真係好輕便
EVF與現時機身同級，曝光色準奇高
CMOS與現時機身同級
特殊三轉盤系統Sony APS-C僅此一部
外國討論區公認手感最好的Sony無反

沒有wi-fi
低光環境對焦性能原始
沒有PDAF
如果顯示屏可以360度旋轉就會更好
拍片用新款嘅機身較好

由於太多人跳船，手痕的我就入咗會Sony APS-C E-mount。

入咗會年幾，都有試過玩唔同既sony無反機身，由最原始嘅nex-3，到較近期嘅a6000。今日想特別寫呢一篇用家心得，想分享下用過呢部nex7的一啲個人體驗。

雖然sony已經放棄咗呢條line，但係不得不講nex7係我呢一年間入咗會用得最頻密嘅一部相機機身。雖然sony無反相機系統嘅menu系統為人詬病，但係Nex7 的特殊三轉盤系統以及多個自訂的custom buttons，某程度上剋服了相機主要功能菜單難以使用呢個問題。反正常用嘅設定擺曬喺功能鍵，基本上主要菜單都唔使開咁濟。

雖然係sony比較早期嘅無反相機，但係nex-7用想旗艦A99 DSLR 的感光元件，所以影出嚟嘅相細節確實好高，顏色亦都相當討好。唯一衰在AF技術年代久遠，低光環境對焦緩慢同埋會失焦。

如果你問我今時今日食唔食得去買呢部機自用，我會話而家二手市場嘅價錢，確實已經回落咗好多，買完返嚟都唔會肉痛。我諗最需要考慮嘅因素係，你攞呢部機係攞嚟影相定係拍片，如果係淨係攞嚟影相，呢部機到今日而言，依然係一部relevant 嘅無反相機。但如果需要拍片，我就唔會建議用呢部機啦。

高解像度嘅EVF，亦都係呢部機嘅賣點，佢係用相二百多萬高像素EVF，與現時嘅sony aps-c無反機身用嘅同級，對構圖非常有幫助。除此之外用EVF影相色準、曝光準高。減少後製retouch嘅時間。

唔該sony聽取各位用家嘅意見快啲出多條A7000 line，畀啲真心想影相嘅用家可以有最好嘅aps-c快樂攝影體驗。

外型好像數高,
堅固而輕巧
雙轉盤操控一流
單次對焦OK快
全景模式

對焦單點大,不時對左後景.
追焦廢.....
取景螢幕,機身螢幕色差超大,微調唔到
不能機身接電子快門線
E 鏡,無焦尺.

一路走過NEX F3,NEX 7,NEX6.最欣賞都係7仔''
,ISO 我覺得已經好好,平時少用高ISO,
最愛佢既雙轉盤手惑超滑,相比A7既轉盤就一卡一卡咁小弟不喜歡.
畫質真係好好,好銳利D自動APSC 鏡太差....一係荼仔太貴,可唔可以出D中價呀老友....,
有一點令人無奈既,肉眼同個取景器睇到既紫紅漸變,影出黎點降變左得反深淺紫...
取景器既紫紅色係感光原件傳去,咁姐係感光原件有能力計到紫紅色?點解影出黎無?電腦睇無?我部電腦顯示唔到??....
在要求色真...去SIGMA 機,所以轉DPM.

最差都係個追焦有等於無......呢個係我放既原因.

雖然講左佢既唔好野,但佢既便利,同巧能對得住佢既價錢定位.

1）對焦快（接近單反）
2）感光原素大（接近單反）
3）像素高。
4）操作和功能接近單反。
5）有全景 和夜景免腳架模式。

1）連拍速度慢，好彩有個速度連拍（優點）摸式，挽回失分。
2） 貴。
3）LCD 芒只有上下升降，不能轉向左右方向。
4) 容易誤觸錄影制。
5）電池很快耗掉。

1）加 Sony Alpha Len +EA2 mount 會很重和長，不如用單反，始終不能取代單反地位。(本人用開A77)
2）暫時廠方未有高質變焦餅鏡，始終不覺輕便。(本人也有用pan 記GF)
3）期望廠方推出高質和變焦E鏡發揮相機真正相片質素。

金屬機身,輕巧設計
質感與手感都"好Sony "
2430 萬像素 APS-C Exmor CMOS
色水都ok,,有待學習
控雜訊強,ISO3200可用
內置EVF同閃燈
閃燈可以向上跳....10個like
10FPS 連拍
3吋多角度 LCD
HDR MODE
玩具相機MODE
一掃全景MODE
HD Video
Kit set跟Made in Japan 黑色型仔18-55mm
機身Made in Thailand,好funny,haahaha,,
Thai仔Thai妹.勁like haha
好想帶佢地返出生地:p

