1. FF CMOS, 90%為左粒 FF sensor
2. iso無敵, AUTO常用ISO6400 畫質=700D既iso400, 超強無語, 爆至ISO10000仍然不錯
3. 撘 F4L 24-105 & SSWIS 影夜景, ISO6400,竟然可以 1/15- 1/20快門, 影夜景超輕鬆, 而且質素十分好!!! 平時室內, 完全唔洗再理ISO同快門, 室內快門一定可以> 1/20, 輕鬆~
4. 好鐘意金屬機身, 摸落涼陣陣
5. 好輕便, 出動率極高, 高過M仔(M1)
6. 現在價錢平到笑, SO零買, 行貨$10100, 再減奸狼$500現金回贈, 仲有2年保, 即刻唔等去馬買左
7.支援uhs-i sd card, 買張toshiba write/read 60mb/95mb 比佢服用
8.中央對焦點超強, 夜晚都超強
9.有wifi, gps, 雖然我永遠唔會用
10.viewfinder好正(小弟第一次用FF viewfinder, 又大又光亮), 雖然唔係100% view
11.電耐用, 影左千張, 又睇下相, usb過相, 都有40%
12.解封左我枝24-105F4L既24mm, 而家有廣角用啦...(當然仲有更好既 17mm, 8mm fisheye, 16mm etc...)請見諒小弟財力無師兄們這麼強大

1. 對焦方面, 奸狼實在太小家了, 得11點, 仲要得中央先係cross type, 入門700D都有9粒全部cross type, 迫人練中央單點神功, 雖然我都係練開中央單點神功
2.影快速主題唔洗諗, 不適合打雀打蝶打跑車, 夾硬來輸一半以上, 要影快速主題用70D, 7D2 (小弟用70D), 影花影景影生活野完全ok
3.無雙sd card slot
4.快門max 1/4000, 所以我用70D 高低配置 (1/8000)
5.無touch screen

10k都唔洗就有FF玩, 仲想點, 緊係開心啦, 朋友仔係5D2機主, 都話換6D, 平到笑
請見諒小弟見識少, 但真心覺得6D係黑夜iso王者之一(當然仲有更好既5D3, 1Dx)

由Canon 350D升級上6D, 350D約使用了8年, 想試下FF的威力以及高ISO低Noise, 再者, 350D 個1.8" Mon 真係細左D, 所以手入了6D

1. 畫質極好, CMOS應該和5D MK3的一樣
2. 高Noise表現十分好, ISO5000 畫質仍然不錯
3. 有Wifi controller和GPS
4. 個Mon夠靚
5. FF機黎講機身算好輕便
6. 價錢平
7. 渣上手舒服

1. 對焦能力弱到不行......好慢, 同埋基本得中間果點用到,
個對焦速度同350D差唔多, 非常失望
2. 測光準確度都係一般, 達唔到中階機級數
3. 個Wifi好唔方便, 好唔user friendly
4. 機身無左左手邊排制, 好唔方便
5. 轉MODE個轉盤要按住粒制先轉到, 搞到成件事慢左
6. Live view對對焦十分慢

一萬蚊黎講, 要畫質好, 高noise可用, 又要FF, 一定係6D.
但如果你要對焦系統好就一定唔係佢,
我覺得衣部機比較合適影人像, 風景, 一D郁動無咁勁既野.
運動, 小朋友, 打雀就唔係好岩, 因為個對焦系統真係可以用弱雞黎形容,
慢+唔店......

衣家黎講, 不太建議手入, 建議等6D 2 OR 5D後繼機

- 具備快速 GPS 功能
- 夜攝極低噪
- 相片質素高
- 輕身
- 有 WiFi
- Raw 寬容度大

- 不適合打雀
- 拍高清片對焦慢
- HDR 冇原始相片比你後製,

好多人彈 6D 對焦不及 5D3, 7D快。但如果你只影景及影人不打雀，又何必花錢去買個重機身四維走！買多支靚鏡啦！機身不保值。
6D 具備內置 GPS，GPS sync 得快。睇番啲舊相，必定知道在那裡拍。

輕 - 拎住影2~3個鐘都唔多攰
平 - 萬零蚊FF
電耐用 - 影成千張都冇問題
相質素好 - 始終係FF機
高ISO - 到而加我盡多都係用到6400
對焦快 - 只限中間單點對焦

