Sony Cyber-shot DSC-HX1

評測報告

實拍照片

-20倍Zoom, 28-560mm夠用有突
-防震唔錯, 縮做3mp Zoom盡+crop成33倍影圓月一流
-ISO1000以下, 個人覺得都可用
-夜拍真係好得, 同FZ35一齊玩同場PK, 夜拍大勝對方九條街
-手持夜拍好實用
-d成像同色準真係ok架, 擺D室內相在公司, 結果堆相變成引死人的勸敗相(雖然體積問題無成事)
-Size來講, 算係中規中矩, 女仔用都唔會太重
-一掃全景呢個功能當年係首創, 呢個功能, 朋友聚會主打, 用來玩影大合照有好多話題
-用iScn已經好好質素, 頭半年用iScn影相, 呃透哂所有身邊人, 以為我係大師傅…xd
-拍片1080p, 對焦算好快, 同Nikon部S640的殘廢級的拍片功能拍片, 我好鍾意呢部機的超強拍片。
-一秒10連拍, 搵部單反都影唔到咁多張啦…。
-光圈可以SET好多級, 真正專業機的Setting
-在功能同User-friendly方面做出了唔錯的平衡, 新手用已經好夠
-反芒, 而且個芒幾得, 完全唔似得23萬像(覺得佢個芒好過FZ35好多)
-機同電都係MIJ, 心理因素又放心多D(雖說, 同級大部分機都係MIJ/MIK)

-無AE/AF Lock同ISO上限(不過當件傻瓜新手都唔諗到要用呢d野)
-雖然色係準, 但比起用CCD的IXUS 850IS, 相真係淡了點的說, 而且呢D野係在相機睇唔出的(但可以Set, 而且原廠過相Program有得自動執, 效果都不錯)
-連拍好玩, 不過拍完10張相之後, 部機Load得幾耐下。
-食MS Only(不過個人覺得一般來講買機都送張4GB甚至8GB, 已經足夠解決呢樣野)
-進階setting的數目, 其實比同級其他牌子的半專業傻瓜機少的(不過我係新手, ok啦)
-光圈最細只係以set到8.0, wide and tele都係一樣, 比好多機好, 但仲未完美(我識用光圈先決之後)。
-原廠配件少而且貴(得一個索價近千四的增距鏡, 乜野UV, CPL全部都要自己再諗辦法, 對比起Canon同Pana呢點真係輸9條街)
-裝副廠轉接環, 使用不當有機會會整爛鏡頭(用後感會詳細講呢個Issue)
-大吉利是有咩壞, 都幾難搵到原廠以外的地方有辦法整到呢部機

背景
但係就想買部Zoom待遠的相機玩

當年4000預算買相機, 最初屬意買SX10 IS的(我用Samsung G800做電話, 已經唔駛買細傻瓜機)

後來上左一間舖試SX10…太重真係接受唔到, 而且睇師兄對佢評價又唔係真係好好, 再睇見各師兄評HX1, 最後我決定買HX1

跟機再送多舊原廠電+8G卡, 就算玩兩日都夠用有突, 唔駛煩。
呢部機跟左我年幾, 我由慢慢用呢部機學點樣去SET機影相, 再後來識得玩腳架, 裝轉接環去落CPL

基本上裝完CPL影山影海, 已經好滿意。

_________我是分隔線_____________________

同其他機的對比:

同級的機, 我淨係玩過FZ35

在睇評測同FEEDBACK, 我知道FZ28的評價係好好, FZ35亦都好機, 有諗過點解唔等佢出就咁衝動入HX1…

但係我玩完同事部fz35之後, 我反而覺得玩HX1係正確。

FZ35嬴的地方
-裝配件一定多過HX1好多, 本身已經可以用52mm的濾鏡呢點就已經夠哂
-有AE/AF/ISO鎖
-可出RAW檔
-而且有獨立拍片掣

但係一拎上手, 第一眼已經覺得佢太輕太膠, 無人想部相機重過舊磚, 但佢俾我的感覺, 係部機好唔實在。

之後來個迪士尼夜拍同場對決, 大家唔開閃用自動場景玩, HX1開ISO400已經搞掂, 但係FZ35要開ISO800甚至1600, 1/2.3"CCD開到咁高ISO影相, 結果係點, 大家都諗到。

好記得有張影螢光印的近拍, 因為太暗的關係, 同場幾部相機(仲有部ISUS同H9), 唔開閃情況, 就淨係得HX1影得到, 雖然我唔否認的係, 佢都要爆ISO3200。

而個芒嘛, FZ35都OK, 但係一開Menu, 明顯FZ35個Menu係唔夠HX1易用同靚的。

當年FZ35係同HX1同價的, 但係我就覺得FZ35唔值3990但係HX1值。

如果3000樓上的話, FZ35就真係ok架喇~


_________我是分隔線_____________________

不過有一點千萬要記住: 如果裝轉接環玩濾鏡, 記住千萬唔好唔小心扭到個環, 因為係有機會將鏡頭蓋個金屬圈(即係印住Sony Lens G個環)一併扭甩!!!

