優點:
1. 日間使用相片質素高, 成色ok.
2. 鏡頭實際焦距係6~22.5mm, "2.0大光圈"只係數字遊戲而已, 但實際影出黎還可以影到淺景深既相.
3. 鏡頭的活動圈係一個好唔錯既設計.
4. 機頂個模式轉換盤要用少少力先轉到, 我覺得唔錯, 部機o係個袋攞出時唔會誤轉其他mode.
5. 磨沙面機身都幾好渣手.
6. 反應幾快, 對焦幾好, IS又出奇地強.
7. 大半年前售價要>$4000, 依家低見$30xx行貨, 抵玩得很.
缺點:
1. 閃燈位設計好有問題, 要機內撳掣先會自動彈出, 而且不能直接用手按番個閃燈人去, 好易令人因為佢自動彈出而跌左部機. (小弟o係買機時差d因為咁而跌機, 所以好深印象.)
(BTW, 小弟只會在日間用佢, 絕對唔會開閃燈, 所以我無乜所謂).
2. 相片Detail位緊係無單反機咁好架la, 但我用黎當副機用, 無乜所謂la~
3. 同佢廣告既main point相反, 部機夜晚影相都係唔得...
4. 用依部機必須要影RAW, 直出JPG會大打折扣.
5. 部機若有少少手握位會更好.
6. 換算焦距得28mm.....唔係好夠wide.
7. 最高快門只得1/1600s, 日頭影相唔夠用...
8. 部機甚為食電(又係Digic 4...)
評價:
小弟本身有1D4同幾支L鏡, 今年六四當日買黎當副機用, 諗住用多一排先寫感想, 但見樓下師兄踩部機踩得咁行, 所以點都寫番篇黎為部機平反.
我買部副機只為平時玩下, 唔太介意相片質素, 但依部機都幾令我喜出望外.
我對部機咩特殊效果, 自動模式等完全無興趣, 只用Av同M mode.
用左個幾禮拜, 我都幾滿意佢. 遲D去短線旅行都係帶佢, 部1D4返去防潮箱la^^
我用佢影左幾張相, 歡迎各位睇睇^^
http://www.flickr.com/photos/dennis787b/sets/72157626926731826/
http://www.flickr.com/photos/dennis787b/sets/72157626823823747/