名古屋快閃- 機場篇

今次快閃日本之旅，名古屋其實並唔0係我地個行程入面。

由沖繩乘搭內陸機飛去名古屋，其實純粹係為左航班時間更彈性同埋機票比較抵架姐～ :P

去關西，大家好快就可以講得出大阪、梅田、難波有咩好食好玩，而京都又有清水寺、祗園、嵐山等等⋯⋯

而相對名古屋，好似冇太多景點可以去咁，而且大家都唔係可以一開口就講得出有咩地方好去～

名古屋－日本的中部,位於東京和京都的中間，所以又被稱作中京。其實去大阪、京都、奈良等等都好方便架～

當日抵達名古屋中部機場，已經係晚上嘅8點幾。老實講，周圍都已經冇咩地方好去lu。但又因為翌日返HK嘅航班係下午6點幾。

經過不多於5分鐘嘅商量之後，我跟小編哥哥就即係決定將行李鎖0係機場，可以方便我地第二朝去行街～XD

（即係話其實我地早少少起身的話，都可以有半日去行吓 XD）

對於我地呢D實際得半日時間去玩嘅人嚟講，處理笨重行李係非常重要

名古屋中部機場，就提供咗幾種唔同形式嘅行李寄存、托運方法 ～

短短半日行程，托運同宅急便服務我地好似唔係好用得著哦～

所以，剩低就係呢兩個方法了～

1)臨時行李寄存

行李寄存位於2樓Arrival 同埋 3樓Departure。若果外套之類嘅衣物，果度係有提供衣物保管服務架～

不過要留意返佢地營業時間～

（但因為我地打算將行李擺放到翌日，所以呢個臨時行李寄存我地用唔著了～

大型投幣式儲物櫃： 35cm × 85cm （30"喼）

若果私人物品／行李需要放置0係 locker超過5日，又或者最大size嘅locker放置唔到的話，就要用臨時行李寄存服務lu。（每車收費500yen）

而Locker旁邊就已經有兩大間changing room~ 超方便

我地兩個二話不說就將一身充滿沖繩陽光與海灘氣息嘅夏裝換掉，著返冬天衫～:P 

（當日名古屋得9度=.= ） 

於是乎0係出發去常滑駅嘅民宿之前，我地決定去嘆一嘆先～:P

我講緊嘅，就係機場入面果一個天然溫泉～！！風の湯！！

位於中部國際機場4/F，營業時間：08:00-22:00

成人收費￥1000，包毛巾的哦～

先到Locker寄放鞋～～＞然後再販賣機買溫泉卷～～＞再將溫泉卷交比櫃台嘅服務員姐姐⋯⋯

靚女姐姐就會比低一大一小嘅毛巾＋女湯入面嘅locker key 你架喇～

印有名古屋機場吉祥物－謎樣的旅人嘅毛巾～XD

好可愛哦～！

浸完溫泉，出面嘅休息區

呢張相係從官網處轉貼的。一邊睇飛機一邊欣賞日落，

好吧好吧，係時候搭車去民宿了～

順便一提，中部國際機場係沒有JR的～！（冇JR counter, 冇JR的車站）

就.只.有.名.鐵.－Meitetsu

要兌換JR Pass、要買JR各種車票、要轉乘JR的⋯⋯請先搭名鐵線到名古屋駅或金山駅

站內已經有勁大個牌寫住前往Nagoya／Kanayama的車票價錢，同埋可轉乘嘅路線

好清晰的～

（呢張相好耐之前了，而家去Nagoya係870yen）

對於我地經常去日本嘅人嚟講，除左Pass之外，常備一張Icoca係最方便的

名鐵有分幾種車種，除左一般嘅準急、急行、快速急行、特急之外
仲有一種車叫做ミュ－スカイ (μ-sky)

由機場到名古屋駅： 

搭乘μ-SKY，約28分鐘

搭乘一般特急，只需要37分鐘

呢架係ミュ－スカイ (μ-sky)

全車均是指定席，乘搭呢架車需另外比多350yen買特急劵哦～

左邊紅色車頭的，是特急

右邊銀色車頭的，是準急

(準急的速度較慢，而且停靠站比較多，由機場到市區，需要將近一個鐘> <")