又到櫻花嘅季節!各大熱門地諸如日本,韓國以及台灣都經已出咗櫻花攻略,大家係未都已經預備好賞櫻去?不過,其實除咗上述幾個熱門亞洲地,原來遠在歐洲德國,佢好多地區都會有櫻花,最出名嘅當然係波恩嘅櫻花巷(Cherry Blossom Avenue),趁住近期歐羅仲低水,去歐遊之餘仲可以賞櫻,一舉兩得!依加即刻同大家捕捉德國5大賞櫻熱點!
初初喺歐洲旅居之時,都無諗過原來歐洲都會可以賞櫻,佢地稱櫻花為Cherry blossom,品種大致分為兩大種:一是日本山櫻,一是在德國常見的深粉紅包型櫻花。德國櫻花期普遍喺3月之時,而且它們經常不經意咁出現於每一個角落:馬路旁邊,小公園,大家如果有留意的話,其實處處都有驚喜。
旅居一年德國,依加整理咗德國5大賞櫻秘點,除咗係人都知嘅波恩 櫻花 巷,其實仲有呢幾個……
- 波恩(Bonn)櫻花巷(Cherry Blossom Avenue)
- 漢堡(Hamburg)櫻花 祭(Kirschblütenfest)
唔講唔知,原來德國漢堡每年都有 櫻花 節!由1968年開始,當地日本人團體向漢堡政府送贈5,000多棵 櫻花 樹。
喺5月嘅時候,佢地會有唔同活動去慶祝 櫻花 節!其中最大盛事,就梗係會每兩年選出漢堡 櫻花 小姐,不過感覺硬係覺得格格不入…
櫻花 樹就種喺阿爾斯特湖沿線地區,大家都會扮日本妹去賞 櫻花 架!
- 南德Schloss Schwetzingen 櫻花 公園(Cherry Tree Garten)
Schwetzingen皇宮,又被稱之為「小凡爾賽宮」。佢位於曼海姆(Mannheim)與海德堡(Heidelberg)之間。三月之時,兩邊 櫻花 都開晒,成個感覺好靚。
大家睇完呢座入選UNESO候選名單嘅皇宮之後,重點就嚟喇,大家一定要去埋法式花園,入面就有一個好大嘅 櫻花 公園,仲有一排好靚嘅 櫻花 大道,係大家必影位!
- 柏林 櫻花 企劃(The Sakura Campaign)
德國喺1990年完成統一之時,吸引咗當時日本一家電視台TV Asahi嚟採訪。當採訪完成之後,佢地就被德國人嘅民族性深深感動,並且好想同佢地建立友誼。於是,佢地就提議喺柏林種植櫻花樹。呢個計劃籌動用咗100萬歐元,喺柏林種植咗近9,000棵櫻花樹。而呢個計劃,就名為:The Sakura Campaign。依加喺柏林7大地方,都可以見到佢地嘅蹤影喇!
當中最出名就係呢條:TV Asahi kirschblütenallee(櫻花路)。
德國人一向鐘意散步,而呢度就變咗老中青三代假日休閒嘅好地方。
除咗 櫻花 路,另外地方諸如Lichtenberg, Pankow等地都有,大家有興趣想知詳情,可以接以下連結睇更多
5. 德國馬堡 櫻花 大道Stresemannstraße, Marburg
馬堡喺德國黑森州中部,呢度係童話大道嘅起點,亦都係格林大師出生成長嘅地方。當地嘅馬堡大學,同海德堡( Heidebeg )、哥廷根( Götingen )與杜賓根( Tübingen )是為德國最古舊四大名校。
除咗以上嘅出名景點,原來喺馬堡街頭,竟然有條 櫻花 大道!老實講佢其實唔比波恩嘅遜色。
這是北威Essen某條小街上的小驚喜,如果大家見到更多,不妨去我個page開心share番畀我知~
喺德國除咗城市公園,好多個區域,例如一個大家唔會為意嘅小公園,一條小街,住宅區內,櫻花 總係會不經意咁出現喺大家眼前。因為實在太多,依加姑且分享一下我一年間喺野生捕獲嘅 櫻花 。所以,大家只要喺三月左右期間到訪德國,你都有與 櫻花 偶遇之驚喜!
==============================================================
想睇更多文章? like my FB page! >>>>https://www.facebook.com/tellmeyourtravelstories/
>>>> https://itelltravelstories.wordpress.com/
follow 埋IG,有更多旅行相睇 ~>>>>https://www.instagram.com/itelltravelstories/