Panasonic Lumix DMC-GX7

實拍照片

細細部有齊觀景器有閃燈有反mon。
畫質可以同EM1有得比。
功能強大，防手震，1/8000快門，B快門，多重曝光，HDR等等有齊。

全景未試過有一次係成功。
機身設計唔好攞。
無防水滴。
防震級數較低。

如果係當隨身機真係無咩投訴，如果對焦可以再快少少其實當主力機都得。

畫質比EP1/2同GX1進步明顯
ISO3200絕對可用
對焦絕對快手, Even用20/1.7餅
場景易用
EVF實用
當時P記唯一的機身防震
重量平衡而且機身感覺紥實
日製P記優良傳統 - 非常襟操, 唔係刻意摧殘的話, 其實想佢壞都幾難, 而且呢個係絕響
Wifi+apps過相方便

行貨貴, 仲要唔多地方有得買, 14年GX7配餅Set行貨仲貴過同期X-E1配18-55行貨。
(P記通病) 後續功能升級相對好有限。
電量比起GX1年代係退步
唔好期望混合防震同OM-D式的五軸防震
2分鐘限制的B快門…得啖笑, 呢點真係輸俾OM九條街, 甚至比陳年Contax TVSD仲不如。

前EP1/EP2升級玩家, 本身亦有LX5同借過人部GX1玩

其實EP2對我來講唔係一個好的使用體驗, 用枝14-42 Kit的對焦同低光表現…仲衰過LX5…。

係要買支Leica 25/1.4先解決到呢個問題…我唔知係配Leica鏡問題定點, 比起LX5更淡…。

仲要我用過相機中, 得EP2係會壞(好在佢係半賣半送, 心甘情願啦)…。

所以見到GX7有機身防震內閃同EVF時, 我係好期待, 再睇到佢日本造,同表現就立下目標要追到佢 (不過買佢前, 買咗部二手R1用幾個月)。

買佢係真係貴, 同埋唔易搵, 行勻星際加各大旺角電器舖格行貨水貨到盡先搵到成成最抵買(計埋贈品價錢比當時的水仲抵買)。

基本上用佢真係比EP2時脫胎換骨, 佢好恰如其分咁代替我之前買的R1同LX5成為我背囊中必要存在的一件物件

如果你本身冇玩開換鏡的話, Sony / Fuji /Canon都可能仲適合你
不過如果一身M43的話, GX7真係唔會後悔

而且GX7同FZ1000係P記最後一代日製的相機, 而家你搵每一部P記新機, 基本上都係大陸做, 睇見都…唉~

外型靚仔(銀色+黑色版)，文青風格
機身防震及鏡頭防震雙修(用O鏡時機身；用P鏡時鏡頭)
高iso表現追近了apsc
對焦超快，無反之中無得輸
畫質與重量取得平衡
內置nfc與wifi，過相快，隨時隨地分享

電池續航力一般
不是防塵防水滴機身
動態範圍不足

一部稱職的隨身機，能令你隨時享受攝影，而不用背負太大的重量
我有全幅及apsc，鏡頭族群都算齊，但用得最多的還是GX7
幾乎放親假都隨身，放喺一般出街袋，唔洗用相機袋。

水貨平、銀黑色型、峰值對焦、影相都交到貨！

好多部分用膠造、唔夠堅固、EVF反應慢、D鏡頭麻麻地

二十歲開始學人影相，至今都有廿幾年，由GF1、GX1、到GX7，用左幾部做副機，買入幾支鏡頭、鏡頭質素始終唔滿意，成日兜兜轉轉，鏡頭咁快又轉到第二代，以機身計GX7係最滿意一部！可惜膠感太重，易花，開關制膠做似好易斷，水貨連20mm$5200，算買得過！行貨價唔值！始終覺得部機唔夠堅固、D鏡頭試過哂都麻麻地，作為副機滿足唔到我，玩古董镜，因為唔係全片幅，買支廿四mm都變標準镜，浪費金錢！個心完全灰哂！上個月終於將所有pan記放哂，副機轉sony全片幅，一天都光哂！影相興趣絕對返哂嚟！都唔會再買pan記，始終覺得佢整電飯煲好D！以上都係我個人認為！可以離開佢再升級係一件好事！都唔係刻意貶低，部機根本唔夠實凈係事實！

