1.機身接近PEN系前身菲林機外型，復古味濃，型仔。

2.Art Filters玩味十足，唔使後製都可以令一啲平凡嘅相變得不平凡，而且處理速度係PEN系現時最快，好流暢，不過濾鏡嘅相片質素始終比直出嘅相差啲。

3.按鈕自由度高，操控介面同個仿單反介面操作一流，啱哂我呢啲影張相要Set呢樣Set嗰樣嘅人。觸碰對焦方法正過GF-2系，有得選擇掂一掂就幫你自動對焦仲影埋相，又或者幫你對焦，你自己按快門，啱埋嗰啲話影相只係識得按一個掣嘅人，睇相好似IPhone咁掃掃吓就得，觸碰好靈敏，超抵讚。

4.個True Image VI 處理器行Dual Channel，整體運算速度明快過EPL-2好多，對焦嗰陣同Save相時唔再有Delay嘅情況出現。

5.最緊要一點就係之前EPL-2有嘅佛光問題已經徹底解決咗，對住太陽影，啲相唔使再見到神蹟咁嘅效果，影逆光相都唔驚。

6.PEN機嘅色系靚過GF機，影人有立體感啲，之前擔心佢影人啲皮膚色會深過GF，依家發覺微調之後，總算可以接近GF嘅白白滑滑,而且人面對焦同眼部對焦比GF-1準確。

1.如果冇咗支Kit，對焦根本冇佢講到全球最快，尤其光線不足同冇開補助燈情況之下，好大機會迷焦，甚至對唔到焦，佢自己支Kit鏡都係咁情況。GF-1日頭對焦同夜晚對焦絕對唔輸蝕得過佢好多。

2.高ISO網上大部份人啲人話接受到1600，但我要求唔高都只係接受到ISO800，ISO1000打後暗位開始唔掂，但細節保留仲算OK，ISO1600 打後偏色問題開始唔輕，除咗黑色。好彩配合14mm F2.5大光圈同機身防震，夜晚ISO800都勉強叫達到安全快門，冇咁易手震，算係比GF-1優勝。其實M4/3塊感光原件Size就係咁，同單反塊感光始終有一定距離，相信以依家嘅技術，任何廠牌都好難突破到高ISO會有幾掂，況且相機鬥高ISO冇乜意思，啲相唔會靚得去邊！

3.白平衡比網上啲人嚇一嚇，講到唔準得好嚴重，初時試咗都覺得連AWB同所有白平衡都冇個準，吓吓要自訂。後來試真啲先知原來係個Mon搞鬼，Set咗之後再微調，雖然冇單反咁準，但已經可以接受，因為GF-1都唔係準。

4.除咗手動鏡，M4/3鏡頭組選擇少得來，質素唔係支支好得來，價錢仲要唔平，性價比同質素冇單反鏡頭咁高。EP-3比GF-1優勝就只係用手動鏡時有機身防震。

始終EP-3算係一部高階嘅M4/3機，係一定要有返咁上下水準，但真係冇佢宣傳講得咁勁，我諗P記G-3嘅性能應該同佢有得鬥，暗位對焦表現應該仲好啲。不過，M4/3機畫質始終係取代唔到單反，尤其係高ISO堪用值。 但作為一部輕便嘅隨身機，EP-3已經足夠有餘。如果第時GF系傳聞嘅高階後繼機真係出現，又有齊操控，濾鏡，性能，近似GF-1嘅型仔機身(呢個機會都幾微)，我先會考慮換機，如果是但一樣冇的話，我諗部EP-3會好似部GF-1咁一直用落去。

好多Ching都有講, 不詳談. 主要欣賞 :

1) Touch Mon Focus
2) 電, 套等配件能共用之前幾代
3) 有外閃位
4) 定位 "Man"
5) Kit len Focus 超快
6) 玩手動更正!!
7) firmware 快左又方便左好多

我覺得 .............. 係冇乜, 因Ep1已好正, EPL2太膠就放左, EP3 補$ 就upgrade埋.

Load 乜, 對焦乜都快, EP1 & EPL2 都有大距離, 用大奶手指對焦更得心應手, 黑暗中有些曙光. 手感同EP1差不多, 好Classic. ISO高好好用, 值得推介.

