1) 高ISO質素真係數一數二 甚至比5D3更好
2) 作為入門FF機 機身重量唔高 770g
3) 有GPS功能 可以紀錄相片地點
4) 有WIFI功能 可以手機睇相過相 而且可以用手機遙控拍攝
5) 20.2MP 夠日常使用
6) 中心對焦點強大

1) 無高階機既操縱桿
2) 只有11點對焦點 少得驚人
3) 其餘10點對焦點較弱
4) 單卡槽 但問題不大
5) 拍片無自動對焦
6) 拍片1080P無60FPS
7) 連拍速度低得可憐 只有4.5FPS
8) 檔名唔可以好似1系機身咁自訂

我係個影Sports + Landscapes + Event既人

2016年10月Kit Set行貨買入，6D對上一部機係60D，買機果時有諗過買5D3定6D好，最後因為價錢相差成$7,000而買左6D。

性能上由60D轉用6D，一定會有Upgrade既感覺，因為由APS-C機變左做FF機，CMOS感光能力好好多，而且相既質素都有明顯的上升。

高ISO能力我認為6D仲比5D3更好，曾經試過借友人既5D3出Job，5D3高ISO(EG: ISO 12,800)既相我認為完全不能接受，相反6D高ISO既相比我喜出望外既感覺，用6D係飛機影一張ISO 51,200既星空相，都好高質素。

而對依部6D既不滿，就係對焦點少得可憐，只有11點，Canon不愧為牙膏廠。雖然我只用中間對焦點 (中間對焦點十分強大)，但有時作特別既構圖而唔能夠用中間對焦點先對焦後構圖，就會feel到其餘既對焦點有幾咁弱。

另外一點，就係連拍速度，雖然6D只係一部入門FF機，但都唔好得4.5FPS連拍啊 (60D都有成5.3FPS)..

例如影澳門格蘭披治大賽車，6D只能夠係PadDock Area影一啲車手既相，如果要做慢快門Pan鏡，都係要交返比1系機去影。

而自訂檔名問題，因為我係雙機工作 (1D Mark III + 6D)，1系機能夠自訂檔名，而6D唔得，只可以用IMG，對工作上黎講係有點不便，唯有係Mac用Automator寫一個Program批量改檔名。

總括黎講，如果只係休閒用機，影下風景，6D能夠滿足你大部份要求。但如果要兼顧工作，咁就盡量買高級啲。

加上24~105 相都利,顏色算自然,電量OK

SET EV要入菜單好煩,
ISO到200就A
閃燈同步底,做壓光難
快門速度底,同陽光玩遊戲要收光圈

朋友公司的相機,只用了一日來幫朋友影野
測光唔準/色溫亂.仲要唔知點解成日走左焦,
以前用5D唔會發生事情係6D上面全部發生,由如入門機一樣

便宜,,,,,用6000元買二手帶來高一點畫質值得.........所以2手市場不難見到它很多存在

在av/tv模式在測光上要按三個制才能拍一幅相.......不利于拍動態相片
測光主要是中心(一)點對焦才准確快捷.....
6d在網上很多評論都是曝光不正常的偏暗.......真的

佳能我從550D開始用.......也買了不少佳能鏡頭.....
一樣的鏡頭裝上6D全幅......真的給了我又驚又喜
--喜...當然是畫質細節豐富了可以數毛.........
--驚...主要是曝光顯示正常而偏暗的問題直接影響最後相片的畫質
---而在av/tv中更要按下曝光鎖定下..才能准確一點曝光....那個真的太欺人啦
不是新手能用極專業的單反相機

---另外用買得全幅機一定對畫質有要求才會買....不管它有多重......如果要輕應該買sony ......50 1.8配上6D.......膠鏡解像力不足畫質散到蒙蒙地.....唔系好掂架

樓上師兄講哂

樓上師兄都講哂

其實我兩年前寫左篇都係關於6D既（2015年1月）
唔記得舊acc個Password借朋友acc一用
部機我到而家都仲用緊 想再寫多少少用左四年幾呢部機既感受

用6D既呢四年入面 之前用好多又重又大舊既靚鏡 追求極致畫質
一直都好滿意6D既表現同功力 亦好滿意部機可以如實反映我既技術
雖然對焦系統依舊悲劇 但因如此創造出更多新穎既玩法

