Huawei Mate 10

評測報告

實拍照片

十年前的iphone一出驚為天人。Steve Jobs名句：消費者根本不知道自己要的是什麼…那份頑固及堅持，做就了apple十年大運。不過自從Tim Cook上台，設計開始亂，笑話已經很多，不重複了。最重要的是，apple已經成為一家只看「錢途」的公司，對人們使用的體驗，得過且過，開始「食老本」。

我，不能說是果粉，但家裡上上下下用的全是apple。直到apple X出現，那種「我就是貴（當然也有它點點的可取）」，視消費者如「水魚」的感覺極其濃厚，apple已經成為一種icon，但並不是人們「一定需要的了」。

幾年前用過SONY及LG，但分別只用了幾日，即刻放手。問題多多，而且熱到可以煎午餐肉。手機已經同工作及私事縛得太緊，真不能有點點忍耐。而且那時由iOS轉And機非常非常麻煩，只有apple轉apple，一插USB backup，就什麼也不用理，而且一點問題也沒有。節省的時間可以做其他事。時間便是金錢。

就因為apple的態度令我三思，看了好多國外報導，覺得做人要自主，所以決定事隔多年，又試試從iOS轉And。其實已經打定輸數，最多去出部apple X，一插就OK，做人，最緊要少煩惱。

周邊朋友用開華為的多了。原本是：大陸機，送都唔要…但經過幾個月的「研究」，真的是用研究的心去看，發現，唔，都幾好（好處自己去研究，各花入各眼）。

請注意，如果說apple新總部好巴閉，其實我都有份比錢起。華為總部在深圳，曾經去過，開車繞他們公司一個圈，可能要三個小時（無看錯，係3 hours!）。自從那次參觀完，已經有不同印象…終於出手！買了部mate 10。

看來有不少人從apple跳船的關係，在網上學會的跳船技巧（包括將contact、whatsapp、wechat、photos等）在開機後很快便做妥。試UI，感覺滿意，而且個人設定比apple多兼好玩。最緊要的是：我那部只是4+64，但hard disc其實不值多少錢，去「先達」花了198大洋買了張128G。感覺直情一天都光，apple你內存根本不值錢，那種「狼死心態」太讓人心裡不安了…

可是，就用itunes過歌卻搞了我幾天…SD裡說有30G歌，但偏偏電話read不了，只說有幾百首歌。搞了三天也還是那樣…心想，難道個天要我用回apple，X都不錯呀！

現代人的「生活」基本都是數字化的…為什麼？我所有聯絡、相片、歌、通訊內容…全都在電腦及手機裡，如果有一天，沒有了電腦、沒有了手機…我會很不安，感覺我的「世界」消失了…連家裡電話號碼也記不住的世代，別問我好朋友的電話…

正當這關口的時間，有朋友話「無理由那些歌讀不了，是你不會罷？」「我不會？我『研究』過的呀…」取了電腦手機（apple及華為）與朋友見面，他幫我過歌…咪係，我點會「唔識」？同我情況一樣？？？無、理、由！如是者又搞了一天…

最後發現，原來張賣198大洋有128G的SD卡有問題！先達啊先達！你賣假貨我已經有幾次經驗。香港人何時變成了國內人？一國何時變了一制？到相熟電腦鋪，哥哥仔笑曰：「128G的高速SD點可能賣198蚊？！」好了，買過張新的…回家重做一次，原本要一晚才過完的歌，現在只花了「十五分鐘」！你話唔爆粗點得？！

現在，我所有的數字人生已經絕大部分全部轉了會…家裡還放著的6 Plus…等等再說…萬一華為出了事我點辦？但起碼，我可以說句：「Apple，我自由了！」可能對你不好的上司最好的報複，便是找到份兩倍人工的新工後，好謙虛的走到他房間內告訴他「老細，我可能唔做嘞…」待他極力作挽留並下班後，將已經打好的辭職信透過門縫放入佢房內…而對待手機…嘿嘿…一樣充滿快感！

1)有得插卡
2)有3.5 mm 耳筒插頭
3)續航力very good
4)系統流暢
5)16：9 好多app都可以用盡個mon
6)性價比高
7)黑白相真係好靚
8) 指紋掃瞄器放在前面( 對本人來說是優點，駕車時clip住部機用google map 導航的司機爸爸們就會明）
9)不少靚theme 選擇，唔怕睇到悶
10) 平面Mon, 一大優點!

