm插頭

在 這個價錢 本來預算買中階機， 最後睇到這部機 細鋪價錢 心思思 買嚟一用。 畀到超越中階機的享受！

順，無lag
電勁
拍照一流
送埋貼同清水套，方便

無插卡
無3.5mm

我喺美國亞馬遜買嘅。當時好平，為起港紙3000頭，但因為係美版機所以只係單sim，但對我嚟講冇乜所謂。

CPU- Kirin970夠晒我用，再加6G ram, perfect
電－從未需要帶尿袋。 我唔打機嘅，通常睡前上下網，晚上唔叉電的。每日朝頭早起身叉電，因有快叉，換好衫出街半小時內叉到50％， 除非早一晚真係唔夠50%，否則一般都差爆先出門口。
相機－正到爆。隨手一拍已經好好。
屏幕－色水好靚
指紋－快，準
其他－單卡也可開另一login，安全好多。兩個指紋開兩個login，超安全

無插卡加3.5mm要扣分

老婆九千幾出左部note9，真心除左支筆，3.5mm同應該打機勁d外，完全唔覺有乜比不上，個人仲prefer華為個介面。差成六千，我覺得買部notebook好過。

造工細致，絕無山寨機感覺，對得住個價錢。
OLED 屏幕色彩對比和飽和度都很好。
黑白相真的無話可說，頂班。
續航力非常好，足夠一天用有突。
指紋解鎖真快，人面辨析雖然偶有失手但也好用。

彩色相雖然不差，但個人覺得味精重，我之前用 HTC U11 感覺顏色自然些。
還是有些內置軟件不能停用或删除，不過數量不多，比其它牌子機已算好，但未及原生 Android。

在豐X買的 $55XX，主要是貪可以免息分期，送的禮品只是例牌，細舖現金價可以五千樓下，應該會覺得更抵。之前用 HTC U11，但入水後死機起唔返 (雖然話 IP67 防水)，想轉 U12+ 但價錢過六字放棄，見呢部評價都幾好，規格也算新，小米我有兩部都用得 OK，有諗過小米 8，但當時冇現貨要訂機，所以最後買咗藍色 Mate 10 Pro (6GB/128GB)。部機造工真係很好，比 U11 感覺更高檔，不過沒有 U11 果種藍色咁搶眼。屏幕表現比 2K 的 U11 感覺還出色，顏色厚實銳利，在太陽下更看得清楚。

至於系統操作暢順情度，也屬高水平，但麒麟970仍然不及高通835，一般日常操作的確非常出色，唯如果是打機迷的確會有點缺陷，未知華為快將到來的 GPU Turbo 更新會否改變這一點，不過對於我只是每天玩一下 game 的人，這缺陷卻未有任何影響。

相機表現屬高水平，操作方式也很直接，黑白相完勝，彩色相就真的看個人喜好，夜拍也在大路水平，基本上手機夜拍除非落腳架改人手操作曝光ISO等，自動模式下效果都是那個水平，難與單反大感光大鏡頭相比。

耗電方面，4000電 + Android 8.0 + 華為自行優化，效果絕對不會讓閣下失望。和友人們一起旅行，從早上八點多醒來開始拍照、拍片、玩微信、傾電話、打遊戲等等，友人們的埃風頻頻要插尿袋，我就一直用到晚上十點多，還剩三十多巴仙，這樣的表現的確是沒幾個對手。

總括而言，這部 Mate 10 Pro 雖不是甚麼驚世創作，但論整體性能表現，也屬旗艦質素，價錢不便宜但也不過份，當然如果價錢更大眾化的話，那就完美了。不過如果閣下但凡大陸機都覺得是山寨，是仇中國貨中國人的話，那這部機絕對不是閣下的茶。如果閣下願意抱開放態度，價錢可以接受又想試一下國內旗艦手機的話，相信這部機也會有讓你滿意的地方。

為左個LEICA 認證買, 絕對係對得住LEICA 個名.
指紋解鎖出奇地快
UPGRADE 後有4秒超級夜景MODE, 效果極好. 仲加埋面部解鎖, 不過未用.
過資料好方便
膽粗粗買左櫻粉金, 不錯!
現價買係抵玩.