貴$10990. kit set
晚上的白平行麻麻WOR
測光好似偏暗,要+1先ok
錄影個格式,錄完條片在電腦play不了-.-
錄影個制太就手,,好易比我按到
電量一般,去旅行帶多舊
相機帶太幼,咩得好痛
用左EVF個眼罩,會激凸....咩上頸到則埋一面
唔用d眼睫毛又會high到個EVF

卦相機帶個扣,點解加多金屬三角扣?
容易D整花部機?
成日好怕個扣爛...好唔Safety
二月尾在百記以$10990買入,除了MON貼,乜都冇送,WHY?
系百記試機時,一打開個盒"哇~好x臭呀"
系咪我部有問題@@?

總括黎講SONY NEX-7都幾好

影象質素同大機分別真係無乜,只係對焦速度如果可以更快就更好
可用外接大燈!!!!!

電力持航力一般~

由NIKON大機轉會到SONY NEX系列
好滿意SONY的畫質和色彩
我不是專業用家,但我都好鍾意攝影
之前拎大機,初初真係好有心機去到邊拎到邊
但......真係好辛苦,更加大大減低了對攝影的興趣
久而久之 部D7000放多過用,最後一次過放晒手頭上的鏡機燈
但我知道我不能夠接受細機的質素
所以放左之後就入手了NEX - 7
有買貴..無買錯!!!

1) 5N個ISO雜訊處理, 以聞相RAW (ARW) @100%來計,ISO800可用, 而NEX7的ISO800係勉強可用, 始終像素密度太高。
用電腦lcd mon 睇NEX7影既相ISO800勉強可用, 夠光的相片曬4r/12r iso1600可用。
2) 透過內置電子觀景器用peaking 對焦比起用lcd +peaking 對焦 快好多, 易對焦好多, 易中焦好多。呢個係一個屈機既組合, 係昏暗既環境下用大光圈時, 你用7D+AF來對焦都無佢咁準,咁快。 曾經考慮用M9或EPSON, 但我常用大光圈, 傳統疊影係好難對焦, 又無得好似DIGITAL 咁可以放大畫面來對焦。咁好既EVF, 真係要向MINOLTA致敬。
3) 起初唔為意個內置evf 有用, 一直用開lcd, live view 來影, 但用live view 影相其實都係"近乎盲拍"無異。
有時候用lcd live view取景容易令本來完美既構圖出現缺憾, 例如張相多左個路人甲、多左個垃圾埇, 又例如個主角頭頂未完全入鏡, 被裁去。
多左個evf, 可以令你專心係一個小框框內構圖, 避免以上事情發生。 呢一點真係唔可以唔讚minolta。
4) 機輕, 機動性強, 出勤率為100%。機配高質M鏡的重量比一部DSLR淨機要輕及細。
5) 一個萬能插蘇, 基本上咩鏡都可以插上去。只要設定合當,使用合當, 可以玩出舊鏡原有既味道/風格。
6) 色準, 紅色好似無nex5/5n 咁鮮/過度飽和。 但對我來說紅色仍然突兀。
7) 操控性/手感及整體使用感(特別是配m鏡/細鏡),非5/5n, dslr 可比。
有人介定佢係dslr同dc/ prosumer之間既產物;而我介定佢係一部平價m8/m9, 電子rangefinder。
8) 配置強, 加個lea 2, 可以打wide12mm (sigma 8-16), 打tele (sony 500 f8 reflex)
9) 內置閃方便。有熱靴可加外閃。
10) 外形比5/5N靚仔, 屬於100%電子時代既產物。當然無M機, EPSON機咁型, 咁經典, 始終係機電合一比較經典。
11) 用M鏡加神力環又係一個屈機既組合。雖然M鏡近攝時散景多數醜陋, 但總會有用得著既時候。近攝+24MP, RICOH同M43係比唔到你既。
12) Tilt Mon, 可高抄低抄, 腰平取景。
13) 多自定鍵, 拍攝設定時非常方便。

