優點:
外型靚仔. 開機轉鏡特別型!
F2.0大光圈. 淺景深可以接受( DC黎講)
WB 好準. 長開AUTO 唔洗擔心.
用全自動EXR mode 影相, 所有光暗場景都調教好晒! 真係一部完美傻瓜機 (傻瓜機唔係部機傻, 係部機功能強大, 傻到識得用.)
超微距1cm. 影object 清, 但背景blur到乜都睇唔到. 好有feel!
缺點:
開機好慢. 第一次開機應該要5~6秒先影到相. 自動開熄機重開都要3~4秒. 真係snap shot 靚女走左佢都未開到機.
AF慢. 日頭白白都算接受到. 室內暗D就慘lor. AF馬達前前後後幾次先對到焦. D人笑到硬晒都未到對焦, 問你要未?! Fujifilm 好似部部AF都好慢. X100, X-PRO.
個OVF 應該係裝飾用既. 各位師兄唔好太介意. 當冇就冇事架啦!
電量唔夠. 200張唔到就冇電. 個提示唔準. 一直都Full 既, 下分鐘再睇已經閃閃冇電!
評價:
小弟一直用開DLSR, 影相快, 對焦準. 但係真係好唔方便, 太重太大舊. 結果出部prosumer DC X10 去旅行. 真係好正! 好方便! Snap shot, 影風影都好滿意. 機仔細細, 帶支細腳架去旅行不知幾方便. 合照冇問題! 見D人個個都單反掛係條頸到腰都唔直就知辛苦. 去旅行由朝行到晚真係累到想死! 我覺得X10好適合去旅行使用, 又有大光圈, 又有得ZOOM. 唔使換鏡. 值得推薦!