Canon EOS 7D

評測報告

實拍照片

我係由500D升7D既,由入門到中階(中高階),我既感受真係好深

7D優點好多, 我揀幾樣我體會最深既同大家分享下啦

1). 對焦正到不得了,雖然呢個point真係俾人講到爛,但都好想講,入門機得9點對焦,自選對焦亦只係某一點，但7D提供好豐富既對焦方式,區域又得,單點又得,好實用, 雖然玩開入門機都用慣單點,但而家一升級左個對焦方式,令我可以玩得更爽,又易上手,好多時唔使下下先對焦再構圖呢下已經令我覺得值曬(我以前用中央單點左移右移)

2). 操控,轉盤係我第一次用,好順手,配合埋機身按鈕可以一邊影一邊碌下碌下就攪掂所有設定,可以一次過靠機上的兩個轉盤望都唔使望就碌曬出黎,d機身按鈕(好多粒)仲可以依個人喜好作設定,好實用. 個setup畫面好似調較跑車咁set d制,感覺好靚

3). 連拍加快門聲,我開始明白點解好多玩開單反既人都會留意快門聲好唔好聽,真係有原因架喎,連拍就唔使講啦,成支機關槍咁,一路射一路笑啦 (唔係講笑吹水架,頭幾次我同gf玩真係笑左出黎)

4). 100%視野率及放大率,我唔使再估估下個Viewfinder既邊位喇,影大景無所謂,但影人好多時會唔覺意納左d既手手腳腳,或者燈柱入鏡,crop相都得但又要改相既比例就可免則免啦

5). 唔好意思講,但事實上,上中階個心情係靚左 =),用開中階既ching會無乜感覺,最緊要部機好用啫,但對於我呢d低階機客黎講,成部機既外型都已經唔同左

其實仲有好多細眉細眼野令我覺得7D既design好貼心,不過驚講得太多令你眼訓,就不提了

7D缺點其實無乜,咁我用開既APSC鏡都用得番已經好好.

1). SD卡本來係問題但我係旺電又搵到個SD to CF adapter ($138) 咁我之前d卡又用得番曬, 環保d囉~ 但7D連拍太快所以我又買多左張sandisk extreme俾佢

2). 重就本來我玩 500D + 70-200mm F2.8都已經擔泥咁,而家轉左7D係重左,但平衡反而好左,無咁拗手,持久力仲多左,配1750 F2.8, 10-20果d更加小意思

3). Phottix Strato個無線搖控for 500D唔啱使,要買過~ (呢樣就好個人啫)

攪到而家先去買,我呢幾日都同自己講,7D都出左兩年,應否再等下新機呢,但思前想後覺得呢部機係值得買,所以就唔想等了

入門機玩左一輪,亦有不斷學習點影相,自問唔係叻,但對影相同單反既了解日深,500D係我既入門佳品,有一定功能之外亦唔係貴,到而家玩熟左喇,再轉7D,就唔會浪費左7D既生命係我既摸索期,而家一上手就係用,唔係試,感覺上好似咁先對得住佢~

加上7D個價呢輪靚左,$11k不到,對比初出時而家又減左價.(比起初出7D時我人工都唔同左啦),所以而家7D係抵玩左

新機或者就出,但太多江湖傳聞又話7D2或8D可能係FF,頂多出番部70D去接60D同7D個位,唔知canon最後點行啦,但到時接7D果部新機一定唔止而家7D個價,canon d機就係咁,一代貴過一代,又要等派貨,個價又要等一大輪先回落番....

出完新機亦有大把人又去搵舊model買,如當年50D咁,而家都仲有人搵50D新貨,機,最緊要夠用,好用啫

500D升上7D 俾我感覺就好似豐田上平治, 一萬鬆d都好抵玩啫

新少少,有拍片

用L鏡,都要較色!!
單點慢過50D!!
用新百微勁慢,50D都唔會呀!!
幾支L鏡用在7D都不及用50D!!

50d升上7d,兩個字後悔,講快唔快,對焦冇想像的快也冇50d甘快,色彩都冇50d的好,
都係上5dii好,好後悔!!

視野很好，對焦快又準，入門打雀，生態一流,像數1800萬絕對夠用，Corp相都好清晰，快門聲好好聽，感覺輕巧而充實感覺；
19點對焦，有電子水平尺！電池可以支持500-600張左右，都可以！
3200 ISO感覺不錯， 雖然6400不能比上FF，但可以玩出可愛的ISO點油畫效果

1.機身感覺不似40D,50D機身紮實，膠膠地，但係可以接受
2.副廠電池都好貴，平的沒有電量顯示，原裝的等於支50mm鏡頭
3. 閃燈配置一定要 430EX II以上才可以跟得住快門回電速度，其他代用燈 Nissin，永諾等跟不上節奏，形成一張光一張暗。
其他的真的找不到什麼啦，還有LV 對焦慢，真的，不過LV即時影出效果與相片好準，即時調節光圈，對焦， WB Live 都可以出到來，好好用,可能系這種原因慢。

各位我剛剛賣出7D之後再入60D就很後悔啦， 7D快門聲輕巧不會令到手震，60D大聲真的單手都會少少震， 7D的對焦快又準， 感覺60D影起來沒有7D快，60D最大的優點個Moon可以扭（自拍都可以，但係有幾可？）， 當你用過7D再去用60D，1100D 550D的就沒有那種的好用就手感覺！ 比起FF 5DMII 連拍都快，鏡頭可以使用副廠樂趣多，7 D系中皆機的極品！
所以寧買7D莫買60D，仲有見到二手市場有師兄寧放5D II 要7D，手中有7D的影友要三思不要輕易放出7D，除非你要轉會到N記或S，否則好似我在這裡寫7D的回憶錄

對焦快準 1800萬像數 機身紮實

LIVE VIEW較唔到色板 差小小 都無咩 ^^

暫時第四部CANON機 7D真係非常正 用過之前60D比起7D 60D簡直無得比 唯一60D好再LIVE VIEW可以較色板 其他我覺得7D已經好夠好夠用 新機入11700唔算太貴 但直得 一點都唔後悔買 影過幾次真係利到無朋友 ^0^ 一個仔 （正）

1. 外型很靚仔, 重量適中.
2. 連拍快, 一秒有8張, 夠晒用.
3. ISO用到1600絶對冇問題.
4. 功能多且易用.
5. 影像質素夠銳利.

1. 冇FF機畫質咁靚.

外型討好, 連拍爽快, 功能多, 很實用的一部相機/

對焦唔講咁多，好多前輩講過！一個字…好！
整體操控性強！！！加直倒仲好！！！
iso3200可以接受(如沒有經過菲林年代的話)

原廠直倒易走火！！！請小心！！！
一定要用L鏡先發揮到它的威力…話晒都1800像素！！！
耗電都好驚人！！！帶多一套電去玩！！！

用了年多，走左唔小地方，
一句講晒…可靠！！！無論冷天雪地…漫天風沙！！！
它從來無罷過工！！！
值得一試的好機！！！