Nikon Coolpix P510

實拍照片

42倍鏡影旅行戶外風景簡直無敵，雖然Canon SX50 勁過佢，但試咗十幾廿次結果都係覺得Nikon 勝出，錦囊變焦快，但快門反應較慢，個人對Canon 始終有偏見，最可惜Panasonic 唔肯出高倍數，否則不作他想。鏡頭色彩還原度十分理想。係我部42吋plasma 睇到十分滿意。
部機好輕，防震亦合乎要求。始終42倍點好既防震都應該要放定部機或者落脚架，我就絕小帶脚架，只用一個小沙袋，效果經已好好。
有觀景器, 唔使好似傻仔咁睇住個 Mon , 又唔可以揸定部機.
戶外日間多用閃燈補光，燈光可調強減弱, 十分抵讚.
電量亦合理, 我習慣每次影完就関機, 原廠電可用足大半日, 但我習慣用燈補光. 舊電係我部用到爛咗既5200 同款, 所以個八年前既义電機又可以大派用場, (呢啲就係專業既定義, 唔會一味改產品去迫你使錢.) 粒八年舊電都重可以幫吓手. 連埋兩粒雜廠嘢, ( 一粒三年, 一啦買機送), 日日都夠用.
腳架孔係金屬, 專業.

觀景器設計上有問題, 我點調都睇唔清, 我知我老花又近視, 但用 Panasonic FX 18 就完全冇問題. 後來素性只用來做快速取景. 但又無損相片既質素.
唔可以直接上filter , 我係機械技術員就難唔到。將舊49mm filter 改咗上去，又冇破壞部機，不過開到24mm 就見黑角, 就當佢係特殊效果囉 : ) , 1B 係保護鏡。影景就一定落Polorizer .好多外國拍友都投訢相同問題，Nikon 呢次係令我失望既。
影片質素好好。但對焦唔穩定，一變焦就走焦，雖然加咗手動對焦係定焦拍片模式，始終係一個缺點。

呢部機初用就覺得缺點多多, 影咗二三千張才可以融洽相處. 可能珠玉在前, 部fx 18 實在太好.

部機未出我就一直有留意，自問用咗幾十年Nikon 對佢既信心冇動搖過，82年部FM 2到今日都仍然完全正常。有幾多廠可以做到？堆舊原庄鏡頭套上部D 3000可以毫無問題咁當係FM 2 全手動操作。專業既定義唔係由朝到晚揾個靚仔行來行去，猛話自己部產品係經典就得既。
之前(07年)買咗部Panasonic FX18一直用到而家，個人喜愛行山旅行睇風景，而家年紀大，機器壞，癌症雖然殺我唔死，但電療化療後行上山經已係好似登天咁，所以完全放棄兩機四鏡既方式，一部Panasonic FX18 Prosumer 仔，18倍既變焦，秋冬個個禮拜日, 日日都出動，影相無數，最鐘意佢係市面上唯一可以唔使adaptor 上46mm filter ,影風景冇偏光鏡就係浪費時間(以前就係蹝菲林). 等咗成年都唔見有意思出高倍數prosumer, 唯有轉番用nikon.
上個禮拜至自由行去完関西, 由大阪, 京都, 奈良, 神戶直到四國, 部機用到盡, 輕便經已可以戰勝一砌, 站在四國鳴門就可以影到淡路島的風力發電, 色靘影清, $2,980, 重有何求?
希望各位唔好買部三千蚊有找既機就同部三萬元既機比較，咁係代表你傻仔。始終買咗部機就應該深刻去了解佢，刨手冊係指定動作, 否則到部機報銷嗰陣都未識用, 每個模式都試清楚，而家影相經已唔使買菲林，重咁懶就唔好怪人，每件器材都有佢既極限。只有了解自己手上既工具, 才可以無往而不利. 而家基本上係冇傻瓜機, 只有唔肯了解攝影原理, 又唔肯同部相機溝通既, 至係真正既傻瓜.
自從用咗 prosumer 機, 我真係搵唔到個理由再帶部大機加幾支鏡長短火廣角去行山. 支 1000mm 影既相係個 42" monitor 度睇有乜嘢分別呢? 但孭住佢就真係邊度都唔想去啦.

