Fujifilm X-T2

評測報告

實拍照片

1. 日本製機身做工質感一流，一上手就知道
2. 快門ISO曝光補償各種轉盤以及滾輪搖杆操作性佳
3. 機身配重與握把設計不錯把持手感相當棒
4. 24M JPG畫質非常棒，絕對是旗艦機種表現！
5. EVF和LCD表現比SONY好太多了
6. 雙SD卡
7. LCD可三種角度上下側翻，構圖很實用
8. 耐候表現超強，多次雨天拍攝完全沒出過問題
9. 純粹個人主觀喜好，快門聲波波波好好聽！

1. 追焦模式太複雜希望可以設計簡單一些
2. 無IBIS
3. 續航力不夠好

玩過好多台富士，非常推薦這台XT2給想入手富士的朋友，絕對是一台經典的機身！

1.速度快! +左BOOSTER GRIP開BOOST MODE 成部機既反應快 連拍都夠力!
2.機頂D轉制好用左好多, 唔會好似X-T1咁LOCK鬼住
3.繼續出富士靚色 (影綠色野(樹草)時, 真係好自然) 人像ALSO
4.打橫打直既反MON 太方便了!
5.雙SD槽! 仲要係UshII 速度快! 連拍真係LOAD得快過A7RII好多! A7RII竟然得3X MB 傳輸! 之前拎A7RII去打雀, 連拍幾下又同我LOAD機 真係O咀
(當然要明白4200萬像VS2400萬像啦.. 但佢A7RII傳輸慢係事實!)
6.繼續直出懶人大過天~
7.用同一支KIT, 比X-T1 更有細節 2代同3代SENSOR係有分別!
8.白平衡幾準 SONY A7系返到家硬係要汁一汁
9.ISO可用提高左!

1.電力同X-T1冇大分別都係300張左右, 即係冇進步過 (唔用BOOSTER GRIP計)
比SONY A7R2, 其實2部都差唔遠, 無反係咁掛?
(不過用埋個BOOSTER GRIP 共3粒電, 我打雀打蝶影足一日都夠 連拍過千張)

2.富士幾時先肯搞搞個手機APP!? 真係有D慢, 而且過相要逐張黎! 火都黎! 依方便又真係SONY 領先既, 人地可以係相機選好幾十張, 再一次過落手機度!

3. 電太貴了!

講講我既相機歷程先: EPL2 > 70D > A7II > X-T1 > A7RII > X-T2
一出即買左X-T2 KIT SET 連BOOST GRIP
現有2支富士鏡 XF18-55 及 XF100-400

影生態雀蝶等用 X-T2+BOOST GRIP 配 XF100-400 連拍快, 追焦都不錯!
影景影人暫時就KIT頂住先,
試過支16-55 配X-T2 >快快快, 遲下會去入埋1024及1655

冇反悔轉返富士! 太正了~
用SONY時要下下LR,PS...依家? 緊係懶人直出把啦..不過慣左照影RAW+JPEG

如果富士快D出支超超超廣角又WR及2.8....咁就仲正!

對比X-T1:
進步左好多, SENOR靚左畫質細節更好, 轉盤方便左, 直橫反MON方便左,對焦速度快左, 裝左BOOSTER GRIP 直頭睇到分別, 雙SD及快傳輸方便左連拍都快D唔使LOAD機 仲有個新加既果粒"的" (Q制下面果粒) <唔識講
(用黎較對焦位果粒的) 真係好方便!!!快速改對焦點!!!!
打雀打蝶有時要開到ISO3200/6400 X-T2都仲可以 (比著X-T1...就玩完啦...)

對比A7RII:
有直橫反MON較方便,對焦速度(不用GRIP計) 我覺得大家差唔多,
但裝埋BOOST GRIP 打雀打蝶時, 真心覺得快過A7RII配支70300 ,
雙SD及快傳輸方便左連拍都快D唔使LOAD機! A7RII依方便堅唔掂!
俾2萬幾蚊買A7R2, 明知90MB一張RAW咁制! 你都唔加雙SD 及加快個傳輸速度!!搞到成件事錯晒! 比人落後幾年咁,, 富士依方便有誠意!
影生態時, 佢冇X-T2果粒的, 冇得快速改對焦點!!! SONY 依樣野太慢了, 較得黎,乜雀都走晒


當然A7RII 一定有佢優勢地方! FF 4200萬像 細節真係好高! CROP相都仲好有質素! 仲可以FF機行埋APSC MODE, 即係300MM鏡 變左450MM鏡(不過得1800萬像) >> 只影靜態 唔影生態既話, 無反計>> 暫時A7RII都算係無敵~

綜合黎講, 我都係選擇X-T2 XD~
SOR............. 太有感..............打得太長添....~

富士顏色
日本製
取景器畫面夠大望得好爽，一般半幅個取景器都係好細，但佢個取景器做到好大，有啲似全片幅機
重量可以接受
機能麻雀雖小五臟俱全
快門聲好好聽
左邊係轉盤係iso，右面轉盤係快門，鏡頭可以較光圈比較懷舊過癮