終於有閃燈! 部機同支新kit鏡加埋對焦好快, 輕觸mon好玩, mon像數比ep1高好多班!夜影都無咩雖度, 絕對可一機走天涯, 配埋支14-150天涯鏡應該會更好!

貴~~~~~7千幾蚊可以買好多入門DLSR 如 600D, 另外Art Filter 模式一如以往~慢, 有等如無

之前用開EP1, 礙於無閃燈同對焦頗慢玩左一陣就放左, 今次再次重投EP3懷抱發現真的無買錯, 各方面功能都大幅改善!個人覺得對焦與DLSR無咩分別, 甚至有超越既感覺, 有賴於双cpu之功勞, 總之對想入門M4/3以至心大心細想入手此機之人絕對強烈推介!

1. 對焦速度終於追到單反，好野！
2. Touch MON 一用愛上，隻手指放開前已經影咗，靈敏度高
3. 人眼對焦幾好用，但唔係成日準
4. 雙轉盤真係好方便，入門級單反都無
5. ISO1250以下滑淨，ISO 3200 勉強可用，平衡到 保留細節與減少雜訊
6. 有對焦燈 (其實唔值得標榜，但OM 出咁多部 PEN 都無，佢今次終於肯屈就算係咁。)
7. 今次勁玩 Art filter，好多花巧野，大部份AF 可以左溝右溝
8. 銀色機配配銀色鏡，仲有枝 12 F2、45 F1.8 外型殺食
9. 拍片 終於肯用1080 既 AVCHD，放棄咗大食既AVI

1. 貴，若唔需要 touch MON 既話可等 EPL3 或 EPM1
2 追焦依然麻麻，影運動既請用返大機
3. 果兩粒 Function keys 點解唔比我SET ISO, WB? 搞到我要SET 係個十字掣，扣分！
4. 點解內閃唔用返 E-PL1 果個設計，無得打天花

用咗OM 單反幾年，亦有用開 EPL1，一向都鍾意 OM 直出JPEG 既色，KIT 鏡影人眼睫毛都sharp，操作介面一目了然 ( 提提新用家 super control menu 唔係預設，要入 menu 開返 )。
但OM 開始學其他大廠逐樣計錢，以前就乜都送，而家遮光罩、鏡袋都要收錢，9-18個遮光罩三舊水已經算貴，枝 12 F2 個遮光罩夠胆開價八百幾，用咗識飛咩？

正常光線下對焦很快,陰暗時會變差..失誤情況不多.非常好.
測光可以改為鎖焦後繼續測光,比較實用.
手動對焦不錯.
ISO640在多數光暗不同環境質素也屬可以接受水平.
手指定焦/拍攝非常好用
畫質比預期更好.

定價太貴(不過買左唔想佢跌太多)
kit 鏡光圈大一級就非常好.
有些情況光線太暗,ISO400也不能令人接受.唔知係米所有數碼機都係咁?
拍攝全景功能竟然要在電腦後製,,而不是機身為你搞掂...
沒有用開 om 機, 感覺menu有些怪..
KIT LENS 拆鏡蓋有些不夠就手..有關 lens lock 更是奇怪設計.

室內1/20慢快門夾 RC 閃光有些怪..可能未識用.
我個人長set iso auto 最高 640 ,暫時只有少量相片感覺不良.
kit lens 畫質比預期更好.

kit lens 下長set auto iso 640,操作對比 xz1 的 1.8-2.5 情況更好,因於對焦快很多,時滯短. 測光幾準.白平衡可接受,買左會有得心應手之感.

對焦快,好快,好易用
畫質唔錯
拍片放便

重左小小,貴左小小
閃可以好小小

此機對焦快,好快,好易用,10~70歲都合用

對焦好快
art filter多左更可以crossover
touch mon影相
加左補光燈唔會夜盲
kit len對焦超快,又夠靜

無得扭mon
十分貴!

夠光環境對焦好快,個人覺得比入門單反更快,art filter多左更可以crossover,玩味十足.
touch mon影相別有感受.加左補光燈唔會夜盲.外型有金屬感,手感十足.kit len對焦超快,又夠靜,拍片唔怕拍埋鏡頭齒輪聲.除左無得扭mon之外olympus呢三部機功能最齊全最靚仔都係呢部,不過亦都係最貴!!!唔想拎大大部單反去旅行但對影相又有要求價錢自己受到既話呢部機現時來講十分不錯!!!