Samsung Galaxy S9+

評測報告

實拍照片

1.觸控比上代note 8好，
2.之前用玻璃貼會有影響觸控，依代唔會有，用邊隻都得
3. Mon靈敏度再次提升及色更準<之前用note 8>,好夠光，陽光低下睇都無問題，白色部份更自然，唔會太過有之前藍mon黃mon嘅問題，係現時用過的手機mon色最好嘅一部
4. 外置雙Speakers超大聽
5.AR表情好玩好正，實用過iphone x ，起碼可以send去唔同聊天媒體，影相突別效好多，前置自拍，女仔無化妝，可以有突效幫你係張相到加化妝效果，
6. 還保留3.5mm聽歌用耳機唔洗煩，舊嘅靚線可以繼續用
7. 夜拍好強，Noise處理得好好，相比note 8好好多，夜拍依部真係最強之一, 景深相比上一代更易補捉，note 8之前要對好多次先會影到，今代好易就補捉到
8. 順暢又再次提升，已經可以說接近Iphone了
9. 電量都算不錯，一日一充，大約使用時間約9小時，分別為每日打機1小時，1小時上網睇下網頁，whats app下，長期睇下fb等等
10. Size適中，好揸手，唔會咁冼手，直放落褲袋岩岩好，之前note8係直放唔到
11. Samsung pay八達通好方便，靈敏度好高，一拍就do, 實用性好高
12. 人工智能個影相即 翻譯超實用，去旅行睇唔明個menu影張相，即時翻譯
13. 打機流暢度比note 8好，是現時android機之首
14. 手機穩定性高，打機時不會熱
15. intelligent scan (眼球 + 面部解鎖)非常準及快，關燈都可以scan到，超實用
16. 指紋解鎖是歷代之中解得最快的一部，好快，快過iphone.
17. 並沒有任何收訊delay

1. Mon貼比較難搵到，因為曲mon所以唔係隻隻都得，膠膜會有飛邊情況
2. 外面特色嘅Cases同配件唔及iphone多
3.價格太貴
4. 沒有紅外線，不太方便s6年代手機可作搖控超方便，之後個幾代都cut 左依個功能
5. mon佔屏率又高左，所以爆mon機會又大左，要比之前啲手機用得更小心，好肯定依部一跌就爆,記住大家要帶厚套
6. 雖然新一代amoled mon比上代耐用，但依然損耗快,死症，長煲劇及長打機會加短壽命，但比iPhone x，估計x個mon只涯到一年，s9+應該玩到年半以上
7.又孤寒嘅兩sim 或 一sim 一 micro sd卡，無得雙sim ,一記憶卡
8.

我由note 8轉過黎，亦同時擁有iphone x , 相比下三星技術及ui越黎越貼近iphone ，甚至有d技術已經超越左iphone , 感覺代代三星都有驚喜，自家ui進步左好多，流暢度提高不少，其實我用s7edge年代都已經無lag機同hang機嘅情況，mon嘅顏色越黎越準，耐用性又高左，影相方面我覺得好滿意，夜拍比起之前部note 8強左好多，之前我覺得note 8夜拍一般，iphone x之前我覺得個夜拍係強啲，但用左s9+我覺得大家有得比下，絕對推薦依部超正，包你唔會後悔, 日後請繼續留意我個評論，會等p20 pro華為再作比較。

開放

環環緊扣的細節

IPhone 7 plus壞了， 再買入iphone 8或者x都覺得太貴了，還有幾個月又出新款最後 決定回歸 android陣營 當然 有好多 使用方法要由頭適應過 但係始終沒辦法，因為始終android手機 比較便宜。

我係htc 支持者 除了iphone外 都係 使用htc為主要手機 五月份 仍然未出 HTC u12， 另外前幾個月買一個htc u play手機做備用非常 不值後， 決定嘗試其他牌子的手機， 最後其實冇得選擇之下買了三叔S9 Plus。

Android手機使用上的方便是肯定的。

但係體驗上，觸控螢幕和手機的質感造工， iPhone 講第二 冇人可以夠膽講第一， 相機拍攝的差距和質素簡直係恐怖， S9和P20 講到自己幾犀利 原來都係 講大話， 拍攝這一部分 可以講 是非常失望， 一些噱頭 慢動作 人像 拍攝 衰到貼地，油畫化、冇曬細節、假得離譜，對焦速度非常慢， 全螢幕拍照可能相機比例除了要遷就返尺寸，兩邊變形變得好犀利，全螢幕視賣點，但係缺點表露無遺，根本全螢幕拍照是夾硬嚟。

最大最大最大問題 是 最新的解鎖方法，大家要小心留意 什麼生物特徵 面部識別和虹膜掃描真係笑料，昨晚去飲宴， 朋友居然可以開我電話，莫非肥仔就係一模一樣，又係失敗之作， 非常唔安全， 所以現在只能用指模識別， 什麼samsung pay 或者銀行apps， 少免側免吧！

