Nikon D7000

評測報告

實拍照片

1. ISO 6400 可用，比D80 ISO 800表現更佳！
2. 用新測光系統，對焦速度明顯提速 (用 Kit 18-105試)
3. AWB 準確，另AWB有保留暖色一項有心思，亦會用到
4. 有高清片錄，必要時可作記錄
5. 手感不錯，D按制編排就手
6. 有除塵，機身有防塵防水滴設計
7. 合金機身，多左安全感
8. 雙卡雙待，方便一張NEF一張JPEG
9. Menu 同Program 細心左，例如較自拍可以一次影三張
10. 基乎每樣色彩有可以set，Pro！
11. 雙轉盤，方便又好用
12. Nikon產品，唔會過幾個月又出個提升左版本的類似產品

1. 價錢貴($12800 Kit)，如非新測光系統，我早就加$200買D300
2. 拍片對焦有待改進，AF-F有走焦情況出現
3. 轉 AF個制轉左去機身下方，唔方便
4. 機身轉左合金後重左，對於用開D80的我要重新習慣...
5. 用唔番D80條快門繩(D90不受影響)
6. 快門軟左，要細細力對半焦

由D80 轉用 D7000的用家，用左一個禮拜，意見係有買貴，有買遲，無買錯。

對於用開D90同D300用家再用D7000的用家感覺不大，但對於用開D80的我來說，換上D7000係明顯升左用機質素，因為我經常在低光下用機，強橫的新測光同ISO 6400係我救星！

受惠新系統，AWB無偏黃的情況，用兩個字形容，準備！

另，機身札實左好多，但亦代表部機唔好隨便帶佢去行山。。。會重死的

D90,D300用家可以觀望下先，但D80以下用家想換機，又唔想上FF，不妨考慮下呢部機，值得一試！

題外話，其實不論Canon,Nikon還是其他牌子都可以影到靚相，只係睇下你追求什麼，我以前用Canon的(G3年代)，但唔鐘意佢個色彩處理器將相的綠色改到奇奇怪怪，我先轉到N記~我亦識人用N記嫌鏡貴轉左去C記...

百家爭鳴，用家得益，何必踩其他牌子用家提高自己？

(1)粒電1900mAh,夠晒長氣!
(2)機身操作明顯比D5000更實用和人性化,操作過程十分方便,有多個自定義Fn鍵,另外用芒對焦,可以直接按放大鍵把對焦物體放大數倍,拍攝微距十分便利和有用!
(3)追踪對焦可以自定義隔間時間長短,set最短你會發現,係芒範圍內隨便移動走唔甩佢自動追踪!更加神奇係,用芒對焦亦啟用此功能,同樣追踪快速和準確,十分好用!
(4)明顯控制noise比7D好,7D於iso800時已經noise明顯,nikon畫面無論暗部或亮部雜訊同樣出色!
(5)寬容度相當出色,驚嘆日光下高反差拍攝的成像表現,保留暗部和高光細節,高寬容度可以直接反映相機的級數,不信可以DC然後入門單反測試)
(6)新ge測光系統果然厲害,auto測光可以好放心!就算iso set到800,好近距離用機身閃燈都唔怕會過曝,佢會安排妥當!
(7)芒顏色好靚而且細節表現佳,比以往D90和D5000的偏冷問題,佢居然倒番轉偏暖...
(8)150,000快門,有排你玩la!
(9)用芒拍攝對焦速度明顯比7D快,而且拍片可以Set全時自動伺服對焦,更可set對焦隔間時間長短,方便到極,亦支援拍片中途拍攝功能,其實24fp/s已經夠用,畢竟對比Video機,拍馬屁都出唔上!更何況單反拍短片會產生大量熱量,到時影相咪怪noise點解會多咗ge!當然7D高達60fp/s,強!
(10)佢ge kit鏡18-105mm,換算即係27-157.5mm,天涯鏡莫過於此!
(11)觀景器對焦屏可以在menu選顯示網格以輔助對焦,又一人性化表現!貼心!

(1)雖然機身造功不錯,舒適度有待提升,比O記入門的E-520差,不過查實係E-520手握位設計太好,握上手好舒服.
(2)點解冇CF卡,雖然SHDC出到Class 10,45MB/s讀寫速度,但相比CF同讀寫速度級數的寫入方式不同,睇CF咁多觸點就明白啦!至於CF出到90MB/s讀寫速度,專為高速連拍,需要快速讀寫速度和高階相機而設,雖然SD卡槽可以慳D成本,而CF卡又未算普及,但係用家角度實在美中不足.
(3)觀景器內容:對焦部分符號(兩個三角形)有D多餘...
(4)紅色係呢部機ge不力處,而7D影紅色好好多,當然對焦精準度和成像的銳度7D優勝)
(5)套kit暗角位相當明顯,冇7D跟機ge暗光修正功能,後期你都咪話唔野小!
(6)假如重要按鈕係夜晚有背光功能就好lu...美中不足!

