評價:
我係由M43上單反,買之前同K5、E-5比較過,最後都係揀D7000,唔係話其餘個兩部機唔好,而係試過幾部機都係D7000啱我啲,買之前係度睇唔少用家心得,亦係好多討論區扒過文,發覺啲人對呢部機好兩極化,唔鍾意嘅人踩到一文不值,鍾意嘅人捧到上天,我覺得呢部機唔算係最好,但都值80分以上,而且可能我係比較遲買,之前講嘅問題我都無,又有啲ching話部機立體感同色水差過D90,我都試過D90,色水真係唔覺有大分別,至於立體感都好OK喎,唔通要同3D相機比?重有想講泰國制就唔好?以前啲外國機/鏡轉做日本制時,又話日本制唔好,到而家個個習慣晒日本貨,轉個產地又話一定唔好,其實唔明啲ching玩攝影,係為興趣定為產地嘅呢?