優點:
夠晒紮實, 耐用非常
手感N家一慣作風
2400萬像素, 畫質細膩
電磁耐用
對焦快而準
色溫準確
TYPE I & TYPE II CF 雙插曹現今已經好難搵到,
可以用晒所有CF; SD; Mirco SD or TF 咭
缺點:
無拍片
如果影生態, 連拍真係輸晒, 但影其他野就無咩關係!
ISO 最高得1600, 今時今日真係唔多夠用!
當年真係好貴, 如果平D我諗一定多好多用家
評價:
呢部相機係我用左最耐既一部, 之前用D3用左唔夠幾個月就換左佢, 因為轉左影生態, CORP相真係一絕, 起初最唔適應就係由9連拍跌左落去5連拍, 後來發現DX MODE 可以用到1秒7張都叫做安慰返少少^^, 用左咁耐, 只係兩個缺點係最唔鍾意, 就係ISO唔夠同連拍慢, 另外而家間中都想拍下片, 呢部旗艦機就欠奉了, 但畢竟都已經5/6年機種, 當年好多機都未有! 所以不可雙題並論喇! 個CF TYPE 1 & TYPE 2 插曹係用左幾年先發覺最好, 因為我經常攞自己部機幫人影返幾張靚相, 只要我隨身有個adapter, 無論咩咭都用得上, 尤其有時響D旅遊區既地方到, 好多時D遊客喜歡影下香港夜景, 但一般傻瓜機仔就好難影得靚, 咁我好多時叫佢地拆左佢地部機張咭落我到, 等用我部機影完幾張靚相後就比返張咭仔佢, 非常好用! 但有次自己借用左人家部D3S想插張SD咭+Adapter( CF TYPE II)落去先發現原來係唔得, 之後發覺就連而家D4都係一樣得CF type I, 所以到家下都好自豪可以用晒大部份記憶咭來影相! 其實N記幾年來都轉左幾次旗艦機: D3s, D4, D4s 等...當然佢地既高ISO表現同連拍對焦都大有改善, 正所謂既屈機: 就係指部器材樣樣都無械可擊! 但久而久之, 自己就會越來越依賴晒部相機, 有時搞到連自己既拍攝技術都會退步埋>.<, 所以有時都心大心細想換機, 但轉個頭諗下又真係幾無謂! 況且用左咁多年, 佢既2400MP真係無得輸, 就算到家下D4s都未用到就知佢既地位依然啦! 哈哈...傻左! 所以我諗除非呢部機用到真係打左柴, 唔係都會繼續用落去!