Olympus OM-D E-M5

實拍照片

-機身外型設計附合復古元素, 並有全天后機身, 不得了
-使上第一部M43機有5軸機身房陣, 酷稱機皇
-成像不得了, 將iso推至3xxx也見得人
-對焦速度準,快(比p仔GF更明顯快)
-fn機身設有兩粒, 連錄影快捷鍵都可自設, 一流
-電池容量大
-螢幕可上下調節
-兩個轉盤方便,手感很好, 而且順暢
-連拍速度比得上單反(出來效果亦不錯)
-黑色機身,夠潮亦不失復古味道(銀色完全附合喜歡復古路的愛好者)
-kit鏡一流, (微距,電動對焦,手動... 仲要防水, 可說是全天后, 暫時係標準鏡來說是無敵)
-kit鏡設有一粒fn 鍵, 配埋機身幾粒, 確實方便得緊要
-kit鏡輕, 配落om-d 重量及手感都很好
-觀景器與螢幕顯示可設定為自動感應, 不錯
-11種act 功能, 真係夠哂喜歡玩特效的朋友(仲可以一快門,全act自動影哂)
-完美人像效果很棒
-買機配埋閃燈, 閃燈火力都夠一般使用
-將機身配古鏡, 感覺很正
-全高清1080p流暢,超清, 收音亦很不錯
-可配上直倒 , 天有專業感, 更方便
-內置觀景器
-有放大兩陪鍵. 對手動對焦很有幫助( 成像跟沒有放大時沒兩樣)

-快門聲音不夠清脆
-機身功能鍵手感不太好
-價錢貴了點, 因為始終都係M43(但都冇買錯)
-機身內會發出雜聲, (問過olympus, 都暫時解答唔到係咩問題)
-機身防滑手位,感覺唔到防滑
-機身粒快門鍵好膠, 如果設計粒鍵可以換就一流
-粒閃燈冇得向上打
-太少大光圈鏡了, 就升有, 價錢真係貴到得人驚~.~

總括黎講, M43機皇之稱, 並非有名無實。值得推銷入手, 舊有的dc,m43機可以丟埋一邊。機皇無論在外表, 性能, 畫質, 都比以往m43機來一個大躍進, 的確令人另眼相看。如果用RAW更可連拍每秒17, 有出色表現。依家好多人帶相機出街,都怕日曬雨淋, 就連去洗手間都小心翼翼, om-d既防水設計就解決左我地既微不足道的煩惱。對焦速度快而準, 基本上可以應付日常大部份購圖。又愛玩復古,又愛現在既, 此機真是兩全其美。愛專業的你. 亦因為它有直倒, 更取悅到專業歡心。又想玩單反感覺,但又唔想背負沈重機身, 選擇om-d係正確。當你將佢放上手, 使用不久, 你就會愛不釋手。

銀色相機外觀很有古典美
扭Mon及防水很有用
iAuto mode影出來的相片很靚
Art mode有soft lens，影人及小動物很合適
鏡頭有Marco mode，可影蝴蝶或昆蟲

用電很快
重量比DC重很多
送的相機帶很窄，不好用
如果有其他顏色選擇就好了，方便襯相機袋
由於部相機很貴，使用時要很小心

第一次使用這麽複習的相機，有很多地方需要適應！
暫時以iAuto及Art mode為主！但已很容易影到合心意的相片！
雖然有其他鏡可以換，但Kit len暫時已夠用了！

1) 比D300s 強得多, 管相質或 操控 (之前用 D300s);
2) 防震勁...,1秒曝光都沒朦(我是指我自己的手震程度);
3) ISO1600 非常滿意, 但雖如此...暫不敢再調高;
4) 對焦快快快..., 準準.., 因為有時會誤判目標(所以有時用手動對焦作補償)；
5) 防水是很重要..., 因為以現在的天氣, 在外拍照時 偶然下大雨也不怕;
6) 其他說了....之前太多人說了;
7) 最後一定要一提的是 外型... 超靚...銀色機....! 絕對有以前用菲林機的感覺;

i) 最失敗的是...閃光燈..., 因為太細..., 買回來兩個月...出動兩次(小拍不算)..., 兩次都因為閃光燈太細個...忘記帶...;
2) 電池...到現在我還未買到 第二件 電池作後備..., 兩次行動都是在晚上臨走前....,沒電..., 好在我還有帶 EPL-2;
3) 配件未及時..., 如皮套, 電池...等;
4) EVF 感應器 太敏感...;
5) 可以直配的 M43 靚鏡少又貴;

