Nikon D3100

評測報告

實拍照片

機身輕巧
機身細方便攜帶
Expeed2影像處理能力不俗
操作簡便
Guide Mode比上一代更有實戰能力
ISO表現可以接受
Live View及錄影掣操作方便
Live View開啟30秒不拍攝的話會自動關閉，節省電力
拍片自動對焦功能實用
提供多款數碼濾鏡
可選擇關閉LCD資訊顯示，節省電力

手掌大的用家或會覺得機身太小
不支援高速閃燈同步
不能於白平衡輸入色溫值
不支援多重曝光(沒有此Nikon強項，可惜！)
由於機身細小，使用較大Size的鏡頭並以內置閃燈拍攝近距離主體，相片下方或會出現鏡頭的陰影(配以18-105VR試機，35Wide以下焦距並不建議在距離主體5呎以內拍攝；選用18-55、55-200或35 f1.8則沒問題)

一直專注於高階機身，DX格式同入門級相機已經唔多理既我，呢兩日花左好多時間晌D3100身上。D3100係Nikon今個月推出既入門機種，淨Body建議售價$4380(街價當然更平)，較為有賣點既首先係用左最新既Expeed2影像處理引擎、全高清攝錄(提供自動對焦)、1400萬像素、11點對焦同埋僅455g(不連記憶卡及電池)既細小機身。

呢部機真係好輕巧 -- 重量只係一磅左右，機身細到同上一代既長炮DC差唔多，我渣埋拳頭幾乎就係成部機身既Size。機身以塑膠為主，但整體感覺依然細緻，拎上手唔覺有玩具Feel。

我配上Nikkor 35mm f1.8G做自動對焦拍攝，或者福倫達40mm f2做手動對焦拍攝。兩枝都係定焦鏡頭，雖然Zoom唔到，但係Size比較短兼有大光圈，方便日常抓拍用。

用緊D3既我，習慣左頂級機身既重量同操控感，換上呢部全線最低階既機有咩感覺？我必須承認呢部機少左好多功能，但係我試過用佢影夜晚既街道、日頭晌馬路上飛己既汽車，我唔覺得呢部機俾唔到野我。就我自己既影相習慣，呢部機無既只係D3100唔支援高速閃燈同步，同唔可以晌白平衡輸入色溫值。最初我以為右手得番後轉盤會好唔掂(D3係雙轉盤)，但因為個Option制位置都好就手，所以用落都無乜大問題。

玩左兩日，我最多用M Mode配合Auto ISO拍攝。或者係因為用左新既Expeed2，佢既ISO表現真係唔錯！我將ISO800拍既夜晚街景相晌Photoshop放大到100%，無錯係睇到有Noise，但比之前既DX機已經好好多，唔係用黎Show Quali或者開工搵食真係無問題(比起DC正好多啦)。至於相片既細緻度方面，細Size既感光元件當然唔可以同Full Frame比較。不過依家出面買一部D3s可以買九部D3100，夾硬要鬥畫質既話，似乎唔係好Fair囉！

拍片方面，我有用大機拍片既經驗，之前一直唔用單反拍片既原因主要係[煩] -- 連自動對焦都無，又唔就手又多限制，點玩呀！我晌街頭試左兩段，發覺佢要對焦都唔係好難。如果拍攝既時候按住個快門掣，基本上佢既反應就同一部識全時間自動對焦既家用級攝錄機差唔多，只係會有多少對焦聲錄埋晌條片度(呢個係現時單反拍片自動對焦共有既問題)。拍片時畫面會出現一個方形，係對焦區黎，用十字掣可以微調去畫面其他位置，方便對準唔晌中間既主體。

像素大了, 有14M像素
NOISE控制進步了, 以前ISO800開始唔要得
整體操作動作快了少許, 可能和CPU提升了有關
有一單張拍和連拍的快捷鍵, 方便得多
新增AF-F全時動自動對焦拍MOVIE極有用
GUIDE MODE 多左FUNCTION
有HDMI 輸出, 大勢所趨

印像最深係VIEWFINDER 對焦系統變番D40/50既紅點閃動模式, 唔慣
快門聲靜左好多, 有少少"立"既感覺(唔係寧靜模式), 覺得沒有D3000咁SHARP 醒
視野仍然係95%, 沒有改善
雖然話機身好似重左少少, 但拎上手仲輕咁
SCREEN 仲係得23萬像素, 沒有進步

參加了NIKON的試玩會, 覺得新機加了MOVIE 和千四萬像素係好大賣點, 但SCREEN 沒有進步我覺得係好大問題, 同樣係入門機CANON 550D貴佢一千到, 但所有功能都好似高佢一級. 對入門用家黎講吸引力好似唔係好夠.

