評價:
RX100試用後感
首先多謝占士借出RX100相機比小弟試用幾日
首先講下一D數據先
如果叉滿電的話
可以影到3500+長相
解像度為500萬, 4:3呎吋 (大約每張1.6-1.8 MVB)
另外我亦有係當中影累積約五分鐘既1080P MP4格式的影片
而叉滿一粒電所需時間係:2小時 (電量為1240 mah)
係外形方面, 整部機都比s100 厚一倍, 鏡頭的粗度更甚
閃光燈係隱藏式的, 需要用時佢會彈起
收埋就要用手按佢落去, 按落去時亦唔會覺得有咩好似就斷既感覺, 都幾安全
快門鍵方面, 佢既半快門對焦距離好矮, 若然以s100按開既力度黎講, 好容易會變左即影, 需要時間去習慣….
On off鍵既位置適宜, 係唔用眼去睇黎開機都無問題, 因為靠觸感同手握機時的位置唔錯!~
功能盤(即係轉不同模式), 轉動方面也沒什麼問題, 很實在, 力度適中!~
鏡頭的轉盤不同於s100, s100採用段格式去轉動
而RX100即採用平滑順暢既方法去轉, 我個人較喜歡RX100既感覺
芒比S100的大, 有3吋半左右, 色彩顯示亦較真
到右手面一堆預設鍵丫
最右上的拍MOVIE鍵, 我個人不太喜歡, 因為太右, 而且按鍵位較細, 唔係咁就手, 而且係影片方面就全靠呢粒掣去做開始和停止, EVEN你按快門係無反應既@@!!
FN 鍵, 除AUTO模式外, 其他手動的模式都可以自定義(最多七個)快速設定模式比用家選擇, 最常用到的係改ISO, EV補償, 甚至加乜乜七七效果都得, 但選項不多….
MENU鍵, 都唔駛講就係SET部機入面最多設定既部份, 但我唔明點解我睇到有得顯示日期時間既選項係入面, 但就著佢唔到, WHY!!?
左下的PLAYBACK鍵, 跟S100一樣, 如果係熄機既情況下, 佢係可以唔扯旗既情況下睇相/片, 但如果你開啫機再睇PLAYBACK, 個鏡頭係唔識龜縮的….莫明奇妙…
此外, 佢睇相同片係分開FOLDER睇的, 唔知係好定唔好, 不過就要做多個STEP去轉FOLDER睇唔同既野….
右下的?鍵, ON9…..多此一舉……比人SET到佢做多一個自定義既KEY仲好丫…
到中間丫, 係轉盤最中間既係OK鍵…….無咩多講…
講下轉盤先, 同S100差不多既觸感, 個人感覺都算幾實, 唔算太鬆…
上面係DISP…
右面係閃光燈…有得比你揀OFF, AUTO, 強制, 慢速…等等..但無乜幾可要用到閃光燈…..
下面係EV暴償….順帶一提係唔同既模式下, 佢會有唔同既做法….
當佢係M MODE時, 就係靠佢去轉換光圈同快門既設定值, 而唔係鏡頭圈同轉盤各施其職既做法….個人感覺S100既SETTING較貼心
左面係揀單張/連拍/超快連拍/等兩秒再拍等等既選項
講完大體上的功能後, 講下我試左既模式先…
係琴晚踩完四頭夜晚出車試機, 所得出的感受如下:
1. 機身較厚, 用右手搾機只靠機背的防滑位係差少少, 最好係機身前面都加條防滑膠就較安心
2. 開機同關機各需要3秒時間, S100 比佢快0.5秒…而且行車其間按OFF後, 手部會HI到支鏡縮緊….而開機時既手勢會HI到個ZOOM制…都係習慣問題…
3. 用返S100用開夜間行車的模式: P MODE, 將ISO較到3200, (好得意, 佢1600之後就上3200…6400….無得S100咁較1600,2000,2500….), 但即使你較3200ISO我都唔多覺雜訊多左, OK!! 另外長SET光圈係1.8, 快門即由相機按照當時環境去決定, EV補償較做+1.3, 效果不錯, 係對焦方面, 有街燈的地方命中對焦率有8成, 而係超陰暗位例如隧道無乜燈既位就難對焦….如果佢有S100既AFL鎖焦功能的話, 就可以解決了….