介面好一般.
冇得加SD CARD
個包裝盒較大, 跟機保護套好普通...

顏色, 銳利度, 所有野都係用咁多個牌子以黎最強, 本身用過S牌, *** 牌, L牌, 生果既電話, 無一部能及.... 同用緊既無反C, 單反機C真係有得揮... 個梘機功能仲有得UPGRADE , 真係誠意可加.
黑白相既層次, 唔係平時MONOTONE 調色咁簡單,
用左一陣, 已經感受到呢部唔係普通既中國制造手機咁簡單, 而係絕對為左改變品牌而誕生既一部相機

可能得影相掛

由mate9開始用起，經歷完閃存事件，mate10pro之前買完一個月內維修五次，整極整唔掂，又lag，apps會自己彈同冇回應，打機會lag, 成日未充電打機已經自己發熱，電就更加唔洗講，半日唔夠就冇電，維修就你唔打去問永遠唔知佢已經整好左，一直維修果時叫佢比個交代，最後不了了之，自己潛水，華為唔上市，唔洗理客戶既感想，利害了，我的蟈

一加都cp值高過佢，打機用華為，慘過食屎💩，買中有問題既機，盡早賣左去換其他機啦，唔好哂時間啦

1) 影相靚, 對焦都快, 人像前後景深都自然, 什麼光圈唔講啦,好多人唔識, 但
放落電腦睇靚就夠
2) 電量比IP7+ 好太多太多, 淨係快充＋
耐量用已經值得轉機, 4000 mah 電,
唔係得個樣, 中度使用, 得閒打下機(唔係
成日打,我玩靚畫面既7騎士及傳說), FB,
IG, WTSAPP, WECHAT, 上網等等, 十幾個
小時使用仲有電淨, 唔係吹水!
3) MON 清, 色水自然, 18:9 , 暫時無Apps 係出現黑邊, 修長機身, 手握感很好
4) 藍色黑色機身真係很靚
5) 無諗過都有幾多主題( 原生主題真係唔靚仔)
6) 6 GB RAM + 128 GB ROM,夠用有突
7) 打機同我部機IP7+ 一樣咁順 ( 玩傳說都係咁順, 睇唔到有分別)
8) 終於可以再DOWNLOAD 片落黎睇啦( 但呢個唔係華為專門既, 而係
Android 開放安裝第三者軟件既效果)
9) 雙SPEAKER 夠大聲, 但啲聲比IP7+尖
10) 唔洗再用ITUNES 過野, BACKUP, 起碼最基本,我聽到你隻鈴聲好好聽, 藍
牙SEND 比我都用到先啦
11) 指模解鎖真係好快, TOUCH 一下即開, 手指有少少水都過到, 掂!
12) 有防水

1) 鈴聲使用時啲聲會變尖, 不能使用原檔音質 (唔知係咪我唔識用)
2) 不能調較震動強度, 不論觸控OR 來電鈴聲
3) HKD-$6080 買既, 貴唔貴見仁見智啦
4) 行街買配件選擇比較少, 但淘寶都有好多
5) 收音太勁? 搭車時反而有時錄左D 行車聲, 而聽唔到自己把聲? ( 但只
係好少發生)
6) 無3.5 MM 孔, 但我用開藍牙, 無乜所謂
7) 內置既螢幕錄影功能係癈既， 低解像度又疾，仲要無setting ( 但呢個功能可有可無， 而iphone 既螢幕錄影真係堅順堅靚 )

1) 我之前用HTC M7> LG G2> SAMSUNG S6> NOTE 5> S7 EDGE 128 GB> IP7+ , 現在主力MATE 10 PRO + 副機IP 7+, SO FAR 第一次用國產機,仲要係6千蚊, 本來有啲掙扎, 但用落真係唔錯, 機身靚, 電量充足 ,感覺安全可靠。 我有時IP7+ 唔記得充電出門, 真係有種怕既感覺 , 充電慢到嘔, 用電又快, 基本上得返40 % 電時已經好無安全感, 而呢部華為本身粒電大, 充電都好快, 好有驚喜, 同埋部機都好順, 同IPHONE 真係有得FIGHT, 但公平啲講, IPHONE 開APP 真係快啲既, 但IPHONE都有好多缺點, 所以用返Android 真係有種被解放既感覺, 以下有我用IP 7+ 既評論: http://www.dcfever.com/phones/readreviews.php?id=2483