操作差 - 用憤7D, 5D 既會明我講乜
除中間單點對焦外其他點對焦冇用 - 不過本人用慣單點, 所以呢個對我影響不大

唔洗講..剩係一部輕既FF機, 拎出去外拍幾個鐘唔用腳架...呢部真係幫輕唔小!!
而加好多客都要睇你係咪用FF樹影相...其實真係幾無謂...
幫你影結婚BIG DAY, 你都係哂3~4R, 最多咪8R
影EVENT, 運動, 都係放上網或印落雜誌度..都唔會大得去邊...
影PRODUCTS 出POSTER最多咪A2 SIZE...而且99%都係室內拍, 都唔會唔夠光(我一定打燈)
其實APSC都夠用...
咁又要FF又唔想辛苦自己..呢部就最岩~

1) ISO 質素十分好, 可用ISO 高達25,600. 利用NR甚至連51,200都可以勉強接受!
2) 不算太昂貴的一部入門FF機
3) 輕巧易攜, 旅行至佳之選
4) 容易操控的機身
5) WB 提供K 值調較, 過癮!
6) 十分靜的靜音快門
7) 11點對焦的中間對焦點十分準焦

1) 對焦比5D Mark II 稍微好一點, 但只有一個十字對焦點實在令人感到有點失望
2) 快門最盡只可以達到1/4000s, 比起1/8000 相差了一級的分別
3) 感光元件出現了稍微偏灰的情況
4) 只有一個讀卡槽, 不太方便 (比起1DX, 5D3的雙卡槽有點區別)
5) E-TTL-II 閃光并非太準 (雖然是一直以來Canon 閃光燈的問題, 但是使用Manual 有時會很麻煩)
6) 大f-值得鏡頭對焦比較困難 (小弟從小到大經常使用50 1.8)
7) AWB 準確度不高, 時高時低, 建議用K值.

小弟用了6D 大概一年多, 由於需要迎合工作需要, 所以換了一部5D3
同時家人亦有一部1D3 在防潮箱中, 因此可以作出相當的比較.

首先, 小弟選擇用5D3而不用1D3 及6D 的原因, 皆因對焦問題.
1D3 提供的45點對焦, 當中19點十字對焦雖說是一個不錯的數字(以2007年的標準來說), 但是1D3當年以走焦為名, 小弟家中的1D3亦犯了同樣的毛病. 同樣地, 6D 提供的11個對焦點, 當中只有一個十字對焦點, 就是正中間的那一點, 可謂美中不足. 中間對焦十分強大, 但是附近的十個對焦點, 難聽點說, 它們有時只是一個裝飾品, 真正可用的, 只有中間的對焦點.

6D 其實并非一部十分差的相機. 在這樣的價位之下, 能夠有一部FF 機已經是一件十分好的事情. 再者, 6D 的輕身設計令我當年旅行減輕了十分多的負擔. 當年與家人旅行, 我沒有作出任何思考就把6D 放進袋中, 拋棄了笨重又巨型的1D3.

現今替換了5D3, 所以能夠尋找一些當年6D 有的好處. 兩者其實在ISO 效能當中都有十分好的表現. 能夠說出6D 的優點, 就是這部機真的為自己背包減輕了十分多的負擔. 同時兼備FF, 影片, 高質素以及多功能的相機.

在這個價位當中, 6D 不能夠媲美5D3 及1DX 乃十分正常的事. 但是能夠以一個合理的價錢購買一個全片幅的感光元件? 又何樂而不為呢?

ching 已講

ching 已講

我買機一向做足功課至落疊，上FF 都係5D3 及6D 兩個考慮，的確玩過中階APS－C 如 70D 或高階如7D （當時冇MARK 2) ，以及了解X 1.6 的「優勢」或缺點，其實呢度好多師兄都寫得好好，大致講咗6D 的優點缺點出來，但最近7D mark Ii 出咗，跟住好多人出來講6D 有幾廢，7D2 有幾勁云云。

世事永遠係咁，你要操控性就要trade off 其他嘢，如價錢或重量等，6D 的定位完全唔會在操控性上睇，首先，11 點對焦，以及中間點十字對焦較好，呢個在APS－C level 只係 600D 等入門機級數，white balance 冇掣，冇touch screen冇反芒等，拍攝速度唔夠快等等，跟住拿這些東西去跟5D3 甚至 7D2 最強的地方比較，咁結果好明顯係你去買 5D3 or 7D2 吧？但不如又拿5D3 及 7D2 跟一仔X 比吧？大家又話一仔價錢太貴，5D3 及7D2 又在「中間定位」好好。