萬一touchwood真係扭甩, 請一定唔好整唔見個圈, 再盡快拎上Sony搞, 保養期內應該係唔收錢的。

如果真係咁唔好彩, 唔見埋個圈的話, 好遺憾地講; Sony保養係"唔包呢個損毀"的, 而且要整的話就要"成支鏡頭換", 焦養期內收費盛惠$1200(過保的人工就另計)

而且更慘的係, 街外係無人有辦法整到呢部機的, 最少我行勻成個旺角都無人搞到, 要死死氣俾$1200白目費。

1) 一掃全景mode 真係好好玩
2) 手持夜拍真係好幫得手, 唔帶腳架都影到靚相
3) 淺景深效果易做
4) 美食mode 好岩我成日影野食
5) 4百幾g, 減少左因為太輕而手震既機會
6) 拍片好靚, 好出色
7) 連拍勁
8) 平, 應該話抵先岩, 雖然加幾百蚊就有入門單反kit set, 但唔係人人都想要單反
9) 電勁, 最初以為1粒唔夠玩1日, 但原來係可以玩足一日, 影400幾張都仲有電淨
10) 個滑輪好好用, 可以調較好多野

1) noise勁 iso800以上一定死, 但奇怪既係, 用佢既手持夜拍mode, iso1600都好利,感覺好似iso125, 真係摸不著
2) 色淡, 新既cmos真係...(不過色淡係個人味道, 但對我黎講, 係缺點)
3) d 相唔夠sharp, 收光圈都係唔夠sharp, 哈哈
4) 個mon唔可以360反, 我覺得可以反既話, 點解唔做到360度呢...
5) 配件貴, 買多粒電要400蚊
6) display如果想睇多d detail, 就要推光d個mon, 奇怪既設定...
7) 個mon解像度可以高d就好了

最初買回來後, 真係想即時放出去, 因為noise真係好勁, 色淡, 畫質好差, 好後悔, 但見其他ching用, d相又好好喎, 我都係因為其他ching既相先決定買多部dc用, 本身用開w5(ccd1/1.7), w300(ccd1/1.7)同a700(dslr), 但結果真係好失望, 由於我係唔執相既人, 於是, 我研究左好耐, 試左好多唔同既setting, 唔同既mode, 終於知應該點用, 效果大大改善, 亦慶幸冇放出. 如果其他ching 想買呢部機, 我有少少忠告比對畫質有要求既大家:
1) 呢部機的確較一般用ccd既dc色淡, 就算推高左contrast, 都唔夠ccd濃, 沒有了sony或minolta機既色彩味道...
2) noise 好得意, 如果你用手持夜拍mode, iso1600都會比你用m mode iso125 少, 好特別, 不過, 手持mode用咩iso 唔係你決定, 拍多1, 2張可以解決, 仲有, 唔好用呢個mode影人, 效果會好怪.
3) 如果你係畫質先決, 千萬唔好揀呢部, hx1 係28-560mm, 天涯鏡呢個range畫質都會差啦, 你放唔放大100%都死...(一般upload上fb,blog, 哂3,4R等等都ok, 但的確唔係好高晝質果類機)
4) 全景mode真係好好玩, 雖然會變型, 不過好實用, 但pan鏡速度上一定要練習多d, 如果唔係, 駁位會起角, 或者嚴重變型
5) 如果你係打算去旅行用, 真係要小心考慮你想影相留念還是想影一d沙龍回家, 因為依家好多入門單反都好平, 4千左右就可以一機一鏡, 畫質一定win哂, 但如果你只係想輕便, 玩下全景, zoom d 遠景, 又唔帶腳架, 先好考慮hx1.
6) 夜拍, 室內, 一定係dc 最弱既地方, 如果你係d唔可以開閃燈,腳架既地方, 只有hx1做到.
總結: 用hx1唔好要求佢有好高既畫質比你, 要玩佢比你既手持夜拍, 一掃全景, 560mm等等, 最好係你買之前去show玩幾次先, 唔好用個mon睇, 要帶卡去試, 因為mon睇唔到noise同畫質