1) 耗電勁。比5同5n去得快好多, 比canon dslr 去得更快。但用慣左就可以接受。帶多舊電就可以解決。
2) 24mp食memory, 用得佢影raw (arw) 要預買多一個harddisc來專門save相用。
3) 無1/8000, ISO50。係呢個價位上, NEX7係缺少了呢樣。好似比SONY"偷"左。
對於我呢D低手, 下下日光日白都要濫用大光圈,挑戰支鏡既極限來影相時, 呢兩個選項的確好緊要。你唔比1/8000我都唔緊要, 起碼要有ISO50,25。
4) EVF 顏色光暗怪怪的, 很易同LCD顯示的混淆。有時候唔知信邊個好。
5) 呢個價位無SSS, 點解唔加埋MINOLTA呢個偉大發明呢? 可能係相機尺寸問題, 唔容許SONY 加SSS。有就真係屈機啦。某D情況下係可以用SSS來代替高ISO, 畫質想唔靚都幾難。
6) 機身物料易花、易脫漆、易撞凹, 若改用DSLR 的工程塑料手感及耐用度可能會更好。不過部機咁精密, 的確需要金屬機身來方便散熱。或者用先進D既金屬上色技術來代替噴塗上色。
7) 唔知係新SOFTWARE 問題定係24MP 太大食RAM(我用8G RAM), 用SONY自家的SOFTWARE 來執相非常慢, NEX5/5N既相反易無事。定係部腦要行SSD? 已經買多左個HARDDISC專門用來儲NEX7影既相, 真係1闊3大。
8) 最好有WIFI 可以SHARE 比手機, 有時總會想用靚機影相而即時擺上FB威下。
9) 一部靚機欠一支自家的好鏡。 E24 成像雖好, 但對我黎講係"太大"件。SONY 可以考慮一下同ZEISS出一組帶AF功能, 光圈/鏡身尺寸同FUJI XPRO 係差不多定焦鏡群。有需要補返兩支35/1.4 18/2.0。
10) 廣角限制1:紅閘問題未解決。若一早解決左的話, 支E24咪唔駛咁大支LOR, 人地支18/2起碼細左一個碼先啦。
11) 廣角限制2: 唔係FF唔緊要, 起碼要出一支8MM非魚眼廣角定焦(轉換為12MM)。
12) 用EVF時, 隻眼要隊到好埋, 好正中先至有畫面。使用上比DSLR OVF差少少。
13) 無類似CANON 既DDP咁好既軟件支援後製。亦唔可以使用用家自己編程的風格檔。

NEX 系統的確好有誠意。以前我用CANON 40D, 一直用無UPGRADE部機, 因CANON 每次出新款都係小改款, 逐小逐小改善, 未能吸引我去UPGRADE。到我用了NEX5,其實已經好夠用, 只是貪NEX5N雜訊有明顯改善,有TOUCH SCREEN 先至UPGRADE 上去。及後又貪NEX7 像素高, 內置EVF, 熱靴,又再UPGRADE。

NEX7 可以說係一部先進電子化的LEICA M8, 個內置EVF 配手動鏡會比你用緊RANGEFINDER既感覺, 但肉眼用EVF對焦是非常方便及易中焦。 如果唔係要影快速的運動, 一般用PEAKING 來對焦, 只會比AF慢DD。

NEX7 係一部好有誠意既相機。你可以當佢係一部電子版既rangefinder。
何為電子版既rangefinder? Leica M8/M9 , EPSON R-D1係一部有數碼機背的"機械相機/rangefinder, 係識攝影既人先至可以駕馭;
而NEX7係一部精密的電子rangefinder, 佢既電子設定加上手動定焦舊鏡可以輕易輔助你拍攝好的相片, 基本上只需專注構圖便可。再者呢部電子rangefinder 可以幫你拍高清短片。

輕巧方便，雜訊控制唔錯，用到iso1600都無問題!三個轉盤幾好用，部機嘅外形唔錯幾靚仔!24 1.8蔡司鏡真係好正！

電量好差，好快冇電!觀景器好麻煩，隻眼離開小小就會跳返去LCD度，如果靜係用觀景器取景又會睇唔度D相!D鏡頭支支都話冇貨好難買!

玩攝影有十年啦，大機dc都玩過，單鏡機質數好但係好重，帶一機三鏡出去影相好辛苦，由其係冇左早年果種狂熱，個人一辛苦就冇咩心機影；用DC就輕巧方便,但係質數就比較差，雜訊太多!而呢部nex 7 總算取得—個平衡，影像質數好，機身又保持輕巧，啱哂我呢D懶人用。我自己非常滿意呢部機，嚟近去旅行都係帶佢輕裝出發！

高像素2470萬~
金屬機身,超輕巧~
控雜訊強,ISO3200可用~
內置EVF同閃燈,不雖後加~
對焦同快門速度超快,連拍感覺超好~

電池超食電,冇開閃光燈情況下平均影兩三張相,已冇1%電量!
無反APC機,所有鏡頭要X1.5,如果係FF就good喇!
價錢貴,$10990(18-55mm kit set套裝)

本身用開Canon 5D2,每次出去影相都好似擔泥咁~用單反影相雖然有一定質素,但係重量乘正比~完全失去攝影樂趣!!!
無反機仔,機細輕巧,有單反質素~就算帶多一兩支鏡頭出街或旅行都唔覺重!
介面方便易用,就算唔識影相既朋友(我老婆),都輕易影到靚相~haha...