電好快用完 所以熄機再開機都已冇咗少少電 但呢個問題可以裝直倒去解決影成日都冇乜問題，但就會比較重 所以如果唔裝直倒嘅話就帶多幾粒電出街，新出嗰一隻s嘅原廠電會襟用啲
覺得操控直覺性唔夠 Canon單反快
用開單反開頭可能唔慣無反個取影器 因為係電子畫面所以我有時會影暗左，要再覆練下
冇touch mon

本身我係用開canon 77D想升級上去全片幅，但又覺得現時嘅全片幅機都好重同埋好貴同埋各廠全幅無反都啱開始發展，所以我想在觀察一排先，之後見到富士嘅顏色真係好靚所以入左富士去感受下無反先，(最可惜富士無全片幅啦)遲啲先再升上全片幅。Xt3出咗本來有打算買，本身佢機能係強大個xt2，可惜xt三個lcd mon個密度都唔夠xt2靚 如果細心啲睇xd 3d中文字其實係一格格，同埋電都冇解決到問題 雖然有touch mon，同埋大陸制 所以我崇日我揀咗xt2，而家個價位都合理 全新嘅機身連鏡頭都係10700，又係日本製可以用住先😆

-速度夠快，夾張快memory card超爽
-Sensor質素有提升，色靚細緻度高（我係由XE1 > XT2）
-買得XT2梗係玩M mode，啲掣layout好好，又可以customize
-高ISO

-總括來講冇，這部已經係我心目中最完美嘅無反相機
-不過真係要講的話，可以再輕多50g就更好

真係要讚Fujifilm，感受到呢部新機係有heart之作，好多細緻位都係從用家角度去設計。其實買呢部之前都有諗過上唔上Full Frame，不過玩得無反都係想輕，好認同less is more呢個concept，APSC先叫真正做到body同支lens都輕，今次出Trip影完啲相放上電腦睇真係超滿意，所以真心要寫個用家心得，真係要俾個like呢部誠意之作❤️

用過Pentax K5、Nikon D700、Canon 5DII，最後賣曬，轉用X-T1，一直用得好開心。我一向唔係早買早享受既人，但對富士例外，未出X-T2我就知，一出我就即買。

買左X-T2無幾耐，操控感覺同X-T1差唔多，所以好快試曬所有Function，同埋已習慣點用。

X-T2一上手既感覺比起X-T1實在，大少少，好攞左。加上我買埋grip，裝埋之後同一部FF機既握感無分別！不過當然加左一個grip同兩粒電係重左好多，如果輕便性係你既首要考慮，grip我唔太建議裝。

一望入Viewfinder影相，就立即感覺比上一代反應快好多，特別係對焦速度同Viewfinder流暢度。其實X-T1已經唔差，但X-T2更加唔「拖泥帶水」。特別係用一d對焦慢既鏡頭(XF 56)感覺更加明顯，整體感覺令我諗返起FF機既對焦。

畫質方面，初步與X-T1做左比較，其實除左像素高左，Detail多左之外，我無感覺到有好大既提昇，包括High iso noise方面。不過當然，加左50%像素都唔影響high iso perfermance 已經好勁！X-T1本身畫質已經好好，同之前既FF機比較，影出黎既Raw，我已經唔覺有咩分別，都係因為親身比較過，我賣曬FF機同鏡頭，買曬X系列器材。

Video方面，我自己有Sony RX10 II，一部專門拍片既機仔。雖然無得同a7s II比，但對於一般用途質素有返咁上下。不過我始終唔鍾意用Sony相機。一直都好想Fuji爭氣出返部拍得下片既機，終於比我等到！估唔到Fuji短短幾年就追到其他Video大廠既水準。實拍過，雖然F-log暫時internal未有，只能用減highlight、shadow、color、sharpness方式盡量拉大Dynamic Range，但出黎既footage好sharp好自然，後期加埋saturation同contrast後都睇得下。除左F-log同4:2:2，終於返返正軌比3.5mm mic我啦，個preamp都感覺唔差，比起RX10 II大聲好多，甚至支Rode Videomic pro都唔駛set boost 20db。另外，發現X-T2拍片既自動追焦效果出奇地好，一般既拍片機自動對焦都會有一個問題，就係就算對中左之後都會唔知點解再前後不斷微調，但X-T2唔會，鎖定左就唔郁，所以對焦效果好比手動對焦咁自然，非常值得一讚！我比較過拍片mode同影相mode，反而影相mode會有不鎖定問題，可見富士特別針對Video對焦做左好多野。總之，對專業拍片的人來說，真係可以試下Fuji機。

呢部機，兩個字：誠意。
呢間相機廠，兩個字：難求。
我未見到有一間廠好似Fuji咁，以攝影師的需要為本，承認自己既缺點，不斷聽從意見，改進自身，講得出做得到。對我黎講，擁有一部富士既相機係一件好美好既事。

世上無一部完美既相機，但偏要我㨂一部既話，我覺得就係X-T2。

1-色好
2-反應可以(我裝埋個原裝手把)
3-電力可以
4-鏡頭出色(我成個trip)都係用23/1.4

1-過相一次30張
2-測光按鈕可以做得順手d。。。宜家由點測去全幅測轉盤唔係錦方便順手

好機，一部xt2，一部x100f。。夠🐦