Fujifilm X10

評測報告

實拍照片

平（我係網上買二手嘅 盛惠900大元）
復古外型靚仔
輕巧 方便帶去旅行
對焦快而準
機身按鈕多而方便
拍片收音ok

Viewfinder有啲廢（比凸出黎嘅鏡頭遮左少少 唔知大家有無呢個問題）
影完睇相有時會讀取錯誤（可能係上手整壞左）

我本身用開canon eos m第一代無反機 略嫌機身實體制太少 下下都要係touch mon到較唔太方便 所以入手左呢部dc 一用已經愛不釋手 拎周圍去都唔會覺得重/亞位（特別上飛機要手提）對於我呢種非專業級 snapshot為主嘅學生已經非常夠用 拍片方面 如果係錄下生活點滴 x10完全過到關

- 手動變焦
- 快開快閂
- 色水好靚
- 雜訊壓抑良好
- 閃光白平衡準確自然
- 帶出黎有種專業既或文青氣質；雅而不浮。
- 大Sensor大光圈，輕鬆有景深，甚至可用Adv.模式加以凸顯。
- 相機有多種配件可用，有升級的能力。
- x2的數碼變焦並無使相片質素大幅下降，且可一按即用，非常實用。

- 光學View Finder，但未如x20顯示相機信息，邊用邊睇LCD，有等於無。
- 食電快，一日兩電先至夠用。
- 雖光圈細至F11，但無內置ND Filter
- 無得扭及反Mon
- RAW相質素並無預期中好，甚至稍比JPG 差。

X10可謂一部代表文青生活文化既時尚科技。它的出現使Digital Compact攝影經歷出現了革命性新體驗。從前，手動變焦只是無反與單反的專利，要玩曝光變焦，對焦距作微調幾乎是不可能的。如今，X10的出現使漸漸被人看淡的prosumer相機市場再現新生！

2/3大 sensor， F2.0 -2.8大光圈，全手動變焦，是X10的大賣點。

與XF1不同的是，X10並非一隻只有高配置同埋時尚外殼的「紙老虎」。實戰表現來講，X10可能是用上較高檔的的非球面變焦鏡頭及影像處理晶片，所以儘管與XF 1同用 2/3 CMOS sensor，X10仍有明顯較高的解像度。

淺景深，完美的人像可謂是Prosumer機的靈魂，近端的F2.0可能不算出色，但遠端的F2.8配上大sensor，於人影攝影倒是恰到好處。假如想再進一步，可使用進階模式 (Adv.)的人像模式，此時相機會拍攝三張對焦不同的相片去合成淺景深，使效果更明顯之餘又來得自然。

整體來講，X10可謂是DC界的一項大突破。在功能上，X10擁有比一般Prosumer DC面積大 15%的Sensor，且可以手動變焦，使不想升級去無反機或單反的用家擁有更輕便及經濟的選擇。在外表上，X10有一股文藝氣息，非常適合最近的文青運動。將懷舊融合科技，X10可謂這些年來最使人心動的一部相機。

但是講到缺點，X10也有很多值得改善的地方。
首先，由於無內置ND，日光攝影只能透過縮細光圈去避免過度曝光，但咁樣變相放棄了景深控制。

其次，X10的用電量算是甚高。所以如需長時間使用，最好帶多粒電池防身。

最後，X10的OVF得物無所用，因為入面沒有對焦指示及信息，變相用家影相時成日要在OVF與LCD間切換，非常唔方便。而在極端光線環境下，用戶只能透過觀景器，憑感覺影相，因為這時連LCD你也睇唔清楚了。

如果X10有得調節LCD Mon角度或反轉，在極端角度的可用性就會大大提高。

影相set up 方便，常用功能好快set到，有個fn自定同ev轉輪
f2,焦段實用，機身發熱比nex5低
做功唔錯mij
白平衡幾準
有觀景器，陽光下一定有用
第一代產品firmware有更新，好感動

影黑白好容爆死白，對比冇grd咁有fu. 可能我未set好
機身細，長時間揸隻手好累
一定要開動態，我想關左佢點解唔得
用mf 對焦好煩，有時想刻意影大光圈失焦
高ISO 都係差點

隨身機黎講細細部，外型討好
行山，旅行日頭都夠用。 如果係apsc當然更好，， ISO 都係差小小 夜景再用tel，，都係唔洗影啦

冇相機係完美，最近旅行都想輕鬆d， 感受當下

金屬機身
色水豐富
唔算大部, 拎出街好方便
自訂設定多
平!