4. 當停車後影風景時, 例如尖沙咀天星碼頭影景時, 由於不是行車中, 企定定影而又在夠光的情況下, 一定要將EV補償較返做0….ISO即可以較低返做1600, 同樣用P MODE也可以影得到, 不過進階D既話可以用M MODE去影….
5. 佢既連拍真係無得彈, 係未影之前成功對焦後, 基本上係90%係成像清淅既!~連拍都有兩款, 一款係一秒一張, 可以不斷連拍, 但重點係視乎張卡既讀寫速度係咪夠快…CLASS 10既SDHC卡好明顯係當連拍十四張以上後就要等佢寫好晒後先可以睇返D相….而另一款就係超高速連拍, 好似係一秒內連拍3下既速度, 影左8-9張後, 最後一張即相隔一秒先影…..
6. 此外, 係對焦方面我揀左集中中間個點, 好過多重, 因為集中中間個點去暴光, 可以用唔同既光度去就幅相既成像光度, 如果多重的話, 就好大機會爆光….
7. SCN情景模式既主要選項都有, 不過最敗筆既係每次扭到該功能時, 都要係選單揀你想要既模式….但想轉去另一個模式時即要再扭動選項盤才可以再揀第二個楊景模式….只有少數例如微距模式時才可以扭鏡頭輪去改模式….比較笨七的做法
8. 全景模式: 唯一好處係佢識自動駁相, 唔駛用家回家後再用軟件駁埋..是S100做不到的, 但全景接駁方面有光暗分岐, 最終結果, 全景都係靠新一好了…
9. 佢除左auto 模式外, 仲有個叫高級auto…重點係用左呢個模式後, 按下鍵會得出畫面光暗色彩既調較分別…適當地調較可以扮如lomo效果, 進階人士適用, 玩野用家用s100預設的巳夠做同較方便
10. 查到點樣將相片加上日期標註了, 原來只要單張拍攝便可以揀到, 但就只有日期, 無時間, 咁要黎做乜????假設日後真的換RX100的話, 又要影手錶時間做記錄了…
11. 講返ZOOM個方面先, ZOOM如果無開到數碼變焦的話, 最多去到13倍, 開埋數碼就去到27倍….不過老實講, 13 己夠做…但我睇得出光學變最多去到4倍就唔算係光學變焦了
12. 續ZOOM, 佢ZOOM前同ZOOM後的速度都頗慢, 有時影完遠野, 突然又想影近野時, 就會因為佢龜縮得慢而錯過了……..真係有辣有唔辣…
13. 電量方面, 真係唔講得笑, 以我用S100咁耐, 舊電既電量係9XX MAH, 影600萬像素, 每張大概1.2MB既質素, 由100%用盡粒電只能影600張左右就要換電, 但RX100既電量只係多佢300, 1280 MAH, 但就可以影到3500+張相, 同5分鐘高清1080P影片, 真係好令人震驚!!!估佢唔到…雖然當中佔8成既相片都係用連拍(1秒1張個種), 但老實講連拍同單拍我覺得分別不會太大…相反我會覺得連拍仲食電過單拍…
14. 起初以為只能靠插USB線落相機去叉電係一個缺點, 但發覺係好方便出外旅遊, 萬一舊電要叉個陣, 只要有個尿袋插住就可以叉電了, 可以慳返唔駛帶個叉座…叉座可以另外買, 做一個OPTIONAL既選擇算是優點!!
15. 暫時諗唔到咁多…不過如果以價錢黎睇, 第一代$4690 (大舖價), $4090 (細舖價)對比第二代$5690相差一千蚊…無疑第一代既價錢會較吸引,不過占士建議我最好兩部機同時試效果才決定….而且真係買呢部機既話, 就要再DUM本去買一張高速的SDXC CARD才能夠解決連拍DELAY既問題…其實本身S100如果唔係鏡頭有事的話, 根本唔會諗到換RX100…