優點:
1. SETTING 正常的話電量強勁.
2. 界面有心思,咁多部機佢界面原生功能最強
3. 杜比音效用耳機聽歌, 係手機入面完勝V30. 喇叭如果用兩隻手兜住兩邊,竟然可以做到環迴立體聲! 掂
4. 特別版雷蛇LOGO. 夠搶眼, 包你撞機機率極小.
5. 狂玩GAME. 但機身唔熱。
缺點:
1. 由旺角去到深水埗,你最多搵到兩款膠套....
2. 雷蛇SHORT上腦,本來佢個LOGO就係綠色,普通版出個灰色既,擺明玩FANS..
3. 就算雷蛇自己出個套都唔係透明既,佢以為D人真係買佢部機個CONFIG? 係買佢個三條蛇頭之嘛,買個套又庶左佢,唔買又跌手,庶左個蛇頭跟本係部SONY黎, 咁我不如買SONY拉...
4. 軟件順暢有待改善,打機一D問題都無,但我開個睇小說軟件境然成部死機,停左二十秒郁唔到,咩玩法?
評價:
1) 120Hz 雞雞地肋,我唔覺有咩大改變,但用1440解像度加120HZ , 4000電都係倒水咁倒。 但改為90HZ 同1080解像度,我十點煲機打左三小時機,跟住下就再狂上網同聊天約兩小時,之後影下相玩下咁,到夜晚七點, 仲有37%電! 應該勁過當年 GFLEX.
2) 原生個介面真係掂,佢唔要ANDROID 中間粒野,改為你俾你放五個常駐程式,所有圖示唔洗跟格仔位放,全部圖示可以長按住,為佢加入向上推一推功能,我加左計算機、熄MON、開相薄係D ICON入面,非常簡單易用。
3) 熄MON 功能比出面D ON99 軟件好,好多軟件熄MON 強制同你上埋密碼鎖,(唔可以用指紋解, 當係開機鎖), 佢呢個熄MON 可以同機身個設定同步,本身SET左2分鐘再開機唔洗用密碼, 咁你用熄MON功能,都係兩分鐘內再開機唔洗用密碼
4) 兩CLICK 喚醒功能更貼心,之前既雙CLICK 功能放係褲代死梗,因為HIGH到著哂, 佢雙CLICK 會見到條BAR個 三角、圓圈個D亮起左,再點先會著MON.
5) 真係好難買配件,但機背極跣。
本來係NOTE8 同RAZER 之間諗,最後為左個蛇頭買左RAZER, 無後悔。但再黎一次,我會買NOTE 8. 真心部機唔好JAR手,外形見人見志,係FANS 買左都可以自我感覺良好,唔係FANS 唔小心買左.....一定揼心口。