外型吸睛，古典而優雅
與pen-f同樣，主要針對文青藝術型用家市埸
機上按鈕及轉盤充足， 適合作多方面微調
寧靜的機械快門
可靠而迅速的自動對焦
全金屬外殼提供紮實的手感
二手價可比E-PL7，扺玩非常

前後轉盤大多於2至3年使用後不能操作
嚴重影響使用A, S, M 模式的用戶體驗
試過市面上3部二手E-P5，無一倖免
雖說五軸防震， 但防震功力比E-M1及E-M5 II差
沒有360度旋轉屏幕亦不能自拍

上個月有幸買入二手E-P5本是很興奮的。E-P5有著經典的旁軸外觀，全金屬的外殼，可謂我這些獨孤街頭攝影師的最佳伴侶 。可惜只是買入第一天回去就發現非常嚴重的缺陷，就是前後轉盤均不能操作。

也許交收時沒有試清楚，這問題是回家後才發現的。當晚我就立即向賣方反映問題，幸見賣家亦勇於擔當 安排，兩天後順利退貨。

以為失而復得，同期另一賣家部機應該係正常的吧，點知約好交收後一試又發現2個轉盤都有不同程度的不靈敏性。 結果還是同賣家講取消交收。

為了獲得家人與朋輩的認同，我依舊沒有放棄尋找E-P5的理想。 甚至開始覺得畀多幾舊一千去買部二手，去星際城市搵部二手機都可以接受 。於是我踏出自己的舒適區，去旺角星際城市碰碰運氣， 卻意外發現呢部機的庫存量比想像中多。 幾乎每間二手相機舖都有屯住兩三部未賣。格過價，本人去咗二樓一間器材店舖試咗部標價為1200元，全套連盒的E-P5。 試過後發現呢部95成新嘅E-P5一樣有少許轉盤不靈敏的問題。 雖然冇之前兩位師兄的咁明顯，但是每轉四五下就會有一格detect唔到， 但不逐格試係feel唔到的。 於是我將我的擔憂告訴店方， 他們亦很老實的告訴我E-P5確係出了名有這個缺憾，二手價才賣得咁吸引。 店主亦建議我可索性當那兩個轉盤不存在於機身上，並當佢係一部高階版E-PL7咁用，連五軸IBIS，高速快門及額外1級防震能力。 最後店主亦講其實E-P5的防震亦只係畀E-PL7好少少，比唔上E-M1及E-M5 II。

聽罷，我忽然覺得自己想買E-P5的興致大為減少。最後我有幸入手了功能更全面的Lumix GX7 Mark II / GX85。 結束了對輕便高階機身的無盡追求。

講到呢度，我都係想同大家分享下一部好嘅相機應該不可缺少嘅基本要求， 就是要襟用經得起時間的考驗， 尤其是像E-P5這些已經收咗消費者不少premium的商品， 怎麼可以像E-PL6這般一樣容易壞呢？

就算冇人出聲，E-P5的二手價或多或少反映了此型號的一些嚴重設計缺憾。 試想想這部機當年2013年推出敢叫一萬， 現在after market 只值標貨的10%， 與當年推出的相機型號相比，這種跌價形式實屬誇張。

1. 菲林相機, 金屬機身好手感! 每一part 精工心思製造.外型10分!
2. 相等五級的五軸防震, 夜攝一流1/6秒都冇問題,
有90度反mon 高低炒都ok ! 最正配有wifi 傳相功能, 機能 10分!
3. M43 的機動力 + 配餅鏡完勝 , FF or APS-C 都不能取代! 機動力 10分!

唯一是 M43 CCD 細! 可惜~
(不能180度反Mon, 對我來說不是問題)

勝價比高: 呢個價錢好多牌子都比唔到!
EP5再後繼算是幾時後的最新Pen-F了~ 外型內涵都係差唔多, 但價錢勁貴(行貨body 都$7xxx) , 咁我算返ep5 吧! 推介!

