Canon EOS 6D

評測報告

實拍照片

Wifi (EOS remote system) , Reasonable Price (HKD18,000 24-105 Kit) , FF picture quality, Focusing Speed

Live View Focusing - 太慢 (以我經驗，比不上Sony translucent 系統在LCD的focusing 速度, 但 Sony 是EVF)
紅圈鏡的鏡價錢有點貴！
1/4,000 太少！ 應有 1/8000才行！

原來用Fujifilm X-pro1, 喜歡它的Size比較輕和Picture quality。 但始終APSC 敵不過 FF 的誘惑，最後在Nikon D600 和 EOS 6D 作選擇！老實講，單看Spec., D600 是佔優很多 ，但由於它的"自動生塵"問題，在沒有選擇下選了 6D。 用了 1 個多月，覺得選擇正確，它的單點十字 Focus很快，猶其是在低光環境。我最欣賞的是其 Wifi跟手機即 時聯系的方便。現在不會拍了一大堆相片都只是儲存在 SD卡內，可以即是跟人分享！High ISO -e.g. 6400 仍然不見noise的出現！ 現在配備24-105 和 50 1.4mm已 cover 了大部分的需要和Picture Quality 的 要求。

內置機頂閃燈對我幾重要 , 之不過6D無 , WiFi 和 GPS 對我作用不大 , 點解我會買6D?

當提升 ISO後 , 6D勝D600三班 ,中心點的對焦靈敏度和速度 , 6D勝D600兩班。

今後將會轉泊 C記的碼頭。

兩部係同價位 , 同級的相機 , 回想一吓 , 如此價位 , 呢兩部機係無乜缺點。只不過6D有嘅功能 , D600無 , 相反6D無嘅功能, D600有。
如果嫌棄這兩部機的規格和功功能 , 不如買N記的D7100 , 規格和功能相信優勝過6D和D600。之不過仍然保留在APS-C 階段。
大家要明白6D和D600 , 都係入門級的全片幅機！

我只不過係平時影吓生活相 , 旅行時影吓到此一遊作為記念的拍友。

由菲林年代至到現今 , 我都係N記的忠實擁躉 , FM,FE2,F801,D80,D300。

直到最近 , 決定升格 , 買一部平民化的全片幅相機。首選一定係N記D600 ,
但看到一些用家報告 , 初期D600的感光元件 , 無故出現黑點塵埃 , 可能產地QC做得唔好 , 令到我有所顧慮 , 引致我考慮買同價位 C記的6D , 再細閱所有的用家心得 , 測試報告 , 討論區 , 雜誌 , 再經過我到 N記和 C記的陳列室試玩 , 足足考慮了三個月時間 , 最後買咗6D。
如果你問我有關C記的歷代單反機好唔好 ,我真係唔識答你 ,正如之前我所講 ,小弟一直是N記的擁躉, 對C記的相機無乜研究, 在今次的决擇中 , 才第一次深入去了解C記的6D。
泊咗N記的碼頭二十多年, 一下子轉泊C記 , 真係好大的爭扎。
之不過今次的選擇 , 我可以告訴大家 ,小弟無選擇錯。
最後 , 小弟有兩個例子想表達一下。嘅然我泊了C記碼頭 ,就用C記的單反機作比喻。
一部6D入門級 , 另一部係5D3進楷級 , 設備和功能 , 係有分別的。
一部係5D2 ,另一部係5D3, 制做年份不同 , 設備和功能, 有無分別呢？
作出比較時 , 我認為需要公平和理性一些。

1. 輕, 真係好輕
2. WIFI 同 執RAW功能好實用
3. GPS 同GPS LOGGING對行山人好用!
4. 價錢比較平
5. 多重曝光功能好玩
6. 高ISO良好

1. 對焦點除左中央一點, 其他都唔太可用…
2. AWB選擇比較麻煩了….
3. 景深預覽制SET左去右手邊…
4. 快門好易被誤按…太輕
5. 快門1/4000 同OVF 97% (非常MINOR問題…)

