Olympus OM-D E-M5

實拍照片

1.) 外型靚仔,尤其是黑色, 初初只看到銀色機時,會覺得有些老土, 但看過黑色機後就十分喜歡, (因以前最喜歡用的是黑色Nikon FM2), 又因為是DSLR款的設計, 當使用一些舊鏡或大支的長焦距鏡頭時, 機鏡配合起來也很好看及有平衡感. (後期因買多部銀機給女友, 用落後也發覺銀色機配銀色鏡也十分好看)
2.) 機身輕細, 可以日日帶出街.
3.) Kit set 防塵防水滴, 試過在下雨時影相,都無心理壓力,照影可也.
4.) Kit set 支鏡可玩度高,以Full Film計焦距是24-100mm, 焦距實用 , 功能上有Marco(86mm定焦), 有電動變焦for video, 有手動變焦(更可設定手對對焦時畫面自動放大), 有Funtion Key可自定功能等, 加上防塵防水滴,只是光圈相對較細,基本無投訴了!
5.) 高ISO 至3200都可用 (但我一般只會用到1600)
6.) 有扭mon功能 (對我來說, 其中一個十分重要的功能)
7.) Touch Mon 對焦拍攝十分好用, 又可以選對焦位置或選直接拍攝, 看相時可以像使用一般智能手機那樣,在放大相片時移動相片看,使用上十分直覺及方便.
8.) 對焦速度十分滿意, 試過幾支鏡都OK! (但用Panasonic 100-300mm 時偶有迷焦)
9.) 有EVF, 而且資料十分齊全, 在強烈日光下影相都無問題.
10.) 雙轉盤加Funtion Key, 十分好用, 可以改到完全合心水為止!
11.) 機身防震超強, 我用Kit 鏡,在廣角焦段都可以手持一秒曝光, 夜攝就算無大光圈鏡頭都影到好靚的相片.(不需用高ISO,也不需用防震鏡)
12.) 加轉接環後用其他品牌鏡時, 手動對焦時可設定放大畫面, 以方便精確對焦.
13.) 由於有機身防震, 配鏡時可更靈活, 例如用Panasonic 100-300mm可自行選用鏡身或機身防震.
14.) 拍片時因有機身防震, 令影像更隱定, 基本上配任何新舊鏡都可以拍到畫面隱定video.
15.) 即時曲線調較畫面的光暗對比, 可以較到合心水後才按快門(有些像photoshop 的Cruve 功能)
16.) Art Filter 種類及選項豐富, 例如可在人像特效選項中再加十字閃光效果, 又或是在某些特效加相框等.
17.) 內置編輯及處理相片功能十分有特色, 例如在相機內可以把兩三張相自行再重疊(不同多重曝光功能), 或再編輯色調等, 又可以自定相簿及做Slide show等.
18.) Live Bulb功能,可以一路曝光, 一路看曝光的效果變化, 如合心水就可馬上停止(最好用線控), 用B快門影相時, 曝光效果不用估估吓!

1.) 用電較快, 所以我set了預設只用EVF, 要按擊才轉用Mon Liveview.
2.) 扭Mon 角度不夠大, 如造到向前反可自拍就更好了.
3.) EVF 有些偏色問題, 尤其是低光下,較明顯. 另外和Mon之間切換時也過於敏感!
4.) 兩邊的扣較為凸出, 及有些頂手.
5.) 電池顯示不夠清楚及準確, (這方面sony做得較好)
6.) M4/3 系列中, 部份高質鏡頭價錢偏貴, 有些甚至毗美FF鏡頭的價錢
7.) 配件出貨量太少, 例如電池,直倒等, 令我要在外地旅行時, 在當地才買到電池.
8.) 閃光燈要另行安裝, 而且火力也比想像中弱, 有時影相會覺得光度不足
9.) ISO最低只有200, 這些當然是越低越好的
10.) 銀色機Kit set 不是配銀色鏡, 人家台灣那邊是有銀機銀鏡Kit set的
11.) 個人覺得要加直倒手位, 使用時才完美(不用加直倒電池部份), 另外直倒價錢較貴
12.) 因機身細, 有些按鍵安放的位置較緊逼,另外是部份按掣的行程較長, 反應不夠快
13.) Art Filter 如有更多選擇,當然會更好, 例如HDR組合, 單色相片Hightlight某隻顏色等
14.) 如有內置GPS就更好了(如往後能推出附件型式來加入GPS功能也可以!)
15.)快拍時, 連續對焦的能力較弱

另外,就是M4/3 本身的通病, 當拍攝要求有大光圈的相片時, 同等光圈的景深相比APSC顯得較深(其實好壞也是相對的, 例如拍攝風景, 微距, 及野外生態時, 景深較深反而有好處), 及相片使用高ISO拍攝時,原大100%看的質素較一般等. (可能自己用開FF,對相片原身直出的質素要求較高吧)

一直想找一部可以日日帶出街,及有一定質素的相機! 最後選了OM-D E-M5!
以下有些比較其他品牌的言論, 只是以我自己的需求及觀點出發! 其他品牌的使用者見諒!
本身用開Full Film DSLR, 全套裝備的重量,少說也有3-4KG.因為重量大, 通常都是專程影相,才會帶出街, 不能切合日常影相的需要! 自上年年尾開始,就想物色一部可日日帶出街,而操控及相片質素較好的相機. 最初開始時, 第一眼看上的是NEX 7, 單單上showroom及其他店舖試玩,都不下十數次! 也看了很多網站的介紹及sample photo等! 最後得出的結論是....都是等等先!