操控方便. 連Leica 鏡, 個樣好似小LEICA. 有多角度EVF同SCREEN, 街拍方便, 配快出的leica 15 1.7相信會是輕細又有質素之街拍組合. 由於個EVF不是在正中間, 所以如果你係R eye shooter, 你隻左眼可以打開睇VIEW FINDER之外O既野, 對街拍來說有用(就好像真的LEICA M一樣)

電力在未UPDATE FIRMWARE之前會去得好快,用淨兩格會突然熄機. UPDATE左之後, 未有出現過.
個開關制好似唔多實淨.
個EVF唔係太夠大, 可以大D就好.
有機身防震

用得開心O既一架相機, 佢造功無EM5, EM1咁實淨. 但佢個似Range Finder 設計我覺得比較適合街拍. 拍出來的照片其實我覺得己經好好. 佢比較適合配定焦鏡用, 用2.8大ZOOM G6或者GH 系列可能會平衡D.

- 可調角度 104 萬 MON，比上代清左好多，方便高抄低抄
- 可調角度EVF
- 機身防震，大約可降低三級快門左右 (POWER OIS 可降低4級左右)，用20.7 和25.4 能發揮大光圈定焦的實力。
-1/8000 快門！
-有WIFI！遙控相機拍攝、即時過相落電話，而且傳送速度都幾快，真係方便。
-有傳統單反的操作介面，所有相機設定一目了然，而且支援TOUCH SCREEN，一按就可直接更改相關設定，操控十分快捷。
-快門的反應比GX1 有改善，震動亦感輕了。
-直出JEPG 的NR 方式跟GX1 有點不同，沒有了GX1 過度抹NOISE 的感覺，另高ISO NOISE 表現比GX1 有長促進步 (但低ISO 的分別微乎其微)
-AWB 比GX1 大有改善，以前GX1 較複雜光源底下，拍出來的相可以一時偏暖色，一時偏冷色，極之不穩定，而且不論偏冷或偏暖，拍出來的色溫都跟現場有距離。GX7好多了。
-可一邊用EVF，一邊用TOUCH MON 移動焦點，貼心設計！
- M MODE 拍片！
-對焦準繩比GX1 有進步，以前就算將焦點指向人臉(已把焦點校至最小範圍，人臉比焦點大)才拍，但返屋企睇相時先發覺有部份會對左去後景……暫時GX7打左兩百多張，未發現有此問題。

-由MON 轉EVF 反應不算快，有時見到想拍的畫面，把相機靠近眼晴，要等1秒才能在EVF 見到....
- 新SENSOR 低ISO (1600 以下) 的抗噪能力，純淨度、畫質、發色等等…和GX1 差不多，最明顯的進步只有高ISO (>6400) 的NR 比GX1 強，整體SENSOR 的進步不如硬件般給人驚喜…
-一如所料，電池續航力麻麻地 (朝早拍左二百幾張，全程無開閃，已無左一格電)，所以原廠多跟一粒原廠電。
-雖然GRIP 位加厚左，提升了握感，但因為後滾輪取消了給母子借力的凸出設計，手握GX7 時沒有了以往拿著GX1 的穩陣感覺。
-由G1/ GF1 年代沿用至今的23 點 AF.......(O 家由EP1 的11 點AF 提升至EP3 的35 點AF)
-GRIP 位上用來穿相機帶的三角扣如果能上移少許就好，現在有點頂手。
- 只有120秒的B 快門，還可以叫B 快門嗎？

- 以往用GF1 和GX1，即使在單張模式下，按下快門時，間中會無端連打兩下；不過GX7 未發現有此問題
-GX7 只比 GX1 多左一個滾輪，拍攝時調校光圈/ 快門/ 曝光補償比以往更直接了當。但是整體的實體按鍵其實無增加到，在GX7 的功能大輻增加後，對於fn 鍵的分配要頭痛一陣子。幸好虛擬fn 鍵增加左3個，總算能為常用的參數加入FN 鍵。
-從前投入M43，就是貪其輕便，GX7 要放入反MON 和 EVF，其體積無可避免要增加，不過我覺得平衡感做得不錯，裝外閃或長焦鏡時，重量分佈比GX1 好。(但希望下代機不要再增加其體積，因已接近便攜機的臨界點)
- AF/ MF 改為撥桿，有好有唔好，不能微調AFF/ AFS/ AFC......
- 對焦輔助燈在GRIP 位，拿機拍攝時容易遮住