- 外形一流, 金屬機身流露專業的感覺.

- 機身輕巧, 質感與手感都比其它無反機種都要好~

- 內置電子觀景器、閃光燈、亦可外接閃光燈及收音咪.

- 操控靈活, 提供三轉盤及多用途按鍵, 全部設計於右手位置, 使用時很順暢.

- 個Mon OK靚, 可調節角度, 放便進行高抄/ 低抄拍攝~

- 個輔助對焦燈.. 簡直係強光…

- 電子觀景器高解像(低光環境除外..), 所有設定都可以一目了然~

- 成像高、雜訊控制得非常好~ ISO1600依然高清~之後逐級開始輕微失真~ ISO6400 雜訊未算多~就算最差的ISO16000放大圖片後, 雖然有明顯失真, 但效果尚算滿意.(而且內有消除雜訊功能)

- 電子觀景器及顯示屏會自動切換, 同時也可以設定其中一樣關閉~ (一般會選擇關觀景器.. 因為觀景器比顯示屏浪費電能...)

- 無反兩大缺點.. 舊電冇單反咁耐用…And換鏡時要特別小心塊感光元件外露所引致的風險…

- 如果唔加轉接環, 可用的鏡頭選擇超少…

- 用SEL 18200 天涯鏡~會頭重尾輕.. 如果左手唔托鏡, 隻右手會好快感到累..

- 鏡身長會遮掩輔助對焦燈, 使之發揮不了應有功用..

- 不能用快門線, 就不能用計時快門線拍攝"星軌"~

- 電子觀景器的sense 存在一個Bug..

昨晚, 二手買入一部NEX-7 body, 之後一手買入一支SEL 18200天涯鏡, 另外又買左一個可調較光圈的EOS-NEX 轉接環(本人玩開Canon 單反, 等極C記都唔肯出無反.. 唯有買這部期待而久的無反玩啦~^.^)

返到屋企就開始起勢咁試部機(好彩賣家幫我叉足電..)

在快門掣旁邊的功能鍵, 可快速切換N 種選項~ 非常方便~ 又改左個右鍵作為選擇對焦點~ 之後在設定部分, 開左輔助補光燈功能、消除雜訊功能調至(中), 個輔助補光燈係紅光.. 比起我部7D.. 真係強太多了.. 不過當我Zoom 長支天涯鏡.. 就會遮掩部份紅光.. 引致很難對焦.. 要我出術先對到焦…= ="

我買轉接環~主要是為了用原有的Canon Mount魚眼鏡同微距鏡~ 前者影風景, 基本上把對焦環較作無限遠就OK~唔洗煩; 後者~玩微距用手動本來就係經常發生的事~

一直玩~就發覺部機真係勁食電~ 所以把省電功能調至10秒關Mon~以及關閉電子觀景器, 就係咁.. 被我發現一個大Bug…
"關閉電子觀景器後, 其sense..卻會繼續運作."

嗱!! 假如我用餅鏡~ 把相機掛在頸上, 放下唔用的時候, 觀景器會貼住我心口.. 個Mon 就算十秒冇動作都係唔會關閉的..
同樣道理~等十秒讓個Mon 熄掉~ 一遮個sense 會即時幫你開Mon.. (我頂.....)

如果選擇只開觀景器.. 關閉顯示屏, 個電子觀景器.. 係永遠唔會自動關閉的… 持續耗電…
玩到我有D 火火地...~

好!! 今日就走左去Sony專門店去問.. 原來班sales都唔知有這個Bug.. , 要匯報公司.. 有待改善…

這真係一大敗筆~

Picture quality
Iso - ok performance - cannot compare to 5 d 3 or even 2 but. Still away batter than nex5

Internal flash is blocked by 18-200
A bit expensive

用了差不多一個月。
-重量其實唔太重。
-畫質唔差。
-反應快。
-對焦ok -支鏡要配合。
-加adaptor - 多鏡用