Canon EOS 6D

評測報告

實拍照片

1. 高ISO 好用，夜晚都變朝早
2. 個mon 比40d 清，check 圖有用
3. 對焦快，一點都夠我用，相顏色正，夠sharp
4. wifi 過相快，好實用，旅行即時upload 上fb，but set up Wifi 都要d時間
5. 機夠輕，加支24105 無敵旅行組合，or配支定焦鏡掛頸
6. 電池續行好強，每日影二百張，五日都仲有電
7. FF 機比APS-C 焦距實用，散景成像都更好
8. 轉SD 對我影響不大，反而d card 更便，配 toshixx type 2 30mb card完全無delay

1. 太輕，感覺比40D 膠同輕，配重鏡唔點
2. 快門都輕， 好似 DC，一d 都唔 pro
3. 無晒d 制同推桿， 即時downgrade 晒
4. 無閃燈，定位係旅行機無內閃好唔方便
5. 代用電好多未support

之前用開40D, 上星期入6D，剛剛羅左部機去泰國
部機做工、快門唔夠40d, 5D series 咁pro， 似60d 升級版
6D = 14k 價錢買 FF版 60d + 高iso，12k 會抵d
部機定位好明顯係旅行FF 機
成日影相/搵食都係買返5DIII好d
overall 係抵買, 而家買機連鏡送270ex閃

ching 已講

ching 已講

我買機一向做足功課至落疊，上FF 都係5D3 及6D 兩個考慮，的確玩過中階APS－C 如 70D 或高階如7D （當時冇MARK 2) ，以及了解X 1.6 的「優勢」或缺點，其實呢度好多師兄都寫得好好，大致講咗6D 的優點缺點出來，但最近7D mark Ii 出咗，跟住好多人出來講6D 有幾廢，7D2 有幾勁云云。

世事永遠係咁，你要操控性就要trade off 其他嘢，如價錢或重量等，6D 的定位完全唔會在操控性上睇，首先，11 點對焦，以及中間點十字對焦較好，呢個在APS－C level 只係 600D 等入門機級數，white balance 冇掣，冇touch screen冇反芒等，拍攝速度唔夠快等等，跟住拿這些東西去跟5D3 甚至 7D2 最強的地方比較，咁結果好明顯係你去買 5D3 or 7D2 吧？但不如又拿5D3 及 7D2 跟一仔X 比吧？大家又話一仔價錢太貴，5D3 及7D2 又在「中間定位」好好。

好了，6D 又何嘗不是一個「中間定位」呢？

首先7D2 係APS－C，不過你鐘意拍得快及玩功能（尤其是熟手），我玩過7D2 一日，真係好玩㗎，又快，對焦點又多選擇，楂多一陣，都會覺得自己部6D 好：

- 好多常用嘅功能已經在Q mode 好容易選到
- 6D 啱一D 懶人如我，只係想在AV mode 較光圈，乜Q 都auto 算了，花時間在構圖上更好吧？
- white balance 師兄都講咗可以在常用「MENU」set 入去嘛
- 在"Drive" 選擇"連拍" mode, 一秒都有 4.5張，及不上5D3 及7D2 ，但都應付到大部分要求吧？
- Liveview : 拍片多？差果少少角度？

如果大家好介意以上嘅嘢，但唔介意係APS-C，CANON 已經從善如流推出了7D2 給您選擇，如果你介意7D2 唔係FF，咁5D 3 仍然是不錯的選擇，但你仍嫌5D3 唔夠，1DX 便是你杯茶，想拍片？你應該係去買camera 而唔係相機，camera 可以用番我地D 紅圈鏡，好好操控性的，只有你口袋裡有錢便可以了，CANON 的市場定位向來無微不至，只要你有錢。。。

