二手價錢平、千零蚊有交易
本人用canon 22mm F2，我覺得係絕配
多色選擇
輕身
方便收藏攜帶
細部
有WiFi
有NFC
電量正常
有180度反mon及touch screen
有內閃
有熱靴
反應唔錯

都冇乜挑剔
唯獨是冇EVF
低光或偏暗環境下舊version 1.0會迷焦或對唔到焦，update咗1.2.1之後情況改善很多！

算靚仔
新手簡單易用
二手價嚟講千零蚊交足功課有餘
部機可能太細部，手掌大的可能比較論盡、女仔機較理想（尤其是白色）
本人有canon M6 ii 比較M3之下我覺得M3都有7/10分

最便宜的 EOS M 24.2 MP 入門機
清脆媲美 DSLR 的快門運作聲音
支舊18-55 Kit係好野嚟
3個轉盤，M100嘅價錢，M5M6級的操作
內置閃光燈可玩Bounce
EVF-DC1 好好用
EF-M 鏡頭可以在非常近距離對焦
想不到機身居然還是日本製造
有峰值MF Assist
Wifi易用，過相過片快

AF表現失望， 會迷焦，不能對焦
連拍僅4FPS
Save相讀相速度慢， 連拍更慢
Canon 牙膏企業，除sensor， 性能同M, M2, M10差不多

最近有幸轉會ef-m ， 玩過M10同M50兩部機身 。 最近見到有人放M3，價錢平通街，就一於少理入返部過下手癮。

先講下第一印象 ， M3畀人嘅感覺係專業 的， 就好似一部小型化的M5機身，有良好的手感及操作性。 手柄十分就手，好揸。 重量以入門機嚟講不算輕，但亦唔重。三個轉盤帶來很好的操作性 ， 惟exposure dial略緊，單手Control有點難用。而同我本人用緊的M50相比， 由於多咗兩個轉盤，使用ASM mode時真係方便左，調教各種設定亦都比較順手。

一如其他ef-m系統嘅特色， 呢個系統所有嘅鏡頭都可以近距離對焦，呢支18-55亦不例外，在任何焦距下都可以近至25cm成功對焦。 除此之外，18至55mm kit係造工比較好的早期鏡頭，除有金屬Mount，成像在F5.6 - F8更遠比15-45mm出色。

同其他高階機相比，M3在功能方便甚為落後。首先AF速度慢及低光環境下不太可靠，可比我部Olympus E-PL1 (0.2-0.3s)，而連拍速度只有4FPS，基本上只有舊式M43機的水平。

在光源充足的環境下， M3遠比入門M43機身優勝， 甚至有些用家覺得m3比起m5 m6這類高階機身成像更Sharp。

講下ISO表現。ISO1600時， 比起M43，Eos M3表現贏入門M43成條街。 ISO3200時M43通常已經跪低，但M3仲見得下人。 但同最新嘅M50比，M50 ISO6400仲用得， M3係始終爭少少。M3的ISO表現尚好，無人哋講到咁差。

最後由於M3有提供Hot shoe， 因此見人賤放：EVF-DC1就立即入番粒返嚟玩下。 果然沒有讓人失望，EVF 的eye sensor正常運作， 成像好，發色準， 用完冇投訴。

總體來講，M3畀我的感覺係鮮花插在牛糞上，成像出色，但性能追唔上。下面幾個post話M3如垃圾喎，呢樣就見人見智。但以今時今日都洗的二手價嚟講， 我覺得對得住二手用家同埋想抵食夾大件入會EF-M嘅用家。 因此我會推介EOS M3給打算入會的新用家。

講真如果你係一個運動攝影師，街拍達人，星空攝影師， 買M3回來可謂自討苦吃，唔好怨人。如果你純粹係平時去下旅行影下相， 影下嘢食，影下Vlog， 我搵唔到乜嘢原因呢部機會比EOS M，M2，M10及M100差。 更何況M3有Wifi，連接快，過相快， 去旅行分享相片真係好方便。

都係嗰句一分錢一分貨， 呢部機嘅二手價只有M50/M5的一半以下， 還荷求什麼呢？

講開又講M系都用左三個Model。
單反100D200D我都玩過。
講真入門無反同入門單反比，除左AF快，電量足，真係無乜優點了。反觀無反成像佳， 體積小，輕便攜帶，易上手，優勢已滿足大部份入門新手。最近DSLR器材二手價大幅回落，不無原因。