(1)手感札實,手指凹入位對一般握位設計更抓得緊,但的確如網友所說更使力.
(2)機頂鎂合金結構,其實於頂位做得比較密實防塵防水滴,真係落起雨嚟過唔倒自己心理哥關又攞走避避雨.如果O記E5或者C記7D,我諗會比較全天候.
(3)重量剛適合我,所以不作考慮多入直倒,7D的確機身造工非常好,但重量卻非一般的難以接受,拿着磚頭出街拍攝,相信很有"殺傷力".
(4)對焦速度快,尤其係暗部,就算遠距離也好,輔助對焦燈只需閃一下就可以成功測量對焦,套kit很少拉風箱,但暗角位明顯,似日光鏡多d.
(5)收門聲輕快,乾淨利落,比C記中高階的震盪少很多,而且對比之下聲音十分寧靜(另有靜音快門模式,在靜的環境你可能不以為意此功能,攞出街就好細ge快門聲).
(6)雙轉輪及轉盤設計非常實用!而且Fn可設鎖定曝光,或者AE-L/AF-L單次鎖定曝光兩按鍵非常實用!
(7)視窗0.94倍對比7D實在有點美中不足,兩者同樣明亮而且視野100%.
(8)連說明書都建議SDHC最好Class 6,30MB/s或以上,咁即係一個字,貴!連E-520都有CF卡槽,實在令人想不明白...
(9)呢部絕對稱得上稱職ge中階機,而7D為中階機中的佼佼者(除控噪方面)

原本諗住入7D,兩部機都試勻晒之後,發現7D套kit對焦及得上我入門機O記E-520咁慢,聽朋友意見發現,入得7D機你唔配個靚鏡頭,如L鏡你根本浪貴咗部機,老實講佢對焦的確好了得,尤其係追踪對焦,但係試問你唔係專影動態相(最少人影ge類別)的話,呢部機又重手,你又買唔起靚鏡頭就不如考慮D7000吧!當然有米入7D,倒不如入無敵兔升FF啦~7D系數咁轉一轉,又要買貴ge鏡,倒不如用FF發揮廣角淋漓盡致!

以往Nikon機ISO由200起跳，現在由100起跳，更加好用
高ISO去到6400，本人都覺得畫質很優透
Liveview的啟動按鈕設計十分方便和易用
LCD顯示器顯示質素非常之靚
OVF夠大夠光(慣左用非100%的OVF，預畫面出少少界都影到，但呢部機影唔到有點唔慣)
雙卡槽夠實用
電池電力夠強
機身重量分配平均
改良了的頸繩連接位，令相機操作更順利

實在太貴
機手上的AF/M切換掣操作唔係太順暢
景深預覽個掣位置唔太好按
有些快捷鍵如BKT+上掣係切換重播相時的記憶卡、format記憶卡的快捷鍵，除非看著說明書或成日用，否則好難記得點用

由Olympus的4/3系統轉到Nikon的系統
個人仍是深愛著4/3，但根本無機可買來升級......
對於D90的創新感到印象深刻，加上曾經試用家人的D5000相機，最後選了Nikon的相機。

雖然有人覺得部機係泰國貨有點不太好的感覺，但個人覺得產地已非太緊要了，有好多牌子的非日本製相機，都無幾多問題，同埋看網上資料，Nikon的泰國廠房已經生產左成20幾年，個人覺得都有信心。

天氣凍，部機有個特式，前後殼溫度不同，後面有點冰，好特別
部機的快門、反光鏡運作的震動很少，
快門聲很不似Nikon，就算非quiet mode都好靜
快門好輕，要時間適應
快門按鈕半按還可，全按下去的感覺太無盡無遠，像找不到終點，有點怪。
另外認同樓下所講，CMOS只係部機的一部份，呢個年代不可能全部都自己生產，整體點配合先考功力



