Fujifilm FinePix S1

1.鏡片質數高 ( 比 C 記 sx50hs 靚九條街 )
2.對焦極快及準 ( 無論單點及人臉對焦 )
3.快門時滯少 ( 拍得住 Nikon D750 )
4.防震強橫 ( 比 C 記 sx50hs 強很多 )
5.防水，防塵
6.電池耐用
7.可影 raw , 軟件是 silkypix 4 , 簡單好用

1.auto iso 於 P 模式時，就算設為自動 iso 為 3200 , 最高卻只會自動至 iso 800 .
2.用 raw 無得用連拍
3.閃燈唔夠自然 , ( 仍比 c sx50hs 好 )
4.機身直出 jpeg 色灰，雜訊 iso 800 已是極限
( 影 raw 後制好得多，iso1600 仍可用 )
5.實時預覽偏暗

我對炮機要求好高，現時最滿意係呢部 。
用開 C 記，轉用佢真頭係高幾班，nikon v1 配 ft-1 亦無佢對焦咁快咁準，而最令我失望係 nikon 出果部 P900，慢之餘 …… 無 raw ... 無熱靴 …… 仲要咁重 …… 。

24-1200mm正, 再wide D 再遠D 仲好, 打雀打蝶風景擺酒人像都掂,
防震好得, 手持1200mm 都OK,
快, 對焦, 開機, Zoom都好快
光圈是由2.8-16的, 即是24mm時是2.8-16, 1200mm時是5.6-16, 其他同類都只是2級光圈
防水防塵, 入塵未見過, 試過在微雨中影相都OK
最高一秒10張連拍, 好過好多大機
wifi 可以過相, 可以GPS, 可以搖控快門, 仲可以搖控zoom, 打雀好好玩
內置閃光燈是柔和準, 近距離打都唔爆, 相信又是用軟件修過,
反mon,
左手有zoom制, 打雀好好用
電長久, 亦可用尿袋沖充電
追焦都幾得

ISO得3200少D, 不過有夜光模式補返, 陰天打雀勉強D
1200mm對焦會走焦, 有時用手動對焦, 如果隻雀未走
D-range 唔得, 不過可以後期調光暗位
RAW竟然PS 同 IPHOTO都開唔到, 結果唔用RAW
富士機中呢部色算最差
曝光唔準

買前比較了同類機, F記C記N記O記P記S記睇晒, 發覺各有各問題, C記新款差過舊款, S記用菜鏡但影出來笑死人, 結果在C記上代, O記, F記之間選左呢部, 主要貪快門去到16, 結果操作比想像好得多, 比之前富士機好多, 個遙控zoom, 遙控快門真係好好玩, 呢個價錢超值, 不過D相質數一舨, 始終是DC 級sensor.
用3xxx 在DSx 買, 買左兩日壞左, 攞返去換個sale先拖左半個鍾, 又話叫我第日再來好D, 驗屍甘驗完後最後屈部機花左, 用盡方法唔肯換(買時話7日內可換), 買左兩日咋, 有花都是賣時已花啦, 打去CS叫我等, 唔好走會有專人打比我, 在店內等左1小時再打去CS, CS竟收晒工, 原來旅遊區電器店真係唔招呼港人架, 比人耍完後當機立斷落樓下富士show room報維修, 個收機師傅又一樣再驗屍,又話好多花(但花的地方唔同DSx講個D), 今次真係忍唔住同師傅講: 我來維修機唔係換機架大哥. 有壞就要同我修架啦. 結果修左3星期, 追左3次先攞得機, 富士D售後服務如果甘, 真係建議師兄們非made in japan唔好考慮, 買時碰運氣, 壞左盞勞氣

對焦快, ZOOM得快, 開機快
五軸防震
全天候機身
電池耐用 (一日內影9百幾張相+一條幾分鐘片都未用晒啲電)

停留係一般DC畫質
連拍相片的檔案名同其他相片唔同, 偶爾連拍變咗啲相片不能跟名順
Mon色水反差太靚, 呃得勁, 放入電腦睇正常D!
拍片ZOOM時會錄到摩打聲.

本人已賣晒啲可用的單反, 手頭得番一部GR, 影乜都係用佢.

但細妹結婚點都要有部ZOOM到o既機用先掂,
同級中睇中就係呢部, 話三月出但遲遲都未見有得賣,
本來如果無就可能要買SONY HX400V或問人借機用,
幸好係結婚前一晚就有得賣!

結婚當日全程都無開閃燈, 免得搞到啲攝影師,
對焦方面快而準!! 室內暗都無問題!!
對焦速度在GR之上, 這是意料之外的事, 應該有入門單反的速度吧!
係酒樓唔開閃燈影D色水都算OK, 只係黃D, 唔係黃到執相都執唔到果種.
另一個意外驚喜係舊電影到九百幾張相都仲有電,
CANON機好似5D MII都係影五六百張已係極限,
DC就更少, 四百上下. 部GR都係四百張度.

部機個硬郎外形都係吸我買佢之一, 而全天侯加上輕便的機身, 真係好方便郊遊!