二手價超便宜
比起canon M10，呢部有熱靴、手柄、轉盤
非常易用
輕便
180度反mon
kit鏡15-45，15mm焦段比單反18mm焦段更wide
kit鏡靜音錄影片

M系鏡頭少
1080p 30p
閃光燈弱
口徑少
低ISO

二手價1千多元來說是很便宜，性能合理，有apsc cmos，kit鏡便宜，其他鏡唔貴。

我呢個 POST 係針對樓下再樓下位【kkleung911】，見你打字水蛇春咁長，猛讚到 M3 差唔過 80D，仲講到 M3 影唔到星軌，真係好好奇你究竟當時寫呢部機意見時，究竟有幾多攝影基本功? 同埋究竟識唔識分別成象質素???

同埋最搞笑，你話 EF 及 EF-s 鏡，可直接用在 M3 機身上，乜唔使加轉接環咩? 可直加咁犀利? 你夾硬用膠水黐上去全手動用呀?

但今時今日睇番你 Facebook 內作品，坦白講你能夠用 80D 及 M6，影左唔少作品都幾唔錯，當然亦睇得出你有後製過，但唔緊要，最緊要係作品賞心悅目!

當年你話 M3 同 80D 出既作品，睇唔出有咩分別我好驚訝! 究竟你用 Live view 比較...定係放上電腦比較?

另外你話 M3 冇得接快門線，所以影唔到星軌，你唔識用手機 App 遙控、或用時間倒數功能，再調較長時間曝光影咩? 可能今時今日你已經識咁替代，但當時你基本功咁淺，好心就唔好寫評測啦，教壞人呀!

【kkleung911】當年唔熟悉唔緊要，唔好衝出黎扮勁寫評測啦好心你!

我睇完【kkleung911】評測後感覺：

M3 有乜可能比得上 80D?

好多 DC 都冇 B Mode，亦接唔到快門線，一樣大把人影到長時間曝光作品，以前冇 app 可遙控，人地都可以影到，你有 app 遙控，點解影唔到?

EOS M 系有邊個型號，可直接唔需要轉接環，而可用上 EF 及 EF-s 鏡頭?

一個字cheap

冇任何優點

之前用過很多相機從未寫過用後感. 這部野平平地買部用下. 用了一個月. 放都放吾切. 此機感覺用緊十年前產品. 各方面質素出奇地差. 今時今日Canon仲能夠出的此等級相機出來. 難怪相機市場收縮晒. 新M6我估也分別不大.

1.Lcd有104 萬點像素(6d都冇)影出黎即場睇靚過6d#以為
2.有wifi，快同幾穩定
3.白色平衡，曝光幾準(感覺準過80d)
4.機仔細細，但畫質很高，同樣是apsc，唔會差得過單反既apsc，甚至睇唔出分別
鏡機唔貴，特別是鏡很抵買，成像一d都唔差(特別推介efm22mm,efm11-22）
配上efm22mm餅鏡出街好方便
5.可用番曬canon既ef同efs鏡，可補efm鏡群不足
6.操控不錯，光圈，快門，曝光補償有獨立轉盤可快速改變設定
7.有反芒，單手自拍冇難度
8.有touch 芒

1.對焦方格很大，如果主體細好易對左背景
2.對焦幾準既，對焦速度，日光日白冇咩問題，都好快，去到五六點暗少少開始慢，再夜d會慢同迷迷地，動態難度會高d，靜態影景同人都ok既，同單反冇得比
3.無內置evf，要另外買，都幾貴，過千
4.用左evf冇得插外置閃光燈
5.iso竟然冇m1高，雖然都冇咩會用到咁高，同高iso噪點好勁，3200樓下還好
6.冇得用快門線，想玩星軌真係唔知點玩
7.食電快，去影相要帶後備電
8.efm大光圈，或大光圈定焦太少(Canon睇到麻煩搞搞佢)
9.追焦能力極差，但都仲追到既，係失敗率高d囉(如果影d跑來跑去的小朋友，基本上好難)