外殻夠Classic,有五軸防震，影相質素拍得住大機，相片顏色豐富，對焦算快，比canon無反系列，反應快一班，配件又多，又可用Panasonic m4/3系列鏡頭，選擇性提高。

電池大約影百幾張要換電，夜景拍照要落腳架才可拍照，夜景微粒較粗，當然對於機仔來講都系可接受範圍，屏幕可以高低炒，但不能360度set自拍。

影相對焦快，拍照質素唔錯，夠輕便，金屬外殼吸引。拍照可有兩個自家設定的拍照mode,又可wifi接駁電話自拍。

五軸防震
有WiFi是必備的考慮因素，因為要用手機當遙控
復古外型很耐看，金屬感極佳

沒有180度的反mon
FN制只得一粒

因為特價的關係，應該突然多了好多朋友買E-P5回家，
原本剛出的時候，已經覺得這部有五軸防震的PEN機很吸引，
外表仍舊輕巧，保留最討好復古的線條和外型。
同時得到E-M5的內在，快門、連拍、對焦速度都是很不錯的。

個樣好似復古菲林機
可以反mon，低炒時更就手
內置Wi-Fi傳輸功能
5軸防震加VF-4
優惠價入貨$3390

暫時都覺得幾好，呢個價買都冇咩挑剔啦

有大舖頭減緊價，所以趁平入貨，因為$3390實在太抵
如果個人唔追model的話，而你又需要一部有外表，同時影景影人效果都唔錯既可換鏡相機，呢部機絕對值得買
有反mon，令低炒時十分就手
5軸防震連E-PL7都未有，所以呢個價真係全城至抵

特價時候碌卡，三千幾有交易，好抵買
菲林機外殼，朋友見到都會拎上手睇
高階無反造工，線條精巧
有外置VF都幾方便

呢個Model會比較耐少少，不過唔追model的話其實佢係好唔錯

前個排聽到好多師兄話百老匯碌獅子銀行卡都係三千幾蚊有交易，所以都係趁平爽手買返屋企，因為呢類型promotion通常都唔知做到幾時，都係揀咗傳統銀黑色，sales話呢隻色都幾多人買。
前幾日試咗機，個5軸防震係幾好用，暗少少hand held影相都仲ok。
另外，當初都有concern過個mon反唔到180度呢個問題，不過睇過佢有內置WiFi可以用電話遙控自拍，所以係接受到嘅。

完全係俾個外表吸引咗
好鐘意玩個重曝
O-MD功能下放到PEN機
外置VF-4
跟17mm f1.8大光圈鏡

沒有EPL6和EPL7的自拍mon

買佢，一來食個樣，二來真係覺得呢部機係有心思。
係PEN系列入面特別唔同既相機，下放咗好多O-MD的既技術落去呢部機，五軸防震，有Viewfinder，畫質有功能有，樣又有，又輕，跟支定焦鏡個下有心思，好過跟普通kit鏡好多。

1. 配銀鏡是很吸睛
2. 不會像市面上的其他牌子塑膠感重，摸上手仍是很有金屬感，右手手握部份是防滑的質料
3. 大愛重曝功能，一般建議2-3次的重曝效果最理想，超過3次的話第一張的影像便很容易給蓋了過去
4. 五軸防震拍照或拍片效果亦十分理想

1. PEN系列來說價錢還是較高的

文青會很喜歡這款無反，外表上它是沒得挑剔的，若你有Olympus任何一款銀鏡，配上機身你都會覺得理所當然的配合和混為一體，質感是金屬感很強，不是市面上普通那種膠感重，很廉價的感覺，所以你付出多一點點，就是會有這種實在感。
買後一直在玩它的重曝功能，若再加上不同的色調去後製，你會得到更驚喜的效果。

撥桿式開關避免誤觸問題
銀色復古造型極吸引
與銀鏡合體是心心眼的效果
EV-4十分高清
快門聲音清脆

冇反MON自拍

和我的17.8銀鏡合併，絕對是心心眼的效果，有朋友說PEN系列之前的按鈕開關有機會會誤觸，但這個EP5是撥桿式開關，完全沒有之前所說的問題。EV-4很高清，畫面也很闊，在光線猛的地方完全沒有視野不清的問題，外置EVF同時減底了機身的體積和淨重量，很聰明的做法。

1. 2X2轉盤
2. 五軸防震
3. 內置Wi-Fi及GPS定位
4. 機身比例、造工、質感十分討好

1. 內建閃燈無法跳燈

很重的文青復古味, 試機時看一眼便愛上了, 之後念念不忘, 便敗了回家, 細看下質感非常好, 銀漆看上去很高檔次, 按鈕的金屬感也恰到好處