我期望D7000
P.S. 我係D3000用家

1.機身輕巧
2.Expeed2影像處理
3.高iso可用(去到iso3200都可以接受！)
4.有「釋放模式選擇器」，可選擇自拍/連拍/單張，此功能都幾方便！
5.有Live 同錄影掣
6.有得拍片

1.同D90/D5000一樣Live對焦慢
2.所以，拍片對焦都慢
3.支kit鏡對焦時幾大聲，
令拍片時聽到對焦的聲！

部機影出尼的相唔錯！
都可以話係d5000同d3000的結同再進化！
係一部好的入門機！
雖然係有d野得d90/d7000以上的機先做到，
但記著：「佢係入門機！」


此終E部係一部「相機」！
唔好對拍片e個功能有好大期望！
雖然話拍片有AF，
但拍片時好明聽到對焦的聲，
加上對焦慢，
直頭自己手動對焦仲好過！

1. 輕如無物，幾年前根本不會想像到單眼可以造的如此輕巧
2. 人性化的操作，方便易用
3. Guide Mode雖然繁複，但每個步驟講解一絲不苟，可見Nikon對初學者非常貼心
4. 跟D3000比較，一口氣提升所有功能，誠意盡顯
5. 從高階機下放的Q靜音模式
6. Nikon獨有的手柄倒三角標誌，令外觀感覺專業
7. 雜訊控制出色

1. 維持著D3000的23萬像數LCD MON
2. 白平衡沒K手動
3. 對焦點極度細小
4. 防塵防水滴能力弱
5. 快門聲音很「電子化」，不是一貫「Nikon聲」
6. 無法沿用D3000的電芯

本身擁有D7000，因年尾將要外訪。由於是工作關係，講求機動性，機身重量相對輕巧的D3100比D7000更能勝任此場合，因而入手。

以機論機，她擁有比以往Nikon機身更出色的規格，多方面都看出來Nikon有心突破並更新產品線。從此年積極更新旗下舊式鏡頭來看可見一斑，而且更一口氣更新了市場上最暢銷的入門及中階機種，與及以往很少見到Nikon在地鐵大堂及月台大肆宣傳其最新產品的廣告，感受到Nikon求突破及大展拳腳的決心。

話說回頭，用慣了D7000，眼前的D3100在功能上當然很貧乏了。但如此價格，就一次過可擁有全高清拍片、1400萬畫素、最新的EXPEED 2影像引擎、以往只有D300s及D3s才擁有的Q靜音，及更輕巧細小的身軀……以上種種，都為他贏下「Nikon史上最佳入門機款」美名。

機身小巧輕盈(當然是和其他DSLR比較)

畫質和色彩表現良好，低價機的超水準表現

操控不錯，有fun鍵自定功能，又有快門釋放模式選桿

ISO雜訊處理出色，高ISO1600完全可用(部份人更接受到ISO 3200)

23萬像素顯示屏解像度低，不怕被漂亮的顯示屏欺騙，只檢視基本要素已足夠使用

白平衡準確，也可微調和用白紙/灰卡做設定

用內閃時時反應很慢

用Liveview時對焦很慢

快門時滯稍長, 拍動移物困難

對焦點細小，只是一點小紅點，在細水觀景窗看，比較考驗眼力

本人認為，拍照就是需要在預算中，選擇最適合自己的工具。有些攝影大師也只是用4/3機呢，一樣可以拍到好照片，器材背後更重要的是人。

選擇D3100，是因為畫質和色彩表現良好，操控也很方便，ISO雜訊處理出色。作為一門業餘興趣，要拍好照片，這樣的器材已經很好。而且便宜有便宜的好處，用來練習就非常超值，若干年後技術提升了再考慮換高階一點的。而且，如果用低價機拍到好照片，更是高興！

為何不選擇D90
因為D90雜訊處理不及D3100，而本身又沒有一支D鏡非用不可，所以寧願把差額用來升級鏡頭

為何不選擇D7000、D300S
規格很吸引，但是太貴。加上那麼強的功能，自己也未必可以完全發揮，買器材是不送技術的呢

為何不選擇D5100
因為沒需要用到轉MON，而且比D90貴，但是還沒有機身摩打．．．感覺和D3100的差距不值現時的15xx，寧願把資金留來升級鏡頭，他日換機也用得著

-Expeed2(營造獨有的另一種和諧氣氛的照片)
-14.2MP CMOS(消費型的好處...)
-iso12,800(實用又華麗的功能,雜訊控制算是強勁)
-AF-F(新功能,Nikon為左尼個新功能,更加強左對焦系統,使追焦性能大大提升)
-1080p攝錄,720p@24/25/30fps(新功能,有好過無,有時都幾好玩)
-快門釋放模式選桿(新設計,十分實用)
-自動場景選擇(D5000的精華功能)
-靜音快門(某些拍攝場合真係好好用)

-價錢太平,毒死好多新手
-LCD唔夠豪華
-電池太新,未有代電

使用後,發現D3100完全係有超水準表現既一部機。曾擁有D3000,亦玩過D5000,D90,450D,550D的小弟,只可以講無一部可以比得上......

論機身的電子性能,D3100可以話得上係無得彈......Expeed2,14.2MP CMOS,iso12,800,AF-F,1080p等等多種Nikon最新的技術圴應用係最輕巧既單反機身上,咁我仲有咩可以彈?
D3100可以話係現有Nikon中階單反既完美合體,真係好完美既Nikon's intelligence~~~