其實無耐之前已經post過係dcfever入面個Canon PowerShot 討論交流區喇

反正都係,一於post埋上黎



分享下個過程俾各位,希望唔好覺我長氣好喇^^"



事原上年幫個fd影佢整d蛋糕用黎交功課



咁就帶左pro1,420,腳架一枝就衝上去佢屋企試下影

初頭用420跳燈打落天花版影個蛋糕,影左幾張,覺得效果唔多好

諗落個蛋糕都算係早餐架食品黎,咁就試下用側光扮晨早太陽光由窗口射入咁

效果出黎都唔差,但係陰影睇落就太深,早晨陽光應該係柔和d

之後又攞左個枱燈照住個陰影位,出黎好d喇,睇落d光叫做無咁硬,

但枱燈始終都係唔夠光,唔係再淺d陰影會好d



影下影下,影黎影去都係得個蛋糕,

單調得黎,人地都好難睇得出佢係綠茶做

於是附就沖杯綠茶出黎擺係執邊,希望有d綠茶feel

沖出黎唔係問題,係d茶葉有問題,因為d茶葉浮晒面,

相當唔好睇,唯改用茶包

但最大問題係佢屋企搵唔到隻似樣d架杯,沖出黎當堂睇落變左香片

坐低又諗左陣,望到張枱有d沖茶時跌落枱架綠茶碎

即刻試下倒d綠茶碎同包綠茶出黎撑一撐個場,

出黎張相即刻充實好多,又有綠茶味

唯pro1做唔到太淺景深,唔係太blur到後面d茄呢啡

但去到lee到其實已經幾滿意喇,於是就收左工喇

由準備到影完,攪左成粒幾鐘,但成個過程真係學左唔少野^^