一向用開7D, 之前幫朋友影過下BIGDAY SNAP SHOT, 覺得部7D既ISO唔好, 好想換FF好耐, 所以就買左呢部6D.
6D既平價唔係太好, 同對頭既D600比感覺上好似差好遠, 買之前都膽心呢個問題, 會唔會比而家部7D難用呢? 買左之後就有好多改觀了.
真正使用時第一感覺係. 部機輕左好多. CS時囉上手唔多覺, 不過當你囉出街玩真係明顯感覺到分別. 用支更輕細既28-70鏡 同支35/2時, 部機完全無負擔, 對於常行山外遊影相既我來講真係好正. 可能佢唔係全金屬機身, 除左GPS之外可能考慮埋重量問題, 當囉返部7D之後就覺得佢好似一舊金磚…

對焦點係大家都覺得一個好大既問題, 我都有相同既感覺, 行山時景色唔會有太快既轉變, 其他對焦點我可以用, 對焦能力都唔太差, 對唔到迷左一陣焦可以再搵其他點再對過. 不過係一D唔可以有閃失既情況下, 只可以靠強大既中央對焦點了. 如果佢粒粒AF點都好似中央一點咁好用, 其實只有11點都無問題…

OVF係得97%, 不過實際使用上哥3%唔係太大分別. 感覺只係邊位囉多左小小小, 或者你影完之後會問, 真係只有97%嗎?唔多覺……而且OVF都算大算好睇, 同係7D時用一樣咁舒服.

轉左用SD CARD, 我之前7D用開既CF卡全部用唔返, 心痛哦 , 不過呢買一將32GB同速度既SD卡都比CF CARD平多了. 而且SD CARD又可以用返係其他器具上(CAMCORDER…DC仔…NOTEBOOK) . 所以我覺得有好有唔好啦……

最令我覺得部機無買錯既係, WIFI功能, 佢可以同手機連接做到好多唔同既野. 之前影SNAP, D人問我囉返相, 我即刻用相機內既執RAW功能再用WIFI轉去手機之後再轉比佢, 快捷方便. NOTEBOOK囉相都一樣輕鬆 , 好實用, 唔使用EYE-FI CARD來過相~~

另外一樣野係GPS, 佢既GPS LOGGING功能可以記錄底你既行程去左邊度, 對於寫游記來講, 十分方便, 相片又自動TAG埋GPS資訊. 之後可以係GOOGLE度返睇返位置. 好有趣, 可惜係有樹密頂同係大城市內沒法使用, 不過都OK啦. 而且比想像中沒咁食電.

有好有唔好, 以前部7D既景深預覽係左手邊, 好易按, 而家專左右手邊, 要用左手食指或中指去按. 如果係橫倒影仲OK, 直倒影時都幾麻煩….

另一樣野係好多人講既AWB問題, 不過我就有個習慣係將Q制第一個就SET係AWB, 其實都唔太麻煩, 只係如果用Q去SET其他野, 要事後SET返個位去AWB度姐…

有D人會覺得買佢不如買5D3, 不過買5D3你可能要補多成8K , 我覺得如果你非係要用DUEL CARD SLOT, 非係要影SPORT, 你不如留返呢8K買多支鏡仲好. 6D絕對可以滿足你一般影相要求, 對於一般愛好者來講真係一個萬能既好選擇

輕，連電只重720g
高iso 可用
畫質好
wi-fi 好玩又有用

11點對焦只有1點係十字
冇1/8000秒
冇閃光燈(一般情況有幾可用會用閃光燈)
機身冇白平衡設定按鈕下下要去menu 設定

入手兩個禮拜到
由於我只用過550d我就只用它對比

以前用550時iso 用800都覺得雜訊好高，
現在6d到12800都可以接受
快門對比下細聲但清脆而且回彈少
中央對焦比550d強橫得多

重量以FF機來說是輕的
畫質好好
高ISO可用
暗位對焦好好
GPS好有用，旅行時可以沿途做記錄
拍片的質素很高

價錢平多少少會更好...^^

本人以前使用450D
大致上都滿意其表現
唯在室內或晚上拍攝
其ISO的表現令拍攝添上困難
適逢推出了6D
無論ISO表現、重量、功能亦切合自己的要求
加上價錢亦在可負擔的範圍內
於是就轉用了

轉用後
本人十分滿意其表現
無論在那一個場合
它亦應付自如 (因為我多數拍攝生活照或風景，較少拍攝動態影像)