如果有埋銀色就好
viewfinder比實際相片尺寸細
對焦慢
部機反應比較慢, 但可接受

而家個價好抵, 出左x20, x10個價行貨都係$3000頭, 水貨更低.
整體色水一貫富士色彩, 仲有唔同軟片模擬, 加上銳利度, 光位同暗位銳利度, 整體色彩高低都有得較, 最後白平衡偏移較岩自己想要既色彩同感覺, 影像質素可比美入門單反.
小弟無點用相機拍片, 拍片質素留比其他朋友講;
鏡頭焦距夠用, 影風景或人像或花都輕易掌握到. 唯一不足係對焦慢, 特別係暗位對焦經常對唔到, 影動物或快速移動物件會比較難.
影像質素以呢個價錢已經好好, 加上復古既設計, 金屬機架, 好有質感; 整體最大缺點係慢, 睇返相都要按完制等半秒到, 有時以為佢sense唔到, 按多一下.

最後, 夏天就到了, 如果下下拎部單反出門, 好重, 影到出哂汗, 自己一個去就ok, 同朋友, 或無野做時出去行下周圍影下, X10絕對係不二之選.

外觀好
操作更極
造工一流
對焦唔算慢
輕便
成像色彩吸引
功能全面

可用ISO低
觀景無數據，無對焦提示

買機前的背景：
我從Pentax kx開始玩攝影，用過K5，之後換左Nikon D700，最後都係投入Canon既懷抱，到宜家一直用緊5DII。大機既局限性係體積，所以就想入一部隨身備用既細機，但前題是要可操作性高。當時選擇有Nikon J1， V1，Sony NEX 5N，GF5，PEN系列。

決定買X10：
（1）真係最重要既一點－－－外觀
（2）旁軸相機，好有新鮮感，讓我很想帶出街影，體積又小
（3）Fujifilm既顏色我好鍾意
（4）畫質好，調較對於用慣單反既人來說很方便

用後感：
各方面的操作都很好，好少用到一部細機咁順手，ISO，快門，光圈，白平衡，相片風格等等都調得很方便！但係講真，我希望佢係一部APS-C機。機身做工好好，全金屬！對焦算OK快。

但係可能係我用慣左K5或FF機這類高ISO可用既機，真係好難接受X10既ISO推高過800，雖然有廣角有2.0光圈，但除了有太陽的地方，其他地方ISO就會好易需要推高，一推就死，夜晚更加係唔用腳架就唔駛影。我知道呢個SENSOR SIZE的X10已經做得好好，只怪原來我更希望有一部APS-C格式既輕便機，所以有少少後悔買左。雖然X10外觀真係好，但有幾次一返屋企睇相，我就唔想再用，因此都用少左好多。


講真，畫質唔係唔好，係LEE個SENSOR SIZE入裡真係做得好好，特別係顏色對比度等等，在白天光源足夠時都幾好用，用死ISO 100唔駛怕畫質唔好。

無需多講，外形，如果大部多少少更好
遠攝端光圈大，有2.8，防手震出色
開機快（但有9成ching話開機好慢，我真係R爆頭，1秒內開到機都慢？？）
對焦准，夜晚靠估用垃圾vf影都中焦
有超微距
好多不同的模式，玩味10足，適合新手，一玩就識

日頭用唔到1/4000秒
全開光圈，iso200-500，快門最慢只能8秒，640-800只能4秒，1000以上只能2秒，大佬，如果撞岩見到星星多，有銀河，我點影啊？
白碟症未解決，我部機係22n字頭
垃圾vf，又要威又要冇料到，冇任何資料顯示整俾我地做咩？
電池非常短命
如果係24mm就更加好
顯示屏差了一點點，畢竟部機都唔平
雜訊多，iso100日間都明顯，就算不放大100%

不過不失，用慣單反的人，不會感到有什麼驚喜~
對相片素質有要求的人直接買d3200 650d就得~因為價錢都接近