用左m3一年幾，剛買左80d幾個月現在回看m3，好多人都睇死呢部m3，覺得屎，話係買都買s家，但對canon有個結，加上m3重點係鏡平還可用ef鏡，我就覺得一d都唔後悔，還覺得好好用，又練到技術。m3比起單反好處，夠輕便，去街好輕鬆，唔洗下下咩住咁大部單反(咩到死死下)，比單反真係輕好多。
呢部m3令我喜歡上攝影，開頭都係諗住影下家庭生活照，但之後見到面書d人點解可以影得咁靚就開始研究下，原來m3都得架喎，基本上單反影到既，m3都影到(除了星軌或縮時)唔係唔得既，但冇理由睇住時間續張用手按。
鏡頭，鏡頭唔貴喎，比起s家同f家，平得黎好有質數，但買得m3唔好只係用kit鏡，因為kit比唔到驚喜你。你會覺得影出黎同手機差唔多，如果係室內唔夠光仲差，所以要學識唔同場合用唔同鏡頭，特別推介efm22mmf2必買，22mm焦距好好用，大光圈，遠得近得，變型小，影人影景都得，自拍都冇難度，我拆kit買返黎六百，攜帶方便，質數好好，f2已經好sharp，推到2.8影人，已經勁勁勁sharp好有立體感，又做到淺景深，(當然睇光同技術)，有人話勁過好多 l鏡
有關測試
https://youtu.be/tecYw3qC1Io

第二支驚喜推介efm11-22，二千幾，畫質很不錯，影大景一流，感覺質數比efs廣角鏡還好，有次經驗我用m3加efm11-22，個朋友用5d3 ef17-40影景，之後用電腦開raw放大對比，竟然冇咩分別，直頭拍得住，如果唔話你知邊部機影，其實好難分得出，

總結，m3係入門的好選擇，女仔都好岩玩，畫質靚，細部，如果主要影靜態，影景，影企定定既人一定冇問題(影model都影過，唔錯)，影動態既小朋友多就可以諗下其他機，黎緊還會出支18-150既天涯鏡，去旅行更方便

就快出m5，m5肯定會改善左m3好多缺點，例如對焦速度，對焦方格大小，增加轉盤，內置evf，仲有內置縮時(睇資料)但七千幾喎
，等跌價啦(我講我)，我諗佢都係一部好機黎既。

以上都純是本人的感覺，沒有數據支持匆插

有興趣可以去睇下小弟用m3影既劣作既，大部份都係用m3影，最近才多點用80d影，可以參考一下或交流下

facebook.com/kkleungphotography

錄影對焦速度快，鎖定某個物品、人臉自動對焦。

WiFi遙控拍攝畫面有延遲。
瀏覽照片時換張不夠流暢。

配15-45mm鏡頭畫面不夠銳利，內置閃光燈很好，橫度可跳燈。
要買的話，建議到實體店試用看看，才不會後悔唷。

可移動觀影鏡,平水可拍攝,

很方便携帶.

1）加轉接環可用返批EF 鏡
2）比起用大機60D來講，十分輕便
3）影出來的相片係日光情況下，與大機質素有8成幾功力
4）機仔細點，女仕較喜歡用

1）對焦到現在第三代機，速度都係好輸蝕
2）影相反應都幾慢
3）ISO推高至1600，微粒都幾粗
4）二手機價錢跌得快，唔保值
5）影移動對象得相片好差，慢半拍

用左一個月，原都係為左批EF鏡才用EOS M3 d才買來用，用落手真係唔合格，對焦幾慢，暗黑環境影出來的相片質素好粗下，機本上用了一個月，真係唔多掂，最後轉會用Olympus EP5,效果好，相片出來大多唔錯心

機內自動執相可以接受
可以輕易加轉接環用其他鏡頭, 包括 EF 同 FD
好楂手

偏紅嚴重, 要自己調教
ISO 1600 以下唔係好得
反 MON 又反唔晒... 點解唔用 SX / HS 系列果種反MON

當 5D2 VS M3
真係輕好多, 質素係比唔上, 但都只係相差唔多, 只要唔好全開聞相就 OK

當 RICOH GR VS M3
ISO 表現 GR 全勝, 亦都輕好多, 又可以放入褲袋, 只係冇得 ZOOM...