升級的感覺亦非常明顯
操作、快門聲、ISO、畫質也好好
拍片、GPS、WIFI等功能也實用

每個人對拍攝有不同的要求
因此Canon推出各類的相機迎合不同的消費者
是否值得購買？
每人心中都有一把尺
自有分論

在我而言
我覺得是值得購買的

1. 輕巧
2. ISO由50至102400
3. 價錢是抵的 我買$18380KIT
4. 中間一點對焦在陰暗處都問題不大
5. 拍片質素超越我想要的
6. FF
7. 多周邊功能 WIFI GPS HDR 多重曝光 RAW後期調較
8. Q制在右邊方便單手操作
9. 多了放大制 放大一步到
10. 快門聲見人見志(我喜歡)
11. LCD螢幕3:2 回看相片時能用盡
12. 機頂數值螢幕上的按鍵一個代表一操控(對我來講方便易記)
13. DIGIC 5+強過DIGIC4很多 控制NOISE好
14. auto iso可自己調較自己喜歡的range

1. 對焦只有11點
2. 沒有1/8000快門
3. 機頂數值螢幕上的按鍵沒有AWB制
4. SD CARD
5. 97% VIEW
6. LCD螢幕不能自動調較光亮度
7. 沒有操控桿
8. 得100,000快門

背景:
本人是大學生, 攝影是為興趣, 影下人像, 旅行行山之類的相, 亦喜歡捕捉黑夜光影, 有時upload facebook, 對畫質有一定要求. 用了7D 18-135KIT三年, 上月入手6D KIT

7D轉6D感想:
很多人說除了FF了之外, 很多功能操作都downgrade了, 令我遲疑了片刻, 曾考慮過5D2. 到真正買了6D返來用, 真是用好彩來形容冇選擇錯, 我感覺不到有任何downgrade, 又或者話, downgrade的地方是我通常用不到的.
最想談談對焦點, 7D有19點十字, 6D有中間一點十字-3EV. 我習慣用開單點對焦, 這樣一來6D對我來講還合用, 有時還真是睇下你需要D咩, 我又唔打雀之類.
再講講ISO方面, 可由50至102400, 我自己本身用auto range係set左100-25600, 到晚上用到兩萬放上FB都唔覺好多noise, 我不是聞相之人, 如果要聞, 聞6400都好香, 比以前7D已經做唔到.

6D容許RAW EDIT, 真是方便到不得了, 如不是有咩急, 我而家會慢慢構好圖, 用RAW影完再慢慢edit光度, 白平衡, 同相片風格, 睇下點樣較好再save做jpeg, 其實不慢, 好快搞到, 十分user friendly.
WIFI又是方便到傻, 可以用電話搖控影, 仲即時望電話取景, 影完又可send返電話, 一影完第一時間upload fb/whatsapp, 直頭神奇.
輕巧直接令相機出勤率同興趣上升, 現在我用50mm 1.8直頭當DC咁用, 但又不失穩定, 輕鬆到...笑:)

好多對其他師兄來說是缺點的, 對我反而是優點, SD CARD對本人來講又是方便, 拎出來直插notebook就得; 而操控制全在右邊又方便單手操作. 對我來講缺點只是97% VIEW, 沒有1/8000快門同沒有操控桿, 但都是我不care的地方.
都是要回到FF的話題上, 用了FF真的對鏡頭的要求高了, 會很感受到不同鏡頭的分別及質素. FF出來的相片用同一鏡頭, 整體立體感是兩回事, 景深效果都唔同感覺, 這樣的感覺, 令我放棄了變焦. 只是50mm F1.8, 都已經咁樣, 我唔知再有能力去其他定焦會點了, 攝影的領域, 我還有很多要去探索...

感覺上呢部機真係為我呢類攝影習慣的人而設, 係..佢係cut左野, 係有佢缺點, 如果是care的, 6D可能不是你杯茶了

*一星期後update...迎來了35mm f2同85mm f1.8, 強烈加強6D原本給予相機主人的玩味, 滿足了輕巧同高汁的需要, 而且價格不算昂貴, 而家我每次帶佢出街, 諗下會影咩, 就帶邊支鏡, 每次與不同的'情人'聯絡感情, 實在賞心樂事
P.S. 攝影習慣人人不同, 變焦鏡亦的確有使用不同焦段的方便性.