Sony Cyber-shot DSC-HX30V

1.錄影優
2.小長砲能隨身帶

1.夜拍比HX9V差~還退步很多(我兩台都有)
2.長焦段十分容易失焦
3.一入塵就只能任其發霉報廢(SONY維修站說鏡頭是整組封裝的無法清鏡頭~入塵要整個鏡頭組換新~然後不處理直接換你)

網路上有一些同好有討論HX30V相當容易入塵的問題~我也遇到了~原來HX30V不是"常"入塵~而是"入塵無法清潔"~SONY維修站說鏡頭是整組封裝的無法清鏡頭~入塵要整個鏡頭組換新~就"當場不處理直接還給"我~我請他用手電筒照照看裡面的入塵~問他這樣的入塵還是保固內如何處理?如果無法處理就該先讓消費者知道而不是要消費者自認倒霉啊~如果你們無法處理請給我一張維修單載明"該機無法清潔鏡頭~入塵要整個鏡頭組換新"~他才說留下機子請工程師回覆~.....要買HX30V的人要好好參考這篇文章考慮考慮一下...唉~那麼多人反映~一入塵保你後悔~

1. 20X變焦好好用
2. 拍片時仍能變焦及自動對焦
3. 光學防震好穩定
4. 機身細小及輕便
5. 1080p全高清每秒60幅，動態超級流暢

1. save 相稍慢
2. 雖然每秒60幅全高清，但file size超大

機仔用緊Canon G12: 輕微入塵
Nikon P500: 超級勁誇張前鏡及LCD mon輪流入塵（連SC職員都問我係咪去過沙漠）
Sony W220: 卡片機，用咗三年一粒塵都冇
HX30V雖然係塑膠殼但好結實，對Sony造工特別有好感。
GPS及WiFi功能可算是Bonus，我不會常用。
同一場景，影像清晰靚過Canon G12。
又冇乜油畫感覺，如果用iso 12800好多機都會係油畫！
百佬餵賣$2690，跟16G咭，袋，貼，代用電及扭腳
算係咁啦！....依家好似話跟原廠Sony電池添！

如上，另外，20X zoom 的確超好用。因為佢anti-shake好好，加埋20X optical zoom total 40x zoom，都唔易手震。
用最勁setting影movie mts 好正，睇返真係blu-ray水準!

wifi connect 超唔得。send 去 android 手機 ok (已裝PlayMemories Play)。send 去 PC (已裝PlayMemories Home)，send去 samsung 7.7 平板(已裝PlayMemories Play))，兩樣都唔得。原因不明。

快,細,影靚,清
9.9分滿意

1. 有手感:睇過其他的机細,係輕啲,但係拎上手總係無咁定,影相會易手震,呢部机有手握位好好揸手.
2. 一掃全景真係好正,之前玩開canon有部但要逐張影再併埋一齊,會起格,都唔係個樣野,而sony呢個真係超方便好玩,雖然唔係乜新嘢,但佢有呢個funtion囉.
3.有wifi,又係好hit的funtion, 無總係差啲,我都係buy呢個至會考慮耶.有好多人話,要upload相上網,不如用電話影咪仲方便,轉黎轉去咁煩.......但係影過相的人就知用電話與用相机影的分別,同埋sony呢個wifi真係好方便,你玩過就知,
4.高清拍片,真係好高清,追焦快,自己自動追住啲樣去對焦,真係令我大開眼介,有ching話個拍片掣近住個揸手位容易襟錯,但係我就覺得好方便囉手指公隔離想拍片就即刻襟落去,老實講拍生活照有時都係要把握時机,左扭右扭先開到机,真係蚊到zzz了.我反而覺得呢個係優點囉....同埋粒掣咁細我唔知點樣襟至可以襟錯個掣呢..
5.連環快拍好勁,真係快到你唔信,而且影完之後你睇相時部机有水平感應,左右搖擺部机,即播放連環快拍相片,好似睇片咁,好特意呢^o^~~~
6. 勁量電池;粒電體能強勁,又玩又開又熄,乜都影一餐又睇一餐......玩咗成個月都係認真地叉過2次電,當然我唔係日日玩,又唔係玩足一日一夜唔熄机果種....正常使用咁囉...... 如果要遠行梗係叉多舊電士啤喇~~~