出勤兩次..., 表演十分滿意, 而且看 出相 的比較(網上找尋的照片)..., 比7D, D300s, X-Pro, Nex7 都好.., 由其在細緻度; 我 從 Nikon-FM, Canon-A1及AL-1, 玩到累了(因為太重, 太大, 太多東西帶), 決定轉為生活記錄 + 少許 手動模式 玩意 的 傻瓜機...(Fujifilm Finepix F610) 再轉 O記 潛水機 (10米) ...後來又 忍不住 D80 及 D300s 的誘惑...! 但是始終是 “死症醫不了” 的...超重量問題 因而又漸少用...! 直致年前入了 EPL-2..., 變為主打..., 但是 對焦/ISO 始終不及 最後 來個 OM-D 非常滿意了! 希望 O記可以 把 OM-D 系列 再加強不足的...等待下一次再換 OM-D 的更好的機!

1.全球首創五軸防震
2.OLYMPUS首部內置EVF的M43
3.TOUCH MON + 反MON
4.全天候多功能標準鏡(微距,廣角,內變焦,內對焦,防水)
5.首部無反機可用直倒
6.復古機身,現代化機能
7.超快AF對焦系統
8.高ISO可用
9.防水防塵機身設計
10.多種藝術濾鏡
11.加入拍片特效
12.M43片幅細,所以鏡焦距X2,遠攝有優勢
13.M43有深景深,影相人像與背景唔會太淺
14.要淺景深,有平價大光圈鏡45/1.8

1.TOUCH MON 功能唔夠好,唔似電話TOUCH咩都可以SET
2.EVF個感應器太敏感,睇睇下相感應到,即刻跳去影相
3.無論黑機銀機都係跟黑鏡
4.變焦鏡暫時未有大光圈(12-35,35-100仲未出)
5.M43鏡太貴
6.無內閃,
7.香港買剩送三個月保養及皮帶(外國送MMF3,直倒)香港真係偏心
8.周圍都無貨買,銀機嚴重缺貨
9.M43景深唔夠淺

自己都用開大機OLYMPUS E30因為太重,所以投入M43既EPL2,
開始感受快樂攝影的樂趣,但奈何EPL2無論反應,對焦,都比唔上單反
叫做畫質與重量都好平衡,
但OMD-EM5既出現！
無論像素1600萬,ISO控制,反應,對焦速度,畫質,防震,防水,
都已經超越好多單反既功能,
但佢既重量真係好輕,如果要手感,可加直倒！

- 復古機身，夠晒靚仔
- 部機夠輕，但金屬機身感覺都算實在，可以話係無痛攜帶
- 防塵防水滴，天氣差環境唔好既時候，影相都唔怕整壞部機
- 五軸防震系統加持，手持半秒都無事，好犀利！
- 內置 EVF，唔使再加錢買外置 VF，仲慳番個 Hotshoe 位裝閃光燈添！
- 雙轉盤，操控唔錯
- AF 好快，暗位都中，極少對錯野 / 搵唔到主體
- 觸控屏幕，間中手快快篤 Mon 都調到野
- 感光好左，ISO 3200 無問題，ISO 6400 尚可
- WB 算準，唔想後製就岩晒
- 9fps 連拍，好爽快
- 全能 Kit 鏡：24 - 100mm 等效焦距，有 Wide 有 Macro 有電動 Zoom，又有防塵防水滴，掂啦！
- 可調角度屏幕，構圖方便左
- Full HD 拍片
- 電池幾襟用，我玩足成日都無試過斷電...
- 加埋直倒應該會仲爽！

- 用慣 DSLR 既用家，會覺得部機好輕，飄下飄下咁...... 好唔好就見仁見智啦！
- 冇直倒既手感真係爭些少...
- 快門聲唔好聽...... 哈哈
- 內置 EVF 係有誠意既舉動，但內置 OVF with info 的話會再開心 D
- 個 EVF 真係幾敏感，隻手稍為係個感應器附近飛過，個 Mon 即刻熄左轉 EVF，睇睇下相搞到咁都咪話唔無奈...
- 介面唔靚，尤其是 Menu 入面，我覺得係 Olympus 機既通病，學會接受中
- 後轉盤調光圈既 Preset 係左細（光圈）右大，但我用過既機都係左大右細，要調過先無事
- Mon 偏色，個 WB 明明無出事，但返去電腦睇硬係覺得有唔同......
- 按鈕軟軟的，手感較差，但這也是出於防塵防水滴機身的安排啊......
- 冇內閃，不過我好少用閃光燈，所以對我黎講影響唔大
- M4/3 就係 M4/3，景深唔及 APS-C 淺
- Kit 鏡光圈值比較中庸，想玩淺景深的話要買鏡
- Olympus M4/3 鏡組規格標青者乏善足陳，可能要玩埋其他廠既鏡
- 直倒聞說唔平，買支定焦大光圈都得啦...
- Kit Set 價格稍貴，九千尾一萬頭會更加理想... 但部機部分位真係幾 groundbreaking，賺得起就賺多 D，明既...