不過，大家在比較同時，卻沒有人提及 6D 的好處：

- 細！ 輕！ 簡直係APS－C中階機重量！我600D 時代的相機袋係唔駛點換
- 平！ 而家一手跌到 10K都唔駛，二手更多選擇
- FF 質素 （9X％ 5D 3 質素），高ISO 下分別好明顯贏 7D2 好多
- 超闊ISO 範圍去到 50 至 102400
- 暗黑環境表現極出色，可能超越 5D3
- Wifi 功能正, 抄相去手機or ipad 快, 唔介意得1920x1280 即時通過手機apps 分享, 只不過部機auto off咗個wifi 便斷線 (其實所有wifi SD 一樣), remote control 都好方便
- 內置GPS 功能記低邊度旅行的相, 雖然開咗勁食電
- 舊電都襟用就梗(如果冇開GPS), 不過有些副廠電用用下會唔兼用, 用用下我都買多舊原裝

的確，6D 功能及操控性不及其他但fairly good, 但機動性就強得多，body 價錢平絕對係要考慮的重要因素，其實你地去二手區看一看，body 因為成日有新機，跌價係好快，反而鏡頭跌得慢得多。

所以你問我，三部機都各有各好，我自己啱用6D，有人啱用FF 無反，師傅搵食楂5D3 最好，口袋有又唔怕重咪一仔囉，但想試一仔操控功能又唔要求FF 質素咪 7D2囉，你睇下CANON 幾照顧我地，點都有得你揀的，但事實上，我總結6D 應該算係最平最輕的FF 單反，又有傳5D4 會出，想入5D 系朋友，咪買住部6D 二手玩下先，因為入場券平！質素也接近。

如果只係好似我咁嘅一般用家，6D 真係夠有餘了。。。

輕
全片幅
畫面靚
可用回60D的電池

高水時買入，有點肉赤，現在起碼平二仟以上

手感好，配大白也好揸手
WIFI 好用，配IPHONE4S好順，反應快
我只用單點對焦，都反應好好，但有時會有猶豫，要習慣一下
LIVEVIEW 對焦不快但我接受

又係同好多人一樣簡6D/5D3，我都知5D3正……，但思前想後主要比$18300買部5D3肉赤，心理壓力較大，61點 VS 1點，我都嚟嚟去去用1點(以前我D機部部都有51點，咪又係用一點……)，咁當然唔係乜都用中間一點，但常用。衡量返小影連拍，主要影家庭相，得閒影吓景&雀仔。6D夠輕，$10400全新行貨0%壓力，ISO能過萬仍相當OK！(好多nikon機FF做唔到)，中心對焦一點強勁，真係十分強勁，但四邊嘅對焦點弱D，我試過認真對幾次4~5米遠嘅約1CM細字(中間隔住塊清玻璃)，真係對唔清。唯有靠用中心一點玩移焦，熟習後仲快過搵手襟點，反而提高我攝影興趣。而拍片有時用手動對焦還快。連拍其實唔慢，我都用過快機(6D如影小朋友已經足夠，快機一秒10張對我無乜意思，請勿唔好同5D3比，要唸吓個差價先，不如唸吓夠唔夠用)6D咁嘅價錢咁嘅速度係差唔多，因canon對焦系統本身快，我影時命中率至少有90%。只要部相機出到高品質相，咁其餘無計啦(主因部機功能唔係樣樣啱你)，需要好好鑽研吓部機&拍攝技巧！

另外又學到DPI nikon高過canon，但canon較清晰，但其實nikon dpi高D係正D……

小弟用過nikonD80，D7100，D700，D800E，D4，canon 400D， 650D，1D4,仲有數碼旁軸，無反，菲林等……，功能好嘅相機梗係好，買相機我睇佢整體表現，向來攝影一直係高消費產品，價值又唔成正比，有時買件嘢返嚟，真正需要嘅功能唔多!但拎上手又確實開心喎。5D3正，1DX仲正，但唔通買6D就……，總知咸魚青菜，山珍海味各取所需！

1. 輕, 真係好輕
2. WIFI 同 執RAW功能好實用
3. GPS 同GPS LOGGING對行山人好用!
4. 價錢比較平
5. 多重曝光功能好玩
6. 高ISO良好

1. 對焦點除左中央一點, 其他都唔太可用…
2. AWB選擇比較麻煩了….
3. 景深預覽制SET左去右手邊…
4. 快門好易被誤按…太輕
5. 快門1/4000 同OVF 97% (非常MINOR問題…)

