優點:
顏色鮮艷,近乎原色,功能齊全。自動及手動都OK。其他師兄話人手選光圈只有f/2.8 及f/8.0供選擇,作為一部輕巧的儍瓜機,完全夠用有凸!ISO可以去到1600,用ISO1600影嘅相係有粗粒子(noise),但完全可以接受及張相可以用得。如果用pre-set功能,ISO可以去到3200!不過解像度只會有2M而已。例如響迪士尼及海洋公園的室內場館,呢部機大派用途。黑暗室內亦可作連環快拍。用佢亦可以影到迪士尼煙花。完全好令我滿意。
缺點:
作為儍瓜機,它根本沒有缺點。如果硬要講D,相信係連環拍弱一D。此機冇地方可以彈。
評價:
呢部機D性能一流,非常適合由初級至高級的任何人士使用。它拍出來的相片鮮艷,亦接近原色。最大解像度15MP。如果我話披你知呢部機重厲害過Nikon D2Xs的話,一定有很多人不信。但直至今天為止,所有我在Dcfever.com放的相及絶大部份我在Dchome.net放上去的相都是用這部機拍攝。自從我買了錦囊呢部機(註:我用的是日本本土版Canon IXY 3000IS, 即出口版的IXUS 980 IS,外形和性能完全一樣),我完全冇再買任何儍瓜機。在這部機面世前,曾花了不少錢去買Nikon、Minolta、Olympus、Casio、Pentax 的儍瓜機,但只有Canon 令我最滿意。所以,以後買相機我都會選錦囊相機,你地依嫁就叫佢佳能。