日光下立體感勝過今日嘅FF機

得一個優點，其余都係缺點

至今最佳digital菲林相機

Foveon X3 Capture.

所謂既缺點，作為大企業商家點會唔知丫，只不過廠商肯唔肯再俾多啲好嘢您姐 !

以感光元件計，一部小型DC仔可以贏部份既全片幅相機 ! 基本上都冇乜嘢好講喇，原因係大部份相機既CMOS都會有偽色或摩爾紋 ! 而Fovoen X3在紀錄每一個像素時，都係實際既顏色。

由於小弟攝影技巧一般般，自從購入DP3M之後，發覺影相有改進喎，睇真啲，原來最大功勞係呢塊感光元件，真係犀利X3 ^^

1 、解像力非一般的強勁；
2、按鍵設計、菜單等簡單直接；
3、個人喜好其外型。（新出的Q系列太特別了一點。）

1、續航力奇低；
2、可用iso如菲林；
3、對焦慢，無追焦；
4、無速度、唔夠快、load得慢。

真係正都無朋友，用開nikon同sony，未用過FF，看來除了FF還有另一條出路~~
有ching講得無錯，要當菲林機用，慢慢影，影完盡量唔睇咁耐，省d電，一係就買多幾舊電。iso 640 以上可以說是另一種味道，ps一下也可以出相。
最近開始降價，賣5xxx，小弟二手買4000，相信會長用，出遊當副機，影出黎d相可以慢慢聞~~~

平！物超所値

影完一張相save8秒，電量夠影90幾張相太少，冇防手振。

用後感真係好難用三言兩語嚟形容，我簡單D講物超所値，用raw影出嚟嘅相完全係超符想像，你無可能諗到一部其貌不揚嘅相機可以影到D咁嘅相，我影隻貓張相出嚟可以係清到見到每條毛，仲有毛嘅層次毛上面嘅塵都一一係張相出現返晒，散景模糊得嚟夠滑唔會散晒。我冇ff相機所以我不能比較，但如果用自己用過嘅相如: Sony n7, fujifilm x100,Olympus e3 + swd鏡，Sony a77嚟比，呢部機係最好一部，起碼不用煩用咩鏡，本身50mm支鏡相當好(個人)，好似Sony n7又要配蔡司，e3又要用swd系列，淨鏡都已經係呢部機價錢，用平價有靚相仲想點?

﹣Detail多到不得了，解象力好利害，顏色幾準幾靚
﹣鏡頭質素好高，影人微距都好好用
﹣52mm filter不用加轉接環，能直接拎在鏡頭前，夠方便
﹣機身操作佈局精簡就手，之前用過DP1，所以好容易過度
﹣LCD質素提升左，靚左好多好多
﹣扭鏡頭對焦環作手動對焦，幾方便喎
﹣9格對焦，我好鐘意呢個設計，你鐘意邊點就用邊點
﹣對焦點有大細選擇，同埋可以移動，感覺上係人控制機而吾係機控制人
﹣值得一提，部機影黑白相幾靚

﹣ISO400以上唔掂，多noise，影黑白就OK
﹣食電得人驚，一舊電影吾到100張
﹣冇EVF
﹣點解會冇左內閃，用吾用係我嘅事，cut左好可惜...
﹣遮光罩貴
﹣機身吾好揸，冇手柄位易跌，一定要配皮套
﹣jpg質素進步左，但影raw係王道，但save耐又係一個問題...
﹣raw file成50mb，張咭要快又要大...
﹣movie係笑話，質素恐怖...