指紋識別在機背位置，平時使用上非常方便就手，但在寫字樓工作放喺枱面和揸車， 解鎖就好唔方便，每次都要攞起電話。

仍然都會有時撞apps和Hang機，尤其是開相機拍片，Hang了好幾次。灰

叉電比想像中快，但用電一樣咁快，不知道叉電速度點樣計算。 莫非又係得個吹字掩眼法。

無線叉電慢到你唔順。 嘥錢

播片音質非常響亮，但播歌 spotify就見真章， 好拆的人聲。

螢光幕觸控有些遲鈍，尤其是兩邊嘅曲位咁應比較慢，又會好容易不小心觸碰到。

Android的優點大家都好清楚，唔想重複講太多

一個iphone用戶的比較
硬件部分全部輸曬
Google 軟件是唯一值得讚許的
人性化 方便 和android融為一體
好彩全新高通845 領先市場
八達通 功能 非常好用
諗了兩天可能只有這些分別
好多技術好似好有科技感領先市場，但係實而不華， 或者問題多多，見到對手長處 copy的技術又只有表面 完全沒有內涵，慢動作輸俾sony，相機影相輸畀iphone，人像拍攝景深模式好似幼稚園質素，Bixby 沒有廣東話，快捷鍵非常多餘唔實際。
所有所有的總結 就是 google Android 高通 的優勢 導致 Samsung 的手機 能夠繼續生存領先市場地位， 快啲檢討下自己吧！ 沒有自身的優勢， 暫時依靠 samsung品牌的老本，睇嚟好快步入htc後塵。
當然購買了S9 Plau有些後悔，但應該可以用到9月 iPhone 出新款手機。

影相靚
播無損音樂同V20比差唔多
穩定, 唔記得幾耐前 reboot 了
Screen 靚
我自己一日一沖就夠

貴
曲屏冇平屏咁順手

用過S4, G4, Mate8, V20
點解買返三叔係貪佢質量較好,穩定,耐用。結果証明我無錯。
我只一名普通用家, 呢部機對我黎講已經夠用。但如果閣下對相片或音樂有好高要求,請用單反同用車仔推部HiFi 出街。

有八達通功能
有3.5耳機位
可插SD卡

充電極慢, 比S7更慢, 好后悔買了S9+。
電倒水, 對重度用家既我, 1日叉7次電走唔甩, 尿袋要帶20000容量1日光用
打住機充電發現根本充唔入電 (極大問題). 對所有會打住機充電既用家, 買前真係要諗清諗楚.
貼玻璃貼會有白邊, 迫住貼膠貼!!
無紅外線, 想智能家居用手機當遙控器控掣冷氣機和電視都唔得..
雙卡無4g+4g。
細機手感更好但又無6gm ram。

1.曲屏得個樣, 代代都咁衰, 永遠好容易觸控到邊位錯按apps, 永遠貼唔到全包玻璃貼(本人最憎貼所謂全屏貼,有顏色係邊邊果d, 貼完會好似A貨手機咁) 永遠要貼膠貼先包哂邊, 但又唔想貼膠貼!
2.打機倒水我真係想死, 日日帶手機出街要袋住尿袋係褲袋, 好重...決定以后買新機以電量為先
3.影相未到最靚, 在評測網DXOMark只排第3, 實際係排第4, 因為輸比華為3部機Mate RS, P20, P20 PRO, Mate RS等同P20 PRO級數, 因為同一鏡頭, 只係無拎去評測
4.期待S10摺機版,如改善電量和推到摺機和影相去返第1位, 我會等S10推出時買S10
5.人家SONY SZ2系列都有賣點, 就係可以Remote play 係街用手機玩PS4, 這部S9+完全無賣點, 影相又唔夠華為勁, 機能跑分又唔夠小米Max 2S勁高, 性價比又唔夠大陸機oppo, vivo高, 拍片又唔夠SONY 4K勁, 又有NOTE7爆炸事件, Samsung真係要比多d誠意大家!!!

s9和上一代s8差唔多既, 好心佢比D誠意先好出新一代, 樣樣野只係比上一代勁得果DDD, 果DDD係完全Feel唔到既, 就唔好推出新一代啦, 而且一日唔改善電池問題, 部機幾勁都無用

Mon靚；色準兼可選擇顯示色溫；頂級手機鏡頭；對焦變焦防震低光無甩拖；系統+屏幕反應快；4.5G上網超快；電都夠一日用；內置容量足(小弟用128G)重可以加卡。再試用多一排應該重會有多些優點...

產品本身真係沒有甚麼缺點。人為(商業)缺點就有...太多內置又唔可以鏟走的app；價錢在同級Smartphone來講一直貴上10-15%！

寫在優點欄內的，經已係有用後感才體驗到的，小弟由第一部三星Smartphone到而家，在不同系列裡面用超過10款(係熟用了三星的設定；並非粉絲)，直至S9+先至覺得係一部真正稱得上旗艦的Smartphone。可能有用家話A記早在兩三款型號前經已效能出眾，但IOS同Android絕對係兩種玩法，前者係你比錢但要聽命於個系統設置；後者係自由發揮，最基本就係唔使話連放首歌；放套電影入部電話度都要借助電腦同特定軟件。所以，鍾情Android的用家，如果接受到稍高的價錢，絕對推介S9+！

基本硬件，如CPU845、6GB RAM、NFC、3.5MM插頭等齊全；電力我玩埋PUBG都只係需要一日充電2次，而佢有既Bixby智能都幾有用，唔駛觸碰電話︳都可以好似SIRI咁使用電話內功能……

曲令單手操作有一定困難、無線充電時間較耐……

呢部機我係中移動台出，都係$6,098，以呢個價錢買到128GB都算係咁，比起同期既XZ2 Premium都要差唔多價錢，內存差成倍……