麻雀雖小，五贜俱全，好可愛！

說明書太失敗，只著重功能介紹，而忽略使用方法！

自從相機喺呢十幾年間，開始改朝換代，婆婆就被逼跟住器材生產商，俾又牽著鼻子走，眼看手上積存下來嘅各式各樣器材，巳經一無是處，雖則話係科技進步，實覺係暴殄天物又兼唔環保！無奈！
基於上述原因，我今勻就學精咗！就係要買得最少，用要用得最多，唔想再重蹈覆轍。
所以就睇中咗呢隻 P510，細细隻，又靚靚仔仔，所以就揀咗隻酒紅色嘅，叫做都幾靚女咁！不過用咗一倫，發覺揸手呢吓嘢就好論盡，因為個機身又厚又窄，唔似得單反機咁可以托住碌炮，要博命咁揸實，隻手就會好攰，而家為有其指望加個手柄，或係小型腳架做把手，去解決此問題！其實論盡嘢重有好多，最唔好係部使用說明書，編排得雜亂無章，詞不達意，更有一些段落竞然會遗失，一些子功能又唔知屬功邊個阿媽生嘅，最難得係致電顧客服務部，問及可否上去陳列室請教一些用法，點知佢哋話最好就唔好嘞，最好係返學上佢哋嘅學習班，我話學習班無我呢隻形號嘅堂喎，佢話唔緊要，只要你登記咗先，遲得就為你開班架嘞！
真你俾面，為我而開班，真唔話得，不過唔知要等到幾時？
不如走返去相機舖，請教吓個售貨員，相信會方便利落得多！
我公司有個後生仔，佢好想送呢部嘢，俾佢女朋友做生日禮物，叫我俾啲意見佢，我話你攝影有幾多功力？講唔講得你女朋友明，你先睇吓本說明書，攪唔攪得佢掂，最後佢話諗過都係買部電話好啲！
其實呢部嘢，麻雀雖小，但五臟俱全，並唔係咁一無可取嘅，先前以為電池嘅續航力太弱，如今始知電池係可整片取出更換，閒時义定兩三塊，咁就一覺無憂，至於所得嘅短片與圖像，均覺優勝過官方上載過嘅圖片，經42吋電視觀賞，尢覺可愛，婆婆眼慢手慢，只能寫出擁有此機嘅第一印像，技術性嘅文章，有望各位補上！

1)24mm廣角夠實用(再闊反而明顯變形)，1000mm焦段驚人，運用2倍數碼變焦等於2000mm。
2)近拍細小的花蕊對焦都不易錯落在後方，更有1cm我最喜歡的近拍距離。
3)有了電子觀景器就不再怕陽光下拍攝的煩惱了，而且難得視野率達100%，比不少相機要好。
4)4級防震強勁，就算我這雙柏金遜手都沒甚問題。
5)影像處理出色，雖然感光元件只有1/2.3吋，但只要不是太暗，ISO1600屬於可接受；若場景模式有高速連拍 4合1，相片顯示ISO再高都會好靚。
6)上下可調校MON有利高低角度取景，但遠不及雙軸式 270度反MON好用，最起碼就不可以反個MON出來玩自拍，刁鑽角度拍攝就更不要說了，而且個 92萬像素MON比真實拍出來的相多數會靚一些，要懂一些執相技巧才可將照片變到個MON調至暗時那麼靚，相信是高倍變焦的幣處，針無兩頭利，又或是靚MON通病。
7)白平衡Auto1已經好準，我所拍攝的題材多不用調校；若100餘尺室內範圍用閃燈，改用Auto2帶暖色調可平衡閃燈對人面的死白影響，還要記得減閃燈輸出；但其他的白平衡則乏善足陳，既沒有色溫輸入，又沒有在其他白平衡有顏色偏向調校，更沒有可以在相片風格裡作RGB調校，想直接用相機玩有色濾鏡效果都不可以，少了一些創作空間，而我的EX1在色調上就有很大的創作空間了！
8)最值得讚賞的是一些場景模式，手持拍攝用P/S/A/M模式都不會拍得比它們好或好用，舉例如下：『博物館』按住快門連拍多張，相機會揀選對焦最理想的一張才作儲存。『夜景』輸入手持，相機會以高速連拍 4合1及作出消除雜訊處理。『風景』、『近拍』也可揀選雜訊消除連拍合拼，作用 跟『夜景』輸入手持一樣，拍出來的相片會理想很多。其他的場景模式有不少都很實用。
9)拍攝後可透過相機編輯，而濾鏡效果當中我最喜歡的是『保留特定色彩』及『十字鏡』，前者亦可在特殊效果模式中選取直接拍攝，可突出主體及增加藝術感，後者則令夜景燈光靚好多。