2) 有諗過買NOTE 8/ HTC U11+/ LG V30, 最後買華為, 因為想試下國產牌子華為既mate10 pro 憑乜野咁大膽賣過6千大元, 同埋唔想綁死自己用***(近幾部都係***), 點知用落覺真係唔錯, 幾好用有驚喜, 當然再平啲緊係好啲, 但如果你對4 GB RAM 及比較闊既機身唔抗拒既, MATE 10 ( NOT PRO 版) 會比較適合你, 高啲解像度之餘，而且仲平千幾蚊

1. 很順, 之前主要用三星S同Note系的手機, 明年比三星順很多, 比Note8都要順
2. 沒有發熱及reboot的情況, 打一兩小時遊戲手機都可以保持正常溫度
3. Leica 鏡拍攝質素很好, 大光圈夜拍效果明顯
4. 電量出色, 用一天(8-10小時)沒什麼大問題, (高用量用家)
5. 外型及設計很好, 本來考慮Note8的, 但感覺真的太長了, 呢部真係岩岩好
6. 雙卡支援4G, 現在很多大陸卡或旅遊卡支援4G, 雙4G可以不用把主卡換出

1. 不支援記憶卡, 不明白為什麼不跟Mate10一樣可以選擇用雙卡或用SD card
2. 影相是很好, 但日拍比Mate9分別其實不太明顯, 而且人像模式美化效果太強,顯得得有點假 (可能對其他人來說是一個優點....嘿嘿..)
3. 螢幕光度不足, 比之前的Mate9其實有明顯分別, 在室外太陽下就算把光度調教去最亮有時也是看不太清楚(應該是amoled的問題)
4. 真的有點貴...

之前一直都是用三星的手機, 其實問題真的有不少, 發熱, 自動熄機, lag, 用電倒水由S2,Note2, Note3, Note4, S6, S7...一直如是, 上年試試轉用華為Mate9, 所有問題真的得到解決, 用過的人都應該會明白, 整體的使用體驗唔係話分開來睇有咩優點缺點咁可以表達. 講真, 係返唔到轉頭, 好似呢部開價賣成6千幾, 我諗好多未用過Mate系的人都會覺得痴線, 咁的價錢買部大陸野, 不過用開的人都應該會知道係真係貴, 不過都會買.
其實之前部Mate9真係可以繼續用, 唔換, 因為真係用左一年係無問題, 唯一的係我想要用雙卡, 64gb又唔夠我用, 影相夜拍又真係唔多得 (Mate9 光圈係F2.2, Mate10 pro 係1.7F), 所以真係都考慮左好耐先換.
之前用開的三星機, 講真, 用左一年後真係即時留意新機動向, 唔駛諗一定要換, 因為真係問題多多, 又lag用電又快, 換機的需求好大.
華為機其中一個優點係真係好耐用, 我朋友部Mate7用左兩年, 都係諗好耐先換Mate10 pro, 因為真係無乜問題啊...

鏡頭好, 但相機軟件差.

英文鍵盤竟然無提議字,
語音助手竟然只懂打出電話. 莫說同samsung, iphone比, 連國內版都識創建.
視屏顏色恐怖
電流唔覺好慢, 關冇用的apps

只到中階機水平但賣高端機價錢. 同note 8, iphone8 無得比

買asus zenfone 好過, 起碼平, 功能一樣.

原來華為唔識英文嘅.怪不得美國唔俾佢上台去呃錢.
大陸嘢還是停留係呃錢階段.

優點已畀其他師兄講嗮，電量真係超級耐用 ，相機亦冇得彈 ，其他都唔使我補充……

1，冇3.5耳機插窿真係唔方便 2，信息通知音冇得較大細聲超級唔方便 3，唔可以插外置卡

之前幾年由nokia到用3叔D機，一路都覺得幾好，見越來越多同事轉用華為，自己亦想換機就買咗部，用咗幾日真心覺得唔錯，打機，上fb全部都好順又唔熱，掂！！！