規格上的優點好多人講左，我都係講無人講果D
- 繁體中文可改用較幼身的字體，即簡體中文介面用果款，比較易閱讀
- 檔名建議可讓用家選用類似Olympus的方法，例如檔名P124xxxxx.jpg，1字代表月份，24代表日期，有助管理相片
- 重播影像應該要智能少少，因明顯差過一般DC，打直部機時，機應該要識令到張相轉正，橫機時，直相要識打直(部機係有個setting比橫機播直相時轉正，但打直部機張相又會變左打橫)
- 重播影像所提供的資料極度切合用家的需要，而且可以比用家設定啟用那些資料顯示，設計很好，惟建議可以加入"無資料"的重播，因為當開了高光位"閃動"功能之後，除非關上該功能，不然是不可能看到一張唔"閃"的相
- 繁體中文說明書！！雖然能網上下載，可是真的有點不便
- 水平儀的使用方法仍要改善，在不用liveview的情況，要用預先set好了的fn掣叫出而且部機打直係用唔到(liveview時可以打直用)
- 網友發現，對於Transcend記憶卡有些兼容問題，class 10的卡同class 6差不多速度，本人都有遇上，但發現卡槽2對於此問題影響較細，速度較正常，若要用Transcend建議放入卡槽2
- 機頂顯示和OVF顯示，ISO和餘下張數不能並存，要顯示ISO，2個顯示器都不會再出餘下張數(當然無影相時，顯示會變回餘下張數，但說明書無寫清楚！)，建議可以提供非同步顯示
- 說明書對於雙卡槽的用法寫得不太詳盡

好同意樓下師兄所講0既0野. 對dcfever 好失望, 一d 咁唔中肯0既comment 居然可以成為用家心得之星, 唔止D7000, 之前P300都係咁. 我係 nikon 0既話一定會cut 哂所有 dcfever 落0既廣告.

我之前有兩部相機都係0係dcfever 買, 不過呢, 以後唔使旨意我再回頭.

我預左我個 account 會俾人delete, 不過咁0既forum, 不上也罷.

半金屬機身.
1080movie.
可插SD兩卡，可同時寫入jpg和raw
39點對焦快而准.
100% viewfinder.

日景王，夜景亡，ISO推上1600或以上影相後放大，發覺會有紅色或籃色一點一點。

用咗10日，換咗2部！第一部LCD有7粒死點，ISO推上1600或以上影相後放大睇時，會發覺會有紅色或籃色一點一點，之後換咗第2部，LCD冇死點，但ISO推上1600已經有很多紅色或籃色一點一點，ISO3200或以上就真係滿天星，之前嗰部都無咁多星星，又要攞去換，我在豐X買,10日內包換,我已對呢部D7000無信心，換咗Canon 7D ，起碼人哋係MADE IN JAPAN 信心保證！唔知樓下個位阿叔係咪老花呢？定係睇唔明啲文字？唔喜歡Nikon就唔會買佢番嚟啦，部機唔係有事啲sales都唔會換完再換比我啦，你古好得意咩！Nikon D7000廣告買點係為黑夜而設！但換個兩部D7000影夜景，兼送紅籃滿天星，啲影像質素真係非常唔掂，大拿拿萬幾銀買部有問題嘅機番來，比你都接受唔到囉！

高ISO值可用 8R內日/室內境3200可用, 要求高1600沒問題
100%觀景器
39點對焦, 同價位無機可比
金屬BODY
150000次快門壽命
其他跟以貼上大致一樣

功能太多很難記
18-105MM KIT 鏡性價比需好, 但希18-135會更好(18-200MM 比較貴)
畫面太複雜時39點亦會出錯, 要留意場合更改設定時要多點時間適應, 若影單人人像還是用少一些點對焦比較好

我已買D7000, 用了三個星期, 很好用, 快門聲與快門制與以前NIKON是有分別, 但唔覺有甚麼影響, 可能是首次佣有單反吧, 以前都是特別日子才向親友借機用..
反而用了一段時間後, 代人拿部D40影相時很不習慣..
至於死點問題, 本人與朋友(亦買D7000)的都沒問題, 上網查過第一批時很多是HOT PIXEL 問題不是死點(CCD長期感光時的問題, 在拍片較容易發生), 12月更新的FIRMWARE VER1.01已更正, 而第一批貨較多死點問題在電子產品都很常見, 此機不是第一個, 好像我和太太影結婚相時, 攝影師部專業級機粒光點在正中間, 未處理時很明顯..

正如一些報導或其他討論, 雖然D7000是半專業機, 但性能絕對說得上是專業, 像是一部提升了像素的D300S輕量版, 在外國更有網頁以成像質素比較, 世界第八, APS-C第二 與全片幅D700, EOS 5D同分..
http://big5.citygf.com/MB/mb_01216/201011/t20101110_898632.html

個人認為,若只想得到同單反才有的影相樂趣, 但不想來得太複雜, 我會建議用D90, D5000, 甚至D3100都是好機, 留點錢購鏡頭, 閃光燈去體驗更多不同的攝影樂趣, 而且正如很多討論一樣, BODY只佔一部份因素..
但如果像我是一個求知心大的, 想一試甚麼是專業操控, 又未必會買專業機或將來買專業機, D7000是不錯的試金石, 若你已是專業, 這部機亦是很好的後備機