概括一下我的考慮因素:
優點方面: APSC CMOS景深可以做得較淺, 2400萬像素, 240萬像素EVF, 有扭Mon, 三轉輪控制, 可加轉接環用A mount鏡有AF, 加不同轉接環用到很多不同品牌的鏡群,而且對焦有peaking,用色彩來顯示合焦的地方十分好用, 內置閃燈等.
缺點方面: 和其他SONY DSLR相機不同, 無機身防震, 一定要用E mount的防震鏡,專用鏡群較少, 基本上除了一支餅鏡外, 支支鏡都幾粗大, size 細的優點, 不是想像中大, 無touch Mon, 樣子見人見智, 用原庒E mount個樣都OK, 但配其他大鏡時, 個樣唔靚及重量不平衡.

我自己的考慮: 由於主要用於網上發放及一般晒相(一般幾百萬至一千萬像素已夠用, 但如有高像素可用於裁相), 而Nex7的 2400萬相對來說是過多(無理由張張相都預留一倍空間來裁相吧,多出來的只會佔用Hardisk沒有其他作用), 而最大問題是原大出的相片質素麻麻地, 基本上要縮細才合用.(和OMD的1600萬像素比, 也一樣要縮細才可用, 只差是縮多縮少吧了.)
EVF方面雖然解像高, 但在某些燈光下細節會流失及反應會慢(由爆光變回正常光度), 片幅方面的確是優勢, 而且比M4/3更易做出淺景深.
E mount鏡群相對較少, 只有七支, 加上副廠才有十來支, 而且焦段不夠廣, 特殊用途鏡也較少, 雖然可加原廠轉接環用A mount鏡, 也可以有自動對焦, 但加了新款那個轉接環(200g重), 就變成等同一部入門級DSLR的重量了, 而且平衡度會比DSLR差些, 更重要是原廠A mount 鏡無防震, 基本上中長焦距鏡頭使用上會有較多限制.所以最後沒有選擇它!

現在說到今次的主角 OM-D E-M5了,除了剛才說過我的考慮因素,其他地方也再補充一下.
Olympus方面的4/3鏡也可加轉接環, 用在OM-D上, 而且也有AF, 當然對焦沒SONY新的轉接環那麼快 (和SONY平價型號比, 速度上差不多) , 但有防震功能附加, 兩個品牌的原廠轉接環,都各有各的優點.
M4/3的鏡群及配件,在現時市面的EVIL級別中, 可說是最齊全的, wide 鏡(14mm), 魚眼鏡, 超遠攝(600mm), 定焦大光圈, Marco一應區全, 而且又用到市面大部份其他品牌的老鏡.可玩度十分高.而我覺得其中一個最重要的是配任何牌子新舊鏡, 都自動加了防震功能(尤其是在中長焦距及Marco鏡更為重要), 而且組合成的外觀都會很好睇.
配件方面也十分齊全, 有潛水殼, 專用微距閃燈, 直倒, 收音咪等!

總體來說, 對這部機十分滿意, 成像也是自己預想的質素(不能和FF比較), 很多機能效果,更是以前未玩過, 而且效果十分好, 例如一秒手持拍攝, B快門拍攝實時效果預覽, 實時相片反差Cruve 光暗位調較, 手動或自動對焦時, 可自動放大對焦畫面等!

謝謝你看完我的長篇大論, 希望幫到所有想買價錢在一萬元上下,這級別kit set EVIL的準用戶吧, Thanks!

E-M5 具內置EVF，增加LCD螢光幕既應用性，感覺有如單反。
機身防水防塵設計令用家不用擔心雨中使用。
五軸防震令用家可以於夜間拍照或慢快門下減少照片鬆郁濛。
外型比市面上的無返更具懷舊色彩，適合愛懷舊feel的用家（本人也是）
反芒設計適合高低炒使用，靈活性增加。
E-M5 連拍功能十分快，快門聲也比轉靜。

沒有內置閃光燈
機身因金屬製造，有一定重量
對於入門級使用者，在設定上要花點時間
手握位比較淺，會有點握唔實的感覺（所以出了直倒）

其實我一直都使用單返，因為相片質素會比較出色，但往往當你帶住一部機兩三支鏡去旅行時，果種背包重量帶來的病苦也不時湧現出來。正當EP-3 出現時，我就開始對M4/3 產生興趣，但由於當時手頭上沒有鬆動的金錢，就只好等佢減價。苦等了年幾，正當我去旅行之時，就出現了E-M5，外型討好，而且還內置了EVF，完全是我想要的相機要求。
有不少用家認為沒有內置閃光燈不夠方便，但我認為有利有幣，因為本人少用燈，所以無內閃可增加機身空間，加上跟機送的外閃，我個人覺得好方便，可以話沒什麼重量，而且你不推閃也不會強制使用閃光燈。
E-M5 另一樣令我驚喜的是對焦速度，基本上好多時都能做到一步到位，比較少迷焦情況。