1500萬／layer，勁到冇朋友，3000萬象素以下乜反都冇得比，細節detail位100﹪crop清楚到得人驚，睇慣的話，世間任何CMOS攞去堆田區都得嘞...其實C記都知X3嘅威力，佢地都開始研究下一代三層感光原件，希望成品快d出街，市場百花齊放啦...
出到第四代，仲係得個光學觀景器，吾明點解吾出電子觀景器，手動對焦睇住過LCD mon始終吾係咁慣，如果有電子觀景器再加峰值或裂象對焦就完美嘞...
遮光罩2百幾，爛膠一舊，除左貴之外，最離譜係裝左上去加吾到鏡頭蓋，咁點用呀，影完拆遮光罩再加返鏡頭蓋呀？好吾方便啫！真係吾明點解吾抄Leica，遮光罩前另一個方型鏡頭蓋呢...
電係一個問題，如果出個有手抦嘅電池底座就perfect嘞，出外旅行帶多幾舊電吾係問題，但返到酒店差電至慘，睇住差完一舊接一舊，吾駛訓咁滯，第二日眼光光食左豬肉湯咁，苦過dee dee...
總結，毫無疑問，環顧這個價位，它的影象質素是無敵的，但高ISO是死穴，令這部機不能成為一部完整的好機，希望第五代再大力改進這個問題啦...

解象力不可思議，大陸網站話佢塊X3 sensor靚過哂所有APSC大細機，有次跟朋友的L記貴族級大sensor細機作AB比較，中央邊位任何細節完全大勝，朋友呆足1分鐘...
操作方便，d制好就手
92萬LCD靚左好多，手動對焦方便左，就咁扭個鏡頭就得嘞...
52mm口徑太好了，以前d filter完全用返哂...
微距好玩
影黑白相好靚
內對焦，鏡頭唔會伸前，有時想睇相就咁開機就得嘞，唔似以前咁，下下要除鏡頭蓋...

ISO400以後noise大，但拍黑白又幾靚喎，勁有菲林味
冇內閃，冇EVF...
save相耐耐耐
對焦慢慢慢，甚至有時會對唔到，1M未試過
食電怪，胃口大過1M

其實所謂缺點，也是DP系相機一開始由來以久的老問題，所有這些缺點你入門前己知，所以也不算是特別大的缺點,,,而且這些缺點已一點一點的改進中..希望下次再進步的是ISO啦,,,

由初入手玩DP1X，DP2，DP1 Merrill到現在的DP3 Merrill，影像一如以往，X3感光元件好sharp好有立體感，3M有微距，50mm等效75mm，段距得宜，好合適拍人像。玩左DP系相機半年，已經放棄玩左20年嘅N記的器材....
鏡頭大支左，口徑52mm啱返哂以前d舊filter，重量啱啱好，好揸手。
操作一如以往，用開不用由頭摸索，好易上手，只是焦距長左，多左分段對焦揀，長左所以對焦耐左，慢左，對焦唔夠1M快，有時光線稍暗會對唔到焦，save相比1M耐，用電量比1M大，叉滿一舊電，好快玩完...其他都同以往差不多啦...
1M和3M比較，各有各的精彩，選擇那部得看個人偏好啦，自己玩過兩機後較喜歡1M多d...

補充：有關X3 sensor的震撼....記得多年前在雜誌看過一張由某牌子的中底數碼機，拍了一張model半身照，100% crop model 耳朶，相中model戴的耳環sharp到似就咁影嘅一張相，印象深刻。中底數碼十零萬走唔甩，今天，你以二十分之一價錢，有接近7成的影象，可怕嗎？但實情真的如此，昨天我在快餐店找拍一個距離廿幾尺嘅情侶，返屋企在電腦看，竟然可以看到男的電子表上的時間，恐怖...

1）真正超越FF 畫質的 DC
2）手動對焦好用
3）手感及操控一流，簡潔的機身設計，低調之餘又富性格，不會成身都係一粒粒的按鈕，影人像時不會令對象反感，相當自然的相機。
4）人像鏡超班，一半微距鏡，75mm 等效好好用，全用2.8 光圈都已經 Sharp 爆 !

慢喎 ! 我就喜歡這樣 !
相當食電，一粒電可影60張左右，有包2粒電都影得百幾張左右，後備電唔少得 !

我以為自己正在使用菲林，無論層次、顏色、立體感都已經非常非常接近菲林了 ! 不要相信數碼畫質超越了菲林等等說法，只有此等相機的感光元件才能談得上與菲林平起平坐，可惜此機現時只有 APSC ! 如果是 FF 就不得了 !

此機並不是流行相機，還是低調、低調。