優點:
1. 靚! 黑色夠晒型仔, 銀色夠晒復古
2. size夠細, 咁既quality呢個size真係算係咁, 同E-PL1差唔多
3. 5軸防手震夠強, 岩我呢d手震到飛起既人
4. 有雙轉盤+4個自定function key, 夠方便, 亦都算夠用
5. kit 鏡對焦快!!!! marco好正!!
6. touch screen有得對焦兼影埋, 快靚正
7. 高ISO都出色, 我覺得1600放大都冇大破綻, 3200都仲算可用
8. 有得反下mon, 高抄低抄都有用
9. auto WB都ok, 係有d黃但同現場氣氛比較接近
10. 快門delay短, 亦都唔大聲
11. 影相直出superfine jpeg都夠晒 (但要花時間入setting搵番出黎)
12. 有內置EVF, 大太陽時必備
13. art filter多, 有成11個, 夠玩味
14. 有電子水平儀
15. 防塵防水滴
缺點:
1. 個mon同EVF都好光, 光得滯 (個mon我set -1, EVF我set -6, 如果唔set就信佢d測光, d相全部會under)
2. 影完相preview果張相永遠都同影果陣果種色調有少少分別, 影果陣會青少少, 張相preview果下又會紅番少少.....唔識set.....
3. 機仔細細但都幾墜手, 可能我用慣E-PL1同DC仔, 呢部機對女仔黎講未必叫輕, 挽下手比canon 500D kit set仲要重....
4. 開機個制都幾唔就手
5. 冇內閃 (雖然跟機有送埋)
6. 開左機機身會有少少聲, 唔知係咪因為個IS呢
7. 除非set左LCD同EVF要手動按制轉, 唔係就算用EVF影相都冇得係EVF preview
8. D制撳落去唔爽, 有D軟淋淋ge feel....
9. 手柄太扁, 單手揸感覺唔太穩
10. 個mon反唔到可以自拍既level, 有點美中不足
11. touch screen係影相果陣只能對焦/對焦&影, 冇其他function有d浪費(eg zoom), 同埋都睇相冇得zoom, 有埋就更好!
12. iso 200起, 點解EPL1有佢反而冇100??
13. 銀機黑鏡好怪, 點解唔俾埋銀鏡人地?
13. hot shoe裝閃燈機身要拆兩個蓋, 連埋支燈既蓋有3個蓋仔, 好易會唔見
評價:
O記D色一向好岩我口味, E-PL1一升就升上E-M5個感覺係...爽!全方位功能大提升!!!
E-PL1最令我忟憎係佢夜晚個對焦, 真係好差好差,
另外冇轉盤, 快門又有D delay, 個mon pixel太少, ISO我最多接受800, 1600真係唔得....
而家呢部完全滿足到我既要求!!
因為用過O記, 大概知有d咩要set左先, 但除左一貫要set既灰階(暗鍵會好d,) 同減噪(NR set成low會冇咁油畫),
唔知點解個mon set極都硬係差dd...有冇師兄分享下點set個mon?
雙轉盤同d function keys係幾唔慣(我手細), 不過的確幾實用, set好係咩fucntion之後唔洗好前以前下下要入超級控制版面之後上下左右起勢撳
去左影畢業相, 有時好陽光, 有時係陰影下, 有時係室內, 好多時又要搵人揸機唔係自己用,
所以用A mode都好多野auto左, 包括ISO同WB,
EV長期+3, 基本上成功率都幾高, 係有少部份under/over左only, 好滿意!
就算幫手既人唔多識對焦同用都好, 叫佢篤個MON對焦+影埋, 真係快靚正架!!
不過一張superfine jpeg都成10MB, 建議至少用class 10卡, 唔係會慢
帶佢去左次旅行, 覺得呢部機似乎係寧願EV+7 over少少出黎d相再較係會好d,
同埋G-2 d色個mon會正常d, 至少係電腦睇會正常d.....
只係因為冇用開大機, 我真係覺得佢都幾墜手, 女仔要注意一下, 男仔應該冇咩問題既
整體黎講呢部真係買得過!!!