Olympus E-P2

評測報告

實拍照片

1:8種玩味濾鏡,啱哂懶後製如我者!
2:外形!唔使多講,主觀感受!
3:加轉接環差點可玩哂全世界古今名鏡!

1:Art濾鏡摸式只有全自動,未能配合A S M mode使用!
2:減左價都要$58XX,如買埋VF-2,都重要8千蚊以上,根本冇乜點減過!
3:反應始終不及單反

本身用緊DSLR D300s,有時覺得太大部太重,所以想整番部後備機種玩下,咁樣就算返工放工,甚至落街行吓都可以帶住相機!就想到M4/3系统,沒選DC仔係因為可以加轉接環用埋我果幾支G同D鏡,而且有焦距X2的「優勢」!50.8即變100.8!有錢重可以試下Lecia 鏡添!

Art filter好好玩,對焦並不慢,17mm質素高,近攝都好正,沒閃灯不是缺点,高ISO都冇問題

拍片冇持續對焦,握手位不夠深,沒有原廠大光圈zoom鏡,LCD解像度不足夠,冇得反MON

机身好輕好易用,同女仔影相一定要試用art filter,一定会受歡迎,黑白粗粒及針孔最好,总之,相片有DSLR的質素,又有DC机的輕盈.又可換鏡,是一種全新的机種及玩法,

唔算貴.

個Manual就真係差到冇朋友,可以用"狗足甘亂"形容.英明神武如本人睇咗manual五六個鐘都未掌握到,特到翻看相片時仲成日掂錯制.

本來冇性趣3/4機,覺得唔三唔四,一係大機一係DC,但係睇DPreview的測試圖EP出得好過好多大機,而且價錢等如買部貴啲嘅DC(E-P2+14-42 kit lens)
14-42mm kit lens 影像夠質感,

後來苒買埋17mm試吓...結果.-----後悔......成像差過 14-42mm 三四成,明顯不及zoom鏡有"肉"



Color亦太姣,不合本人.

1. 勁型 (加埋原廠皮套&HANDSTRAP, 型到呢~~)
2. 勁輕 (如果師兄都由5D轉會過黎, 實有會心微笑 ^_^ )
3. 勁PRO (質素可靠也)

1. 太貴 (接近9K...)
2. 太輕 (針無兩頭利... 裝上重鏡會頭重身輕, 小弟就係咁放棄左猛將LEICA ELMARIT 35 F2.8...)
3. 太煩 (Setting 太多太碎太細, 都唔知係好定唔好 -___-" )

EP2 = 輕便 + 型到暈

小弟係由5D轉會 (CANON FANS 千企唔好鬧我, 事關5D實在太重...), 一攞上手就知我無揀錯. 加埋個原廠黑色皮套&HANDSTRAP, 真係正所謂唔打得都睇得, 更可況係又睇得又打得!

好多人會攞佢同GF1比, 關於畫質小弟無用過GF1, 無得比較. 但係OLYMPUS 出相機有接近90年歷史, 功力可想而知. 所以用O記係信心之選.
此外, 另一個最多人問既問題係, EP1 同 EP2 有咩唔同? 小弟女友用既正係EP1, 所以雖然我無認真比較過, 但總括如下:

- EP2 又比EP1多左兩款FILTER, 分別係扮本城直季風格既DIORAMA 同埋王家衛風格既CROSS-OVER. 呢個個FILTER簡直好似味精咁, 無論幾平凡既景都係一拍即靚, EVEN 係走焦相都一樣拍出別樣味道.