1)待機時按兩下音量鍵開相機的功能廢廢哋， 佢即刻幫你影張相十次十次都矇， 之後又要back返轉頭開相機.... 不過此功能可於相機setting關掉
2) 不防水
3) 以旗艦機嚟講，4gb ram 算少
4) 配件選擇不多
5) 外置喇叭夠大聲但音質麻麻地
6)如非使用原廠華為特快充電，會充得較慢
(8 Jan 2018 update)
7)手寫輸入不夠user friendly, 不夠samsung, iphone 好
8)英文及中文連接字還須改善(這方面個人覺得iphone 遠勝所有Android手機)
9) 前置鏡頭影相由於加了"味精" 令影到的面部皺紋亦加深了

本人平均每年換一次手機, 由iphone4 => galaxy nexus=> Note 2 => LG G2 => Samsung S6 Edge => Samsung S7 => Mate 10 ，另外公司機配給用過Note 4及
現正用 iphone7 plus, 入門機用過J7 Prime

未換mate 10前，個人感覺最好用的始終是lg g2， 完全畀到我人機合一嘅感覺( 而其後LG出過好多會燒底板的產品， 幸好本人一次都冇用過).... 而之後換兩次***產品 除了買配件比較容易 ，完全沒有lg 能給予的滿足感， S7 其實都唔錯 ， 各樣性能平均但冇乜特別驚喜 ，最搵笨係S6 同s7舊電一年左右電量下滑極快， 間接迫你要換機....
所以其實今次要換機 ，原本應該係諗都唔使諗直接換lg v30+, 但入到舖頭一試, 個前置鏡頭真係一大敗筆! 嚴重油畫化！ 本人用手機最重視的功能 就是前後鏡頭，主要為了影小朋友及與小朋友自拍， 就係因為呢個前置鏡頭, LG今次做唔到我生意....

之後亦有考慮過htc U11 plus, 6gb ram + 128gb rom 外置喇叭質素唔錯，但缺少了3.5mm插口，不過都可以用藍牙耳機....價錢5599亦尚算合理（ 依家啲旗艦機郁下就六七八千 甚至成萬蚊一部iPhoneX, 舊電又預咗一年打柴.... ）

華為呢個牌子留意咗佢兩年 ，由mate8, p9 開始留意到身邊越來越多人用 ，口碑亦唔錯， 但冇即刻試， 始終過唔到"大陸機" 呢個心理關口... 但到了這一代mate 10, 本人喜歡佢外形較沉實商務, 而身邊用mate 8 及mate 9pro的朋友反應都很好，所以最後係U11plus及Mate10二選一(沒有考慮mate 10 pro 因不能插卡， 其他功能再好都冇用)

最後一環就係比拼價錢，一入到某連鎖手機店個sales 同我講mate 10 做緊特價， 所以原本兩部機價錢相差800 變了相差1100， 老實講 如果價錢相差五百或以內我可能會揀htc 去買佢多2gb ram同埋多64gb rom, 但差過千嘅話， 對我嚟講勝負已分...

呢部Mate10陪我度過咗個聖誕假期， 整體感覺不錯，system 都好流暢， 當然試得最多就係佢個相機， 好多人講到佢個leica認證鏡頭同個AI 有幾好幾勁 ，個人覺得真係見仁見智， 相嘅質素的確係唔錯嘅， 但佢嘅後期加工亦不少， 個人覺得銳利化多了一點點， 而佢個ai 偵測到係影人像嘅時候， 在沒有任何美化setting的情況下， 口唇會紅一點點， 皮膚亦會白滑一點點， 輪廓加深一點點，我用嚟影bb女 ，所以呢啲"味精" 對於我嚟講是好事， 但未必適合每個人。 反而令我喜出望外嘅係佢個黑白鏡頭， 真係好正！啲黑白相好有味道，相信冇另外一間手機廠可以做到咁高質素嘅黑白鏡頭。電量亦好，中度使用一天絕無問題， 希望一年之後都係咁....

