評價:
話說先前所用既機體就係650D,同時都係自己所接觸既第一部相機,
喺換機既前夕,當身邊部份人都得知自己既決定時,
唔知點解就好似變左旺角街鋪班sales甘,係甘sell自己買6D 5D3....
因為自己本身所影既題材一向傾向動態同高風險,
所以機體既操控性同速度係今次換機既首要要求....
同好多師兄一樣,一直都等緊7D MARK II既出現,
但係經過一段時間,對於入門級既操控模式開始按捺不住....
1D系,就算係二手市場都唔考慮,
因為用得1D既,上手既損耗率都好難會唔高...
5D2個對焦出哂名,唔多講....
6D??無錯,係比較平既ff,同埋質素都會靚過apsc,
問題就係操控模式同對焦....有D師兄講得幾到位,6D根本就係有塊FF sensor既入門級機.....當然,唔係所有既場合都需要高精度既對焦系統,但係當自己每一次影既唔係追星就係影車既時候,6D根本係唔使諗....
講白D就係,若然過程中對焦追唔上目標,質素點好都係假....
5D3....其實佢既整體基本都好過哂7D,有個比喻講得幾好,就係5D3係FF版既7D....
唔會考慮既原因有:
價錢....fps....buffer....
最後一個最大爭議既....就係70D....
甚至有一次喺mk同個sales擦出少少火藥味....
好多人都話70D係新版既7D....
但個人就絕對唔認同....兩者根本行唔同路線同定位....
情況等同對家既300s同7100....
第一,轉盤同操控制,已經打左個突,最諷刺係50d個後轉盤反而仲設計得好....
第二,膠身+反MON.....其實果時怕650D其中一點就係個反mon,好容易撞爛,
每次開關都要扭一次,完全係不爽.....
第三,都係buffer+fps....
第四,D新功能根本都用唔著,而且喺高iso既情況,唔見得比7D有改進....如果真係要下下高iso,寧願玩部ff都好過之後又要ps啦....
最終喺一片反對聲音之下,喺朋友既朋友(同時都係一名專業攝影師)既手上收購呢部APSC版既1D....
不過買得呢部機,最好留意幾樣野....
第一,好多新既功能都唔會存在呢部野身上....嘜野HDR,multi exposure,wifi GPS呀都無....呢部機依家既定位係貼近唔到日常生活既模式....
第二,用得呢部野係要好用腦....除非你係玩自動波,基本上佢既好多setting+mode都要事前同中途因應情況不斷調整....甚至因為可以控制部份button既功用,單係setup已經用上唔少時間....所以如果要過程方便既話....呢部其實唔使諗....
第三,唔好不斷諗新型號既優勢....同埋要接受隨時俾身邊人叫你換機果種麻煩....
喺頭果段時間,講白D就係影得仲衰過用650D既時期,同時有一種感覺係,玩得650D多,玩壞埋個手勢....
但後來玩順左大約一半之後,之前所想既優勢就開始浮現....
個人認為,upgrade得部body,基本上就一定係搵一部比舊既高兩級既型號....
(當然一級定兩級呢D就講個人)
即係例如450D升做60D,無錯,係會好少少,但改進其實唔係太大,無嘜意思....
但如果升做6D既話,高感光表現好左,像素+質素提升左,電量提高左....甘就係一個比較有意義既upgrade......
而升左7D之後,老實講質素就唔會點提升....
但都係果個重點,對焦精度,操控模式,fps,觀景器設計....
呢一範同純粹講求相片質素無關既因素,同650D比係相差幾班....
好多用家都不斷以Full frame既幾項優勢去強烈批評7D既不足,
但個人認為只係部份人只係側重某一D因素....
即係好似你攞著部單反,然後同對家講,你呢D機仔唔掂....
又或者攞著支小白,對著個新手講,你支55250係垃圾來....
但唔好唔記得,後者係平過你輕身過你低調過你......
Full Frame機體係的確有優勢,但唔係絕對....
btw,之後有可能要買返部2號機,但係會唔會都係7D,
定係之後既新型號,就睇情況....來緊focus返鏡頭呢範........