唔知係咪在特效下相片處理要效多時間,影完要諗一陣至save到,我初時以為係我張sd咭係class 4原因,但有ching巳換class10 sd咭但情況仍有,即係唔關張咭事係部机問題喇....影張相都要諗,有點......................遲緩囉~~~~~(normal情況下係無呢個問題)
唔知係咪sell pro呢依部机,得黑色同啡色...好man,我見hx10v都有紅,白,銀色呀,點解唔比多啲選擇我哋啲消費者呢呵~~~~

我6月尾响百x滙買的,標價$3,190,問咗几間都係一樣,一個仙都唔肯減比我,我知永x/豐x講唔駛講都平90大元呀.但因為用咗信用咭積分換咗2叉嘢coupon,焗住要幫襯佢,所以我只好用我3吋不爛之舌,向店員爭取我的權益.結果除相机外附屬品如下:
1.除跟机一舊電外再送多舊原廠電(好多都係送副廠電)
2.保護貼
3.8gb咭 + 4gb 咭(class 4)都係原廠sony的
4.sony相机袋
5.card reader
6.腳架
7.puma 水樽

我本身玩開單反,用緊陳年舊机c記450d,雖然仲係初階,但對相片都有一定要求,因小朋友快出世了,想買部輕便的dc仔同bb影下生活照,所以至會考慮加添部机仔啫,成日拎住部單反出黎影都好煩,出街又尿片又奶粉仲要拎多几支鏡同腳架,始終都係女人仔一個唔係鐵人耶,想留住美好時刻就要取捨一下喔!
而呢部dc仔都係多嘢玩到我呢家都未玩得熟,試過長焦距的威力,真係可以好q遠,仲要清喎,而模擬大光圈模式都几唔差,在光線充足下色水好實在,我收貨喇.
同類机我仲睇過部c記-即柑晚鵝地go跳帽-果部,係几靚仔又的色,但係佢係touch screen,反應好遲緩,豐澤哥仔話用開智能手机的話,觸控速度係無得比嫁喎,我想問呢家邊個唔用智能手机呢,用開快速又要轉慢速,我呢啲心急人真係會越用越炆呢.......
雖然同期有好多大光圈同大sensor机種推出,但就係觸不到我的需要,wifi同長焦距,雖然呢2樣嘢唔係成日會用,但總係想要呀....結果我選擇呢部,暫時很滿意,極力推介.....
部机係made in japan呢~~~

旅行一機走天涯的最佳之選，20倍遠攝不錯，其他優點不再重複。

美國之旅前一天買了此機，但在途中才發現鏡頭内竟然有一粒大塵，揮之不去，每張長鏡相角都見黑影一粒。
另外每次開機、關機、loads 相都需要超過二秒。雖然不能與大機相比，但也太慢罷？

一向都很喜愛 Sony 的影音產品，多年來也用過不少不同檔次型號，每每都有驚喜於 Sony 的創意及以用家為出發的誠意。但可惜近年每况越下，很多次見到 QC 及設計的缺失，希望 Sony 真的不要就此輸給其他品牌。

1）開機快、反應快
2）對焦都幾準
3）個 Mon 係日光下校到最光都睇到
4）熄左 wifi & gps 一粒電都頂到一日，夜晚差電都算快
5）20X ZOOM 冇得頂
6）有好多 settings 可以配合自己所需

1）閃燈位置唔多就手，兩手揸時機時佢跳出黎會比隻手頂住
2）Wifi 過相同我部三叔 Tab 有時連唔到線
3）夜景有一兩張個防手震效果麻麻

點解買：因為 honeymoon 急住要出機... 本來想買 5N，但老婆唔識用，又冇時間比佢玩下先，係 sony store 試過 HX30V 老婆話好就決定了。五月尾係旺角永X買（加多一粒原廠電，16GB 咭，mon 貼，小腳架 & Sony 相機袋！六月中一機走左幾個歐洲國家，基本上只係用綠色 auto mode... 短短 9 日行程經歷過室內、室外、晴天、陰天、雨天、夜景、雪地之類都冇乜問題。。。大部份時間我直情熄左閃燈（如果 auto flash 佢成日跳出黎好煩）影像都好靚，又唔多覺好油畫。