當其他旗艦機已經買到678千嘅時候， 呢部賣緊四千幾， 畀足九成貨你， 我覺得係絕
冇得輸(用來買***可能只買到部中階機）， 雖然佢都有佢嘅缺點， 但對於我嚟講係可以接受，所以暫時來講我覺得值得畀五粒星， 如果之後發現有其他缺點會在此分享。
(8 Jan 2018 update) 加了幾項缺點，華為如要挑戰一哥地位的話真的需要改善軟件應用程式水平。我扣了一粒星，但overall 還是不錯的。

1. 外型堅固紮實, 造工屬旗艦機水準, 而且機身仲比前兩代都細, 本人單手操控都無大問題
2. 有用過華為都應該清楚Kirin CPU既能力, 基本上同Snapdragon旗艦級CPU一樣, 大家可以上google自己check一下
3. 影相真係唔多講, 有D野各花入各眼, 我只可以講佢影出黎既相既色彩還原度高, 畫面細緻, 特別係影人物或者有主體既相, 用咗大光圈模式影出黎既相感覺相當好, bokeh自然
4. 用電量都唔駛點講係排頭一二位(最重要自己識用Emui)

1. 影相唔夠wide, 但呢個對我影風景唔係一個缺點, 因為我會用後製將幾張相結合
2. HDR對比度唔高, 試過影個好幾次都同以前Mate 8差唔多, 感覺無乜點進步
3. 無防水(我由Mate 8跳過9買10都係因為部機跳咗落水)
4. Display Mon容易爆裂, 只跌1次落地下, 右下角就爆開 (15/2/18更新)

睇到好多comment都不盡不實 (例如電量消耗得快, speaker發聲問題等等), 特別係見到"通話中因面部誤觸屏幕而dodo聲), 講真, 我用咗咁耐都無發生呢種事, 我覺得可能佢地仲未摸熟Emui, 呢個system既操作同三叔果D韓國機有分別, 其中有好多野, 隨著你個人既使用習慣手調會比較好

以前Mate 8雖然係6吋, 但因為果條Navigation bar唔收得埋就無咗10分1, 依家Mate 10可以將佢收埋, 用home key已經可以control到成部機, 隨咗方便之外, 畫面比起Mate 8仲大少少, 亦都睇到Emui係不停咁進步, Anyway, 如果對大陸機有偏見就無謂買, 但損失只會係你自己

有3.5mm耳機孔
基本上一整天上班/上課 電量沒問題
拍照的顏色很漂亮 隨便拍都可能好看
照相錄影功能很多可玩性 對焦/連拍都很快 雙主鏡頭OIS防手震
充電效率真的很快 一小時差不多就跳綠燈了
原廠出廠就附保護貼保護殼 實在很貼心
遊戲基本上大部分不會卡
5.5吋握感5.9吋螢幕
網路接收很穩
外型非常的漂亮精緻
Huawei Histen聲音立體感很棒(插耳機才有)
指紋辨識很快
喇叭聲音非常乾淨
特定應用程式可以開分身
UI非常好用漂亮
2K屏幕
可以用HDMI轉接頭手機直接變成電腦
隱私空間很好用
Huawei 鈴聲好聽

屏幕非常耗電
電池不可拆卸
手機稍重
內建鍵盤不好用

Huawei很重視消費者特地為消費者做了一首非常有品味的歌
玩掛機遊戲不適合 一半的電都耗在屏幕上
防水跟防塵等級不是最高很可惜
4G RAM雖夠用 但是沒上6G還是覺得小遺憾
人一多喇叭聲音很容易被蓋掉
附贈的耳機不是入耳式而是耳塞式 不是很合口味