我之前用開既機係 Nikon 既長炮 Prosumer，不過好多時都擺低唔用，因為部長炮已經有番咁上下歷史，ISO 表現差唔在講，夜盲更加係激死人... 反而比較用得多既係 Sigma DP2，因為畫質真係好靚，而且用法唔算複雜，夜攝的話乾脆用 MF，係返屋企將 D 相張張執比較頭痕，所以都希望買一部能夠取代到 Nikon Prosumer，同埋畫質有番咁上下既機，起碼可以唔執相都交到貨，部機係咪 Prosumer 反而無咁緊要...

早排我需要去日本一個星期，就算係過去做野，都少不免有空檔時間影下相。本來諗住過去帶部 Sigma DP2 過去玩足一個星期，但一諗起自己未買微距鏡，又影唔到廣角風景相，心入面總係覺得爭一截... 其實我過往都唔鍾意玩換鏡機，因為覺得換鏡會心思思想加鏡換鏡，同埋較一體相機係難打理既... 除非部換鏡機功能好強，我先會接受佢。

但就係咁岩去日本前夕，OM-D 就推出，本來諗住買 Ricoh GXR 28mm / Nikon P7100 就算數，但諗起我希望景深方面有較大躍進，同埋有得玩 Wide + Macro （GXR 28mm 有 Wide 冇微距，50mm 有微距但就冇 Wide，問你死未！），所以見到舖頭有黑色現貨，縱使未掂實機前都係十五十六，但最後都係乖乖俾錢......

我知道有好多師兄都係等緊銀色機，所以到呢一刻都未買機，除非早前訂左。其實我比較喜歡黑色，因為覺得顏色一致 D 沉實 D，同埋硬係覺得銀色既 OM-D 拍埋以前銀色既 OM-F，OM-F 隻銀色真係靚好多，不過我都明好多師兄想買銀色個份復古味，所以唔緊要啦，各有各好 :)

講番部機，今次 E-M5 真係無令我失望！Olympus 完全交到貨，將 E-M5 塑造成為 M4/3 既機王！PEN series 而家同 OM-D series 比，真係已經被比下去啦...
我只係得支 Kit 鏡帶過去日本影相，白晝夜晚都無問題，我夜晚影東京街景隨拍，個光圈較得比較細，但係 ISO 都唔使調得太高都影到相，五軸防震真係幫到我唔少。
另外因為支鏡，我玩番好耐都無玩過既微距，真係好好玩啊...... 哈哈
我去日本既個段日子，天氣都係麻麻地，間中會刮風落雨。但既然部機有防塵放水滴，我真係姑且俾佢試下繼續掛頸，D 雨粉撇過黎我都唔理，間中仲影一兩張，但真係無事喎，個心真係好定！
部機既電子功能同埋機身設計其實真係做到好足，如果以 Kit 鏡既配搭，根本大部分情況都唔需要擔心，想影就影，唔使怕因為部機物理限制而影唔到某 D 野。餘下的，就由用家自己的功力將她好好發揮了......
部機我好滿意，起碼我唔會覺得佢缺少太多野，佢的確是能夠全天候作戰的夥伴。
而家比較寄望既係遲下買支等效標準焦距大光圈鏡頭玩下，咁都應該好夠使了...... 如果直倒價錢相宜，都會考慮入貨。

集DC和DSLR的好處於一身
有DC的 輕便, LIVEVIEW對焦快而準確, 怕片對焦都又快又靜
又有DSLR的專業操控, 連拍爽快, 快門聲清脆, 可換鏡頭 而且鏡群齊全 可加垂直手柄
用EVF時好自然會用上DSLR的握法, 可使穩定性更高 用長鏡時效果更顯著
高ISO可用 (個人接受到ISO4000), 五軸防震好用

沒有內閃
如果有反MON(類似E5)會更好 方便自拍

OMD EM5 真係一部好好玩的相機 攜帶方便 一機3-5支鏡加埋腳架都係一個背囊搞店
令我可以好好享受攝影快樂