1)電池電量較聲稱可拍攝的張數為少，充電時間要 4.5小時，比較長，其間又不能使用相機，除非另購指定充電器，建議最好多購一舊原廠電池。
2)拍片每次最多只可拍 4G容量或 29分鐘，暫時未知若拍足規定 4G或 29分鐘後需要用多長時間處理才可繼續再拍，拍攝長時間表演節目時可謂人生交叉點，幾時運用暫停繼續連住拍尤如賭一舖。
3)橫副拍照時兩隻手的手指會容易互相觸碰，只適合指掌細小的人士使用，好彩我係。
4)簡易全景只適合用相機重播，放入電腦畫質會較差，甚或變形，範圍也縮細了一些，要影優質全景相始終都要用腳架、九宮格線作三分一移動及M模式拍攝，然後在電腦用軟體合拼才會靚。
5)長焦對焦慢而且容易失準，若對焦位稍暗更加對不到焦，手動對焦都未必一定可校準。
6)最值得批評的是若選用M模式，個MON不會依照你的設置條件如實顯示，對於喜歡用M模式拍黃昏或閃燈拍人景的我，感到非常不便，尤其黃昏，因為藍色夜空消失得很快，不可以浪費太多時間慢慢調校，這點必須要改善。

購買這部相機的主要原因是受到它的焦段及近拍能力所吸引，可彌補我部EX1焦段及近拍上的不足，但同時又各善勝長，所以去到哪裡拍照我都帶齊兩部機。購買它的條件係輕便、經濟、高可用性，它都做到了；場景模式有說明，適合新手使用，我就視它為購買單反前的練習機，順便可以探索一下擁有怎樣條件的單反及鏡頭才會值得我去花鉅資出手選購。
如閣下對本人所發表的劣作感興趣，請到
http://www.dcfever.com/photosharing/viewuser.php?id=428856

Nikon.
Good Price.
紅色有型, 銀色夠Cyber.
防震勁

其他人講了

http://www.dcfever.com/photosharing/view.php?id=1245612
P510 2000mm 的月光.手持夜景mode. 唔差.
新手本來想等Canon 650D + 18-135 stm. 但SLR Like也不差, 而且是Nikon, 還可玩打雀(不單打雀, 更可打飛機打月光). 價錢又不貴, 玩落對攝影有興趣才轉DSLR重好, 新手誠意推介.

Good price
light enough
very effective VR
Panarama is interesting
Many filters and special effect
Good range 24mm to 1000mm
Acceptable noise

Slow speed in tele
100% not clear enough
Focus sound will be recorded
Battery capacity is not enough 230 shots

24mm to 1000mm is amazing
Good for birding (under sufficient light)
Worth to keep
You can view my pictures of moon and venus

天涯鏡做得很出色，以三千元不夠價錢可以影到 1000mm，而焦點還非常清晰真是很難得。
防手震做得很好，在劇院用 auto 可影到滿意相片。
Auto 做得很出色，你可以不用費心而拍出多種場景。

最遠或近拍對焦慢

平時我是是用單鏡機，見它的鏡頭可以 24--1000mm，所以買來試下。買了三星期，主要是為這次旅行用。覺得它的性能很好，如果不是要求太高，完全可以一機走天涯。