一向用開7D, 之前幫朋友影過下BIGDAY SNAP SHOT, 覺得部7D既ISO唔好, 好想換FF好耐, 所以就買左呢部6D.
6D既平價唔係太好, 同對頭既D600比感覺上好似差好遠, 買之前都膽心呢個問題, 會唔會比而家部7D難用呢? 買左之後就有好多改觀了.
真正使用時第一感覺係. 部機輕左好多. CS時囉上手唔多覺, 不過當你囉出街玩真係明顯感覺到分別. 用支更輕細既28-70鏡 同支35/2時, 部機完全無負擔, 對於常行山外遊影相既我來講真係好正. 可能佢唔係全金屬機身, 除左GPS之外可能考慮埋重量問題, 當囉返部7D之後就覺得佢好似一舊金磚…

對焦點係大家都覺得一個好大既問題, 我都有相同既感覺, 行山時景色唔會有太快既轉變, 其他對焦點我可以用, 對焦能力都唔太差, 對唔到迷左一陣焦可以再搵其他點再對過. 不過係一D唔可以有閃失既情況下, 只可以靠強大既中央對焦點了. 如果佢粒粒AF點都好似中央一點咁好用, 其實只有11點都無問題…

OVF係得97%, 不過實際使用上哥3%唔係太大分別. 感覺只係邊位囉多左小小小, 或者你影完之後會問, 真係只有97%嗎?唔多覺……而且OVF都算大算好睇, 同係7D時用一樣咁舒服.

轉左用SD CARD, 我之前7D用開既CF卡全部用唔返, 心痛哦 , 不過呢買一將32GB同速度既SD卡都比CF CARD平多了. 而且SD CARD又可以用返係其他器具上(CAMCORDER…DC仔…NOTEBOOK) . 所以我覺得有好有唔好啦……

最令我覺得部機無買錯既係, WIFI功能, 佢可以同手機連接做到好多唔同既野. 之前影SNAP, D人問我囉返相, 我即刻用相機內既執RAW功能再用WIFI轉去手機之後再轉比佢, 快捷方便. NOTEBOOK囉相都一樣輕鬆 , 好實用, 唔使用EYE-FI CARD來過相~~

另外一樣野係GPS, 佢既GPS LOGGING功能可以記錄底你既行程去左邊度, 對於寫游記來講, 十分方便, 相片又自動TAG埋GPS資訊. 之後可以係GOOGLE度返睇返位置. 好有趣, 可惜係有樹密頂同係大城市內沒法使用, 不過都OK啦. 而且比想像中沒咁食電.

有好有唔好, 以前部7D既景深預覽係左手邊, 好易按, 而家專左右手邊, 要用左手食指或中指去按. 如果係橫倒影仲OK, 直倒影時都幾麻煩….

另一樣野係好多人講既AWB問題, 不過我就有個習慣係將Q制第一個就SET係AWB, 其實都唔太麻煩, 只係如果用Q去SET其他野, 要事後SET返個位去AWB度姐…

有D人會覺得買佢不如買5D3, 不過買5D3你可能要補多成8K , 我覺得如果你非係要用DUEL CARD SLOT, 非係要影SPORT, 你不如留返呢8K買多支鏡仲好. 6D絕對可以滿足你一般影相要求, 對於一般愛好者來講真係一個萬能既好選擇

白平衡準
高ISO畫質好
色素靚
以其kit lens的級數而言，價錢算合理
場景模式的選擇較多及具彈性
對焦okay快
連拍夜景模式很有用

對焦點不夠，拍高速移動物體尤其不夠用
機頂LCD操作無得較白平衡
啟動機背LCD操作畫面不夠方便

本來用N記的入門DSLR D5000，今次升級用C記的中階機6D；即感受到在FF之下，畫面質素提升了遠多於一個level

無疑此機仍有一些缺點，主要是對焦點不夠，但除非要經常拍移動物體，問題不是太大；在操作介面上亦有些小問題，某些地方不夠方便

但以中階的半專業DSLR機定位來說，以這個價錢能買到一部全片幅；整體而言仍很值得推薦