好了，6D 又何嘗不是一個「中間定位」呢？

首先7D2 係APS－C，不過你鐘意拍得快及玩功能（尤其是熟手），我玩過7D2 一日，真係好玩㗎，又快，對焦點又多選擇，楂多一陣，都會覺得自己部6D 好：

- 好多常用嘅功能已經在Q mode 好容易選到
- 6D 啱一D 懶人如我，只係想在AV mode 較光圈，乜Q 都auto 算了，花時間在構圖上更好吧？
- white balance 師兄都講咗可以在常用「MENU」set 入去嘛
- 在"Drive" 選擇"連拍" mode, 一秒都有 4.5張，及不上5D3 及7D2 ，但都應付到大部分要求吧？
- Liveview : 拍片多？差果少少角度？

如果大家好介意以上嘅嘢，但唔介意係APS-C，CANON 已經從善如流推出了7D2 給您選擇，如果你介意7D2 唔係FF，咁5D 3 仍然是不錯的選擇，但你仍嫌5D3 唔夠，1DX 便是你杯茶，想拍片？你應該係去買camera 而唔係相機，camera 可以用番我地D 紅圈鏡，好好操控性的，只有你口袋裡有錢便可以了，CANON 的市場定位向來無微不至，只要你有錢。。。

不過，大家在比較同時，卻沒有人提及 6D 的好處：

- 細！ 輕！ 簡直係APS－C中階機重量！我600D 時代的相機袋係唔駛點換
- 平！ 而家一手跌到 10K都唔駛，二手更多選擇
- FF 質素 （9X％ 5D 3 質素），高ISO 下分別好明顯贏 7D2 好多
- 超闊ISO 範圍去到 50 至 102400
- 暗黑環境表現極出色，可能超越 5D3
- Wifi 功能正, 抄相去手機or ipad 快, 唔介意得1920x1280 即時通過手機apps 分享, 只不過部機auto off咗個wifi 便斷線 (其實所有wifi SD 一樣), remote control 都好方便
- 內置GPS 功能記低邊度旅行的相, 雖然開咗勁食電
- 舊電都襟用就梗(如果冇開GPS), 不過有些副廠電用用下會唔兼用, 用用下我都買多舊原裝

的確，6D 功能及操控性不及其他但fairly good, 但機動性就強得多，body 價錢平絕對係要考慮的重要因素，其實你地去二手區看一看，body 因為成日有新機，跌價係好快，反而鏡頭跌得慢得多。

所以你問我，三部機都各有各好，我自己啱用6D，有人啱用FF 無反，師傅搵食楂5D3 最好，口袋有又唔怕重咪一仔囉，但想試一仔操控功能又唔要求FF 質素咪 7D2囉，你睇下CANON 幾照顧我地，點都有得你揀的，但事實上，我總結6D 應該算係最平最輕的FF 單反，又有傳5D4 會出，想入5D 系朋友，咪買住部6D 二手玩下先，因為入場券平！質素也接近。

如果只係好似我咁嘅一般用家，6D 真係夠有餘了。。。

1. 輕身
2. 普通快門已經快門超輕 好似無郁過一樣
3. 靜音快門真係好靜 比普通快門更輕
4. 正中點對焦點準到無倫 僅限正中點 其他唔敢包

1. 1/4000快門唔夠用 唔明我講緊咩? 你試下日頭同50L或85L你就明啦
2. 畫質同立體感 比起上代機無咩大進步 唔係6D獨有既問題 連5D III都係同樣情況
3. WB成日錯 影人影景如是 要慢慢試 不過影多左就會好直覺地諗到個WB數字配合翻現場環境
4. f/2.0以上光圈 要對到需要好高技術
5. 偷抹問題令Sharpness下降 當然5DIII打後既機都存在住呢個問題

我敢講 6D係訓練攝影技術既好機黎 但要快要搵食 6D完全唔適合你
但6D基本野佢比夠你 FF CMOS, 11點對焦, WB K值 要慢慢研究
功能不足 好多時就要技術補上 令你諗多左點去達到你想要既效果
做既野係多左 唔方便 好多野逼你去試 但試既過程好多得著 甚至研究到啲特別效果
用得6D 唔好預佢一定會交足貨比你 佢唔會有5DIII同1DX果種必然 如果無耐性 6D絕對唔係你杯茶

至於畫質同立體感 用Zoom lens既時侯都唔係好覺
去到最近入左支85L就好明顯 用部舊5D+85L反而立體感/sharpness同比6D+85L出 試過5DIII+85L 都係5D強啲 可能因為抹noise問題吧
如果唔係每次用完部5D都要清塵 我寧願用翻5D...