但有好亦有壞，E-M5 既對焦點，我個人覺得大了一點，相反來緊既EPL5反而有精細對焦模式（個名好似咁上下）。欠缺呢個功能令我覺得美中不足。

總括而言，我跟大部分Ching 一樣，因相機重量下降，機動性增加，而從而令我再次愛上攝影呢個興趣，我不能夠說 E-M5 最好，但個人而言 E-M5 會比較適合單反轉無反的用家。

1.復古外型
2.細機唯一可加直倒,平時用加手柄已好好用

1.都是價錢
2.如送埋OM攝影課程更好(本人為用盡新機功能已報讀)

由EP3到OMD, 感覺完全不同,可以說更進一步(更專業)!首先是外型有現代復古味,重拾菲林金屬機感覺,是EP3的延續;特別是可加配手柄加直倒,有專業大機感覺,但機身更小巧!試過用手柄加直倒真的令人愛不釋手, 沒有了反而覺得不慣. 雖然價錢很貴(接近二仟,再加上另購電池二仟多)但絕對物有所值!

畫質方面很多用家都有提及,在細緻度和操控都有長足的進步.在此不贅.如使用了EP3一段時間,又已經買入OM其他鏡頭用家(我有4枝鏡), 換機只是時間和價錢問題!

期待將推出的f1.8 75mm鏡!

一部真正all rounder 嘅換鏡機

用手動鐿喺EVF好難唔放大對得準。
貴左d, 9K比較合理
支flash冇得轉向上
如果off 左 保持暖色，auto white balance 會過強

用同一支鐿，立體感和解像力強過以前部EP3
Live bulb 拍夜影就好似黑房放相咁，睇住張相變化。影煙花一流！
安心喺馬路邊影相，唔拍入塵。
用kit lens 唔駛用完即刻放入防潮廂。
對焦速度和EP3差唔多，但準過和敏捷過EP3好多
ISO 800和Canon D7 差唔多，ISO 1600 都用得過。
比較過ISO reduction NR 較弱都無損細節
支kit lens 真係好很方便，過微距放大率好高，旅行一流
機頂上面嗰兩個轉盤好順好爽
手持拍影片真係好定，好定
HD 1080 mov format 方便好多



有買貴冇買錯

-對焦超快
-防水滴
-金屬機身手感超好
-9FPS 及 追焦能力大躍進(雖然同C,N旗艦APSC還有一點距離)
-ISO 表現極好(NR LOW下我覺得ISO3200可常用)
-最強防震(試機時1/2秒手持都影到 當場WOW左一聲出黎)

-貴(但值......有買貴冇買錯)
-MON偏色嚴重
-唔知點解我係LV睇相時成日HIGH到EVF個感應器
-原廠SETTING唔掂 回家SET左成半個鐘先用得
-個保持暖色調唔SET OFF室內影唔到相......
-太多隱藏功能 比如I-Enhance下暗位對焦會大大提升 但其他MODE......BUG??

等左1個半月終於到手
ISO同防震真係好勁 終於有一部可以同C,N旗艦APSC比較的M4/3機王
4/3 SENOR物理上雖然不及APSC SENOR
但科技就係用黎特破物理上限制 不得不贊O記
但係大家買部機番黎後真係要花一點時間黎SETTING
除左SET FN鍵 記得OFF暖色調 JPG記得入MENU開番個"SF" SUPER FINE 出黎
AUTO WB我覺得佢偏紅"G+1" MON色溫+2 光暗-1 但MON偏青唔知點SET番佢...
人面對焦SET OFF 用果時先ON
NR SET LOW就可以 LOW已經少很多NOISE 但細節影響最少
最少我感覺唔到OFF同LOW 係細節上有分別 但NOISE 好很多
總結黎講 如果你花一點點時間來SETTING 部機真係好強
M4/3機皇當之無愧!!

功能上既，大家講晒啦，不贅。

機身細，超啱女仔手用（我手太細，好多單反都揸得好辛苦）。
好鍾意個機身設計，有份量，夠Classic。

我買左唔夠一個星期，olympus居然出promote送鏡頭。
行左好耐，搵唔到個靚既相機套。
EVF太敏感，成日睇睇下相跳番出黎。
舊電，話冇就冇。

小妹好久以前用開機械機（Nikon FM2)，自數碼化後，就冇乜心機影相。

呢部機，由「機身」到「手動對焦」既功能，完完全全似番我以前影相既感覺（除左對焦聲同shutter聲係人工之外），令我重拾攝影既樂趣。

而且4\3既鏡頭，好多既表現出色，我完全唔駛擔心買唔到好鏡用！
我暫時只配左panasonic 20mm f1.7支餅鏡同samyang 7.5mm fisheye，已經夠曰常影相玩。