優點:
一:正面屏幕完整一片,背面既火焰紋好精美,2019年數一數二靚既款。
缺點:
一:個Nfc 殘廢既,用Google Pay 未成功過,攞去換機,新一部都係用唔到Google Pay。
二:假既四千電量可能新機唔準確,但係我第一日用既時候,十二點攞機,去到點半差好電兼做曬所有設定,七點半得返三十三% 電,而中途我基本係唔得閒用既。
三:廣告多如牛毛,每裝一個App個安全中心就彈一次廣告出黎;而且最大惡夢係按網上教學熄左啲廣告之後,佢啲系統App更新完會自己開返廣告。
四:本身都醒唔起,係見到69 612 616 啲新聞先突然醒起小米佢牌子既來源地問題。
評價:
本身未有呢部機之前,我係喺Samsung a8s 同Nokia 8.1兩部s710機款之間掙扎緊,見到小米出部中價機咁強既配置就自己跳左落陷阱到。本身諗住返豐澤換返部新機就算數,點知換完機都係得個殘廢Nfc,好在啲店員肯比我轉款轉返8.1,如果唔係真係慘過食兩舊Si。