真心6D係部好機黎 佢影出黎既每張相就係你既成績表 你有幾多功力 你出黎既作品就有幾多分 就係咁簡單

- 可用的高ISO
- 都係果啲

- 連拍唔夠快，以至有時連打兩張會遇上部機發「牛豆」呢個情形
- 用慣50D支joystick, 要轉用果個死人十字制係好痛苦ge

數年50D用家，攝影初哥，係呢個有7D2的世代要揀升級乜野，真係要諗左幾諗:

- 7D2係快係多野玩, 但係我無可影啲野要咁快ge連拍。部舊機連set去連拍的機會都少，你比支機槍我有乜用? 係, 增加中焦機會係ge~ 真係少影呢啲啦~ 連打兩張果樣衰野，影大合照花花草草多, ok la...

- 不時要面對場景較暗又懶帶閃燈的任務 (sorry, 我部50D支內閃我用唔夠10 次)，高ISO 幫到我。我受夠1600啲粗粒都粗到頂唔順的日子。係, 科技先進啲chips進步,始終APSC同FF點比?

- 操控，你問我，上手做野時6D最慘過50D... WB制都叫按多一下個Q制就ok啦 (assume 你定左係WB果格)。係, 我係唔算用好多AF Point (50D 9點都慣, 十一點好多架啦...)，但係又未神級到一點走天涯, 打直部機影個人都會用下頂果點啦 (我技術唔好啦你當, 移鏡走焦我信唔過自己)，無左支joystick 真係好傷心，尤其是要隻拇指走去果個位按上下左右...

- 個人壞習慣, 聞相。係呀, 個個fb 睇架ja, 我就係會聞樣自hi…FF win

- 差唔多價錢買新APSC chips & processor, 定唔係最新FF chips，有時都係un 住, 比錢唔係買新科技(尤其電子野)。左諗右諗，都係想要塊FF sensor，無計

我覺得比錢要知自己買到乜同買緊乜啦
我就係買塊FF sensor ga la.....

又係同好多人一樣簡6D/5D3，我都知5D3正……，但思前想後主要比$18300買部5D3肉赤，心理壓力較大，61點 VS 1點，我都嚟嚟去去用1點(以前我D機部部都有51點，咪又係用一點……)，咁當然唔係乜都用中間一點，但常用。衡量返小影連拍，主要影家庭相，得閒影吓景&雀仔。6D夠輕，$10400全新行貨0%壓力，ISO能過萬仍相當OK！(好多nikon機FF做唔到)，中心對焦一點強勁，真係十分強勁，但四邊嘅對焦點弱D，我試過認真對幾次4~5米遠嘅約1CM細字(中間隔住塊清玻璃)，真係對唔清。唯有靠用中心一點玩移焦，熟習後仲快過搵手襟點，反而提高我攝影興趣。而拍片有時用手動對焦還快。連拍其實唔慢，我都用過快機(6D如影小朋友已經足夠，快機一秒10張對我無乜意思，請勿唔好同5D3比，要唸吓個差價先，不如唸吓夠唔夠用)6D咁嘅價錢咁嘅速度係差唔多，因canon對焦系統本身快，我影時命中率至少有90%。只要部相機出到高品質相，咁其餘無計啦(主因部機功能唔係樣樣啱你)，需要好好鑽研吓部機&拍攝技巧！

另外又學到DPI nikon高過canon，但canon較清晰，但其實nikon dpi高D係正D……

小弟用過nikonD80，D7100，D700，D800E，D4，canon 400D， 650D，1D4,仲有數碼旁軸，無反，菲林等……，功能好嘅相機梗係好，買相機我睇佢整體表現，向來攝影一直係高消費產品，價值又唔成正比，有時買件嘢返嚟，真正需要嘅功能唔多!但拎上手又確實開心喎。5D3正，1DX仲正，但唔通買6D就……，總知咸魚青菜，山珍海味各取所需！

功能：
Wifi control - 取代快門線/Remote, apps 簡約易明
ISO 控制能力強
靜音拍攝, 因應不同場合應用

外觀：
輕巧FF機身, 男女適用
機身操控興60D相約, 容易控制
電池耐用
手感好

功能：
對焦弱, 中間一點除外
對焦點小 (11點)
Live View 對焦慢
快門速度只有1/4000

由600D上6D配支17-40MM, 感覺換然一新
對焦距離同景深都有好大改變, 更感受到Ultra Wide 既威力
另外ISO控制得好, 夜晚手持無難度
Wifi 手機拍攝更方便掌握不同角度, 亦方便過相擺Facebook