直至年半前對攝影既熱情有所減弱 開始承受唔住L鏡帶比我既「壓力」
開始出哂所有L鏡 剩低一支舊版50.8同24-70作基本用途
而家甚至只掛一支50.8 因為夠輕 但又用途非常多
而且WIFI同GPS真係十分有用既功能 可以出街果陣帶少好多野
例如快門線 外置GPS 仲可以即時電話拎返張相落黎Send比朋友
唔駛因為要裝呢樣換果樣浪費精彩一刻
唯一不足就係無內閃 要用燈時依然要用番離機引閃器
但我旅行同外拍比較多 閃燈小用所以問題不大 反而GPS同WI-FI真係經常會用

而家我就覺得自己真真正正享受到拍攝既樂趣 放下「壓力」搵返初衷
甚至因為部機對焦系統既缺點嘗試多左唔同題材既作品

多謝6D 帶比我同幫我紀錄左好多美好既回憶
我到而家都無諗過升級或者轉會 因為6D對我呢啲業餘玩家實在非常實用

最最最主要都係FF機
EF鏡群,唔憂冇鏡用
用機頂轉盤可以快速切換到HDR(對我黎講都幾重要)
輕,第一次拎上手仲以為全膠機,其實重在粒電.
粒電幾耐用,去7日旅行先係途中充過一次電
Wifi係幾好用,但換第二部手機過相就好好好麻煩.有GPS.
上次參加日本夜晚火祭,開到1600iso仲係好靚,靚到直出圖都唔洗執.
行digic5+,同5D3一樣.

對焦拉風箱都幾經常(只限好暗,對比太低物件)
4.5連拍(開HDR時,真係好大影響)
11點自動對焦,中央果一點好快,其他自行判斷(有時係夜晚連對焦果11粒黑點都見唔到)
1/4000秒快門(總覺得未到1/8000係種遺憾)
反光板好震(用靜音會好好多)
機頂屏幕顯示資訊太小
觀景器用水平計就冇左景深預覽

8000幾就買到,係5D3的2/3到一半價錢.
可能有人會睇果5D3相差一半價錢係買個對焦系統,買多300萬像素,買多個CF卡槽,觀景器買多3%視野,買多2.5連拍.但其實機身防水滴防塵都有唔同級數,最強一定係1系喇(包括埋菲林機果埋).
個感光元件諗住同5D3相差只係300萬像素左右?錯晒,用料都唔同喇,你唔好拎1DX2粒同6D比.
6D係比唔上5D3,大家都唔同級數.但6D勝在親民.
2000萬像素係唔夠,比3000萬像素你用多幾年都係唔夠,同埋高像素係操作要好小心,執相都唔容易.
論wifi,感覺部Panasonic Gx7會好好多,至少轉第二部手機都唔洗重set好多野.GPS我用左咁耐都未開過.
夜晚影相用APSC就十死九生,m4/3就實死喇,所以對於喜好夜間影相,FF機真係不二之選.用上靜音快門,手持1/8都好輕鬆.
Canon相機定位清晰,選好需要,貴就一定有佢道理,數字都係睇,最緊要用上手夠順.

1、Wi-Fi好重要，過相或遙拍都岩用。仲帶GPS，一應俱全。呢個系點解選佢嘅第一個原因
2、比其他FF機輕身唔少，最適合隨走隨拍。呢個系第二個原因
3、畫質咯，FF機比APS點都爽D。底大一，壓死人。高iso表現系夜晚去到6400都覺得可以接受。呢个时候APS基本已经全线趴低
4、我捻系价钱咯。相比5D系列，用50%嘅价格，换80%嘅性能。我实在捻唔到唔选佢嘅理由