1. panorama(其實唔系得距有, 第D prosumer機都有, 但以我所見, 駁相最快系距, 但第D prosumer機雖慢, 但聲稱相resolution跟影單張的一樣大, 但sony hx1既resolution會細左, 可能呢個都系快既原因, 呢樣野我上網好似未見人講過, 只是用後感, 可能其他人不知第D機都做到同樣既野)
2. 防手震似好勁, 比我用過既其他機好
3. 20x, 無言
4. mon大
5. 手持夜拍好呀

1. 只用1個滑輪去adjust所有光圈, 快門..etc...唔方便
2. 手動焦距, 去唔到我玩過果部d90既效果, 好難做到淺景深, 或需要多點時間磨練, 成個畫面一系一齊蒙, 唔系就一舊清...
3. 無得直插機身充電...no good
4. 機身太細

比dslc細部, 拎出黎好似好小氣甘, 哈, 見到人地有dslc, 都唔系好敢拎出黎, 好多mode, 要用熟要一段時間, 有時影出黎既相, mon睇同電腦睇差好遠, 電腦睇有時差好多, 可能sony mon將d相美化左, 跟ching去恆利買左轉接筒, 再加cpl, 但系發覺鏡頭蓋就無法使用, 除非拆番個轉接筒出黎, 買機時我話買hx1了, 但個sales系甘sell我其他prosumer機, 仲問我sony幾時有出過鏡頭..但系買人地d鏡頭, 以前sony相機都系用蔡司鏡, 所以話而家呢個len g 系唔得既, 介紹話fuji好呀, 無線拍野既機都系用fuji...............

一掃全景, 其他牌子完全無, 雖然好易變形, 但幾好玩.

一點也不 user friendly, 其他機一攞上手就識用, 呢部唔睇說明書唔得, 睇完都係得得哋咋.
影完番睇抇攝資料, 無顯示光圈快門資料, 要放落電腦先睇得番.
原廠無乜配件可買, 無filter 無接環, 要落鴨記搵, 恒利有, $98.
同上面師兄講一樣, 貼紙兩嘢就甩, 唔貼好過喇, 响兩個拱起嘅位貼, 實甩喇, 低能!

一秒十張, 影飛機賽車好得.

h.264高清拍片, 拍片時可zoom
20倍長變焦
快門最快1/4000秒
夜景ok
全景拍攝
功能較多
較其他同級相機為輕

有時係暗位有noise
用較貴的MS咭
UV鏡等難配

呢部機完全合晒我要求, 有廣角, 較大光圈, h.264高清拍片, 20倍長變焦, 真正向DC,DV合2為1的理想, 邁出一大步

1. 20X ZOOM
2. 光學防震有料到,夜景手持0.3秒都仲ok
3 .一掃全景
4. G鏡
5. 立體聲收音,真係好堅!
6. 數碼濾鏡
7. 好輕
8. 個screen可以返出來,影好影低好方便!
9. 功能齊,市面流行的所有功能幾乎都有.

1.太光太暗環境對唔到焦.
2.手持夜景6合1&防震6合1功能,只能+-EV,光圈快門ISO唔俾SET,影出來D相完全睇彩數.
3.一掃全景又係光圈快門ISO唔俾SET.
4.暗位NOISE頗多,ISO SET125都無用.
5.對移動物體對焦慢,1秒影10張要影風景相.(可以手動對焦,但幫助唔大)
6.光位爆得好勁,好彩有個+-EV影3張功能,可以返來用軟件執.
7.細緻度低,色散(DC通病),開左加強色彩,好似油顏色油出界咁.

整體來講,HX1係SONY一部誠意之作!G鏡的確有助提升相片質素,20X ZOOM威力強大,坐係公園長櫈上,返起個SCREEN,人地以為你係度睇相,其實所有人都係你攻擊範圍內,影咩都得!

好多人唔明點解佢個高清拍攝係1440X1080,其實咁做係為左用盡粒4:3 CMOS,你影完播出來都係16:9.立體聲收音真係好清,拍小型演唱會一流!

同級DC相比,相片質數中上,DC用CMOS要求不應太高.

功能多到數唔晒,流行功能幾乎齊!(係無美肌,唔知係唔係我眼大睇過龍)

一掃全景要有D技巧,打橫掃最好手持迷你腳架掃.如果相入邊有人,就一定要以相機CMOS位置為中心來掃,如果唔係,個人會變形.無人可以伸直手以自己為中心掃,可以加強魚眼效果.掃時留意水平線,唔好掃完一邊高一邊低.相機要保持水平,斜掃容易起狗牙.