優點:
28mm廣角成象一流,其它其實都ok的
閃燈輸出強勁,準
所有野都可手動,功能齊及多,多到玩唔晒!
個芒靚及色準
可加濾鏡同外閃
缺點:
操作反應慢
功能雖多但有D功能幾無謂
對焦慢又迷(但通常係唔夠光時)可能大部份DC都係咁,所以唔好放大黎個缺點
評價:
小弟用左部機一年,感覺部機最大優點就係於28mm段成象真的十分好,其它焦段都唔係差,但當你用其他焦段時個對焦就會好多時迷焦(當然日光日白時會好好多啦),所以我都當佢定焦咁用,功能真係十分多,但有好多功能都好陽春,例如定時間拍(可選的時間又唔多,同會玩玩下無反應),一秒影十幾張相再一格格排係一張相內.......(都唔知有乜用),仲有其它但唔詳錄啦,操作反應及對焦真的十分慢(可能小弟比單反種壞左啦.........)同會無啦啦死左係度無反應(@@)(好大既問題!!)。但當然佢又有好多要讚既地方既,例如內閃火力強勁同準,其他廠既機仔真係無可能有咁既閃燈比你,又可加外閃但支閃只可午用M mode(如你本身用開nikon單反既師兄又多一飯野玩!),所有基本功能可手動,可以加個接桶就可加上濾鏡,對影風景絕對有好大既幫助(如有B快門仲good),微距成像好, 總結就係影風景,死物係一流的,影人都無問題,大前題要企定定同坐定定,影小朋友就唔係好岩了...題外話,部機個快門係可去到1/4000的,但光圈一定要係8光圈先可以較上去,但1/2000至1/4000中間係無得較的(姐係一係1/2000,一係1/4000)..........(@,@)