1、對焦，呢個應該系6D最大嘅不足。大家嘅攻擊火力基本都系開系呢點度。其實勉強夠用啦，只要唔系拍動態作品。當然如果C將70D甚至5D3嘅對焦系統放落来就最好啦（不過估計到時5D系列都無人買了）
2、個viewfinder得97%唔系100%幾遺憾咯，俾個99都好啊（哈哈，人心不足）
3、單SD卡槽，雖然對我影響唔大。但個人都系覺得如果加左double卡槽會令人放心D
4、機頂系塑料，對於整機堅固程度多少有影響。如果劇烈撞擊之下可能會演變成「爆破」工程。不過為左Wi-Fi同GPS，無辦法啦。（唔知呢個算唔算缺點）
5、防水滴防塵性能無5D3咁強，同1DX比就更加唔掂啦。但有總好過無。

之前買過一台，後來賣左。最近又入翻一台，因為始終無法忘記6D魅力。抵玩加高素質。我唔系專業攝影師，唔系靠相機吃飯，所以拿6D已經足夠。其實6D都有好多小缺點，不過你唔系過分苛求嘅人都可以忽略。因為講實話6D真系一部好機

1.平，$10400入，價錢可負擔
2.全幅機，高iso底雜訊，讚。
3.輕，機身不重，我支龍仔28-105重過佢
4.相片質數非常不錯
5.對焦慢？我又吾覺

比apsc機重
走焦
用不到aps鏡
對焦點得11點

用左6D兩年多，質數真的不錯，風景，
人像，打雀，打蝶我都拍過，不是打死雀
小弟用70-300肥白，連拍加AI SERVO打
海驅，還算痛快。
當然相機呢家野，越貴就越好，但是亦因個人財力，可負憺程度。所謂平有平玩，貴有貴玩。始終我本人最注重嘅就係勝價比。

有80%的5DIII水平，但性價比格高於這個。

只有80%的5DIII算缺點嗎？

佳能到目前都無意出6DMKII或入門全幅後繼機，是因為6D有以下犯上之嫌，影響內部市場供需，佳能是一間對供需區間非常嚴謹的企業，永遠沒有跨需求的產品，每個區間都好清晰，即使大三元紅圈除小白外係唔畀IS你就唔畀，那怕你畀得起錢；其他定焦紅圈也是，機動性、防震、大光圈、影像質素之間很少有一步到位。佳能6D買到既絕對係一偷，因為他無疑對5DIII造成直接的影響，但以入門6D而言，他的規格在推出時已經是有點超前；或許想做好個入門FF口碑，過往5D到二代推出定位都是入門FF，直至三代推出即有中級的觀念，但這個入門和中級的差距，絕對唔似佳能一貫的做法，因為我覺得呢間公司永遠係奉行一分錢一分貨的定律。當然，市場係睇整體，sony,nikon的全幅亦相繼推出，無疑對canon有壓力，這個價位，我覺得6D是毫無疑問的。

Canon鏡群
Canon鏡接用sony 機可機手調光圈，有自動對焦

對焦完全唔掂（本身用nikon d750,後轉了sony a7s）一對比之下，6d對焦慢到點影相，加上之前用既相機都有反mon,更顯示6d係上一代產品，好多人話canon 人像色好靚，我唔否認，但我認為nikon d750 真係可以秒殺6d

24-105其實已經好重，canon 鏡又真係平靚正

6D FF及iso 重量 WIFI GPS 電池用量 可以話係不牌子及價錢中，數一數二 ，但所有人都對它的對焦能力説唔掂。但調教下都ok . 首先要調教用機頂的AF 對焦及修改C.FnII.自動對焦。這樣AI FOCUS 都會有追焦能力 ,二.需6d 話有11點 ,但真係掂只有中心點.所以朋友友如要焦小孩及走動物件(請長按AF 用中心點對住 主體係拍就OK .另對焦快唔快都同鏡頭有関.24-70LF4快 70-200Lf4中 70-300f4中 16-35LF4慢 其它定焦好快,

n記同c記色調我自已喜歡c s記用得的A7II 上年才出 轉會D鏡點算! 及又要從新學習s在不同環境下拍攝的技巧及調教。 到現在6D應該還可玩一兩年都唔落後