- 可以用VF-2, 解像度高. 玩手動鏡必備

Well... 除此之外基本上同EP1無分別(連解像度都一樣...), 但就比EP1貴上一截. 值唔值得就見人見智喇, 不過小弟就真係願意為兩個ART FILTER俾多D 錢. :-p

此外值得一題既係, 雖然呢部機手感都算幾好, 但如果裝上重鏡會有D難握得穩. 呢個時候HANDSTRAP 就好有用喇! 小弟有個心得: 手帶穿過手腕之後, 用食指同中指夾住, 咁就既型仔又穩陣啦! 小弟係連頸帶都無架! :-p

1.一個字,型!機身令仔,金屬機身(我係銀色的)滿足自己虛榮心的一大毒物!
2.兩個字,輕便!又輕又細部卻有單反PQ,自從買入E-P2後,以前拎住dslr+長短砲周街走既情況不復再...
3.三個字,玩味高!8款ART FILTER真係玩到唔停得手,個人最鍾意黑角同E沖C,過半都係用呢兩隻MODE影,仲可以用黎拍片添!令冇乜突破既攝影感覺重新開竅一樣~
4.四個字,萬能插座!加MOUNT可以玩任何新鏡舊鏡,特別係手動對焦既老鏡亦可重生,再加埋機身防震加持,令此機的可塑性甚高!
5.五個字,SHARP!17MM2.8令人SHARP得意外,唔似外國網站既測評般成像一般,亦比我用開既定焦SHARP(難道係我部500D問題?!)

1.都係由一個字開始先...慢!其實本身唔影特效FILTER係OK,不過玩埋每影一張相都要等1-5秒(只係黑角MODE特別誇張...用MON構圖已經窒格,用拍片的話拍完出黎都係窒下窒下...點解會咁?)
2.好貴!E-P2 KIT SET+EVF=$8990...貴過E-PL1好多..
3.冇內閃!雖然E-PL1內閃GN值得7,但好歹都叫有得打BOUNCE,經濟都有學,聊勝於無,燈到用時方恨少...況且,當你用緊EVF時又要用閃,咪添加換黎換去既煩惱?O記好心你賣到咁貴,加返個內閃"回饋"下大眾啦...-.-

其實當初買E-P2都係身痕一時衝動...但估唔到衝對了~
首先唔好將E-PEN系列同單反比較,因為兩者都不能替代,但絕對能相輔相成!
單反的操控係EVIL畀唔到你(EVEN號稱單反級既SONY NEX系列都唔得),但EVIL既輕便就完勝單反,尤其是P,O兩家都不斷推出新鏡擴大鏡組群,由7-300MM都有(=FF14-600MM)又可兩家互用,真係一大優勢.
其實E-P2係好適合一D時下有能力購買單反的初級用家,眼見而家一街都係單反,但得罪講句,有幾多個真係識運用全部功能?!EVIL機其實真係一級好好的階梯,讓初學者毋需背負沉重龐大的機身,又可拍出近乎單反級數的畫質.
而我揀E-P2既原因除左多FILTER玩,金屬機身外,操控亦比E-PL1好,而GF1冇機身防震鏡頭又貴就不作考慮,NEX系列除左樣子唔討好外(個人覺得似門柄),機身SIZE簡直縮小得像走火入魔,機身按鍵都唔多個,所以不作考慮之列.
以前出街想帶單反要左諗右諗,帶咁多野又好似好跨張,自己又辛苦,女友朋友們都睇到O咀.而家完全冇左呢個煩惱!購入E-P2後,我差唔多每日都會帶住佢出街,心理同生理都冇壓力之餘,拍攝機會增多,創作靈感亦更多,最重要係冇咁礙眼,容易捕捉最自然一刻,隨身SNAP的感覺真好.
E-P2雖然畀唔到我清脆的快門聲,1秒7,8張的快感,方便靈活的操作,但用心構圖,拍下動人的一剎,先係品味生活,追求攝影的正確態度~呢種感覺我找到了!

- Build in 4 Step anti vibration
- Good noise control
- Great image quality
- User friendly even for 'Non' OM user
- Art filter is good
- Nice body design
- Nice shutter feel

- Some of the art filter function makes the camera completely slow down
- LCD cannot show must details
- No EVF include ( i know use to have it)

I am a Canon 5D mark II user, and just got the E-P2 with 17mm f2.8 kit last week, I can say this camera is full of surprise and joy, the image quality is very very good. This camera completely change my point of view for the 4/3 system and I'm planning to get the LEICA D VARIO-ELMARIT 14-50mm f2.8-3.5 ASPH.