Canon PowerShot A2200

輕, 薄
操作反應快
便宜
規格吸引: Canon 品牌, 1400 萬像素, 720P 錄影, 另有許多拍攝特效
色彩艷麗
閃燈輸出準確

室內, 不夠光時照片, 拍 video 質素大幅下降, 一定要開閃燈
沒光學防震, 室內難以拍到清晰照片
個 Mon 超光, 已經較到最暗, 睇相時都係爆晒, 放落電腦睇發現曝光係正常

新機都係幾佰元, 已經交足功課, 大白天snap shot 真係無問題.

部機買比老婆在家影細路, 影十張有九張半手震, (唔開閃燈) 影到佢無曬心機, 劈埋一邊. 以前佢用部Fuji F70 EXR, 十張有7-8 張都用得, 膚色仲靚到不得了. 之後又試過 Sony 既HX 5V, 整鬼影出來D相D色淡過水喉水, 衰過我擺左十年D菲林相, 仲要衰到無得係設定到加色, 係背照式CMOS 既特性? 大嘆新不如舊, 比D花巧功能吸引.

室內拍照時, 比富士的 super CCD EXR 秒殺, Canon 真係輸到影到無. 結果無奈地買番兩年前出既 Fuji F70 EXR.. 你唔好話越級挑戰, 宜家兩部機, 係新機, 相差唔過$150.

買番部 F70 之後, 即時醫番好老婆D 柏金遜.

如果主要白天影相, 晚上影相會落腳架或開閃, keep 住用 iso 400 以下都值得推薦.

輕，全自動，價錢便宜，外形亦一點也不失禮。

照片質素一般(可能為防止震動，自動設定常以高iso拍攝)；對焦反應普通，長焦端較慢；快門按鍵稍偏左，若能設計近右邊多一點，會更舒適。

買嚟送俾老人家，玩咗一日，感覺非常好。付出只需約$1180，沒有甚麼大投訴了!
個人感覺：不適合作為對影像有要求的人之隨身機。