1.你為何購買此手機？

在全部的手機中考慮了半年
最後選擇這支手機的關鍵是
外觀好看
Leica認證鏡頭
AI NPU
CPU基本上跟S835同級
大電量
CP值高

2.手機的用料、手感、重量如何？

手機質感很好
握感很棒 會讓人想裸機
重量稍重

3.手機的拍攝質素如何？

極佳

4.手機使用體驗是否合乎理想？

理想

5.手機有否特別功能？

強化版微軟翻譯
指節關節快捷功能

6.購買其他配件容易嗎？

不太容易 很少人有在賣

7.手機附有的配件齊全嗎？

齊全

8.整體而言，此手機的表現是否預期之中？

預期之上

9.你會將此手機推介給朋友嗎？

會的

第一樣要講，真係影相顏色幾靚，夜都係正，不過同之前Samsung S7edge比，手持影夜景就s7好dd,我估s7防震相對較好吧; 影黑白相就真係一流， 唔係用apps轉黑白的相可比
電力真係一流， 以前用s7， 一日要2 3充， 唔帶尿袋就要就住就住用， 依家夜晚unplug個插蘇， 到第二晚放工返嚟仲有一半電用， 唔使再就住就住👍
16比9嘅mon睇嘢比較舒服, 雖然手感係s7較好;但mon 顏色就比s7準好多，亦自然好多
個人覺得 Wifi同volte 都比s7好，系統亦好快及穩定
以前用s7用八達通找數， s7 有時會出現問題過唔到數，但mate10就唔完全冇問題,過數反應好快，亦無有時過唔到數的問題
指紋響前面對我嚟講好重要， 因唔需要拎起部機就可以著機解鎖，解鎖亦比s7準同快；另外， 個指紋制可以用來返回前頁或home,令個mon可以用儘show晒內容， 因唔需要虛擬鍵

配件相對samsung及 iphone少好多，亦未找到一個可突出好靚白的機背的機套
我係頭嗰幾日買機，開頭有啲apps對應唔到個8.0呢個系統而未能下載（如canon個apps)，不過而家已經可以裝返晒啦；但Android Pay到今日(5/12/17更新)都仲未用到... (月中update: 己用到了)
感覺6g ram會好d,但而家用落都好順，同覺得多2g ram貴咁多唔值

用開s7 edge ，但係佢啲電實在去得太快，因此想換機，睇緊v30 plus, htc u11 plus同埋華為呢部mate10, 最終決定買華為Mate 10， 原因如下:
1. 雖然鍾意v30個wide angle鏡頭,但真係怕佢部機質素，相機個sensor又細左，而且又傳會燒Mon,最終唔考慮，另外佢好遲出，又唔想等佢3 4個月後價錢大跌先入手
2. 覺得HTC u11+都正，但佢較遲出同價錢貴好多，又唔係雙鏡頭，故最終無等
3. 響舖頭試過呢部華為，一試就鐘意左，機身好靚，16:9相對係無18:9咁好手感，但睇野好舒服，影相又正，性價比一流，故出左4日，就去入貨，而家開心使用中

電池 電量夠大 有4000毫安
螢幕5,9吋 螢幕解像度：2560 X 1440
麒麟970芯片速度夠快
影相質素有保證 又有F1.6大 光圈1200萬 又可以有景深景遠 效果 及正常光圈2000萬 又有黑白藝術相feel 在 黑白上相的方面 I phonex 也不能做到。
我覺得在相機質素方便面 可與iphone x VS.!
網絡速度也夠快， 下載東西也快。
聲音的揚聲器也足夠大 也有立體聲。
拍攝影片紙質素也不錯， 用電話觀看電影間，也很意。
購買時的價錢hkd$4780 在價格的位置 也沒有太過昂貴 價錢比較親民 有助者品牌機 的市場發展， 假以時日 可以蘋果與三星與華為三分天下。

4GB Ram 少了。暫時想不到 留待其他人評語

小弟第一次使用中國品牌的手機 令我眼角
及印象有所改變有刮目相看的感覺。 現在中國的東西也慢慢進步， 這是一個好的開始。
使用